حكايتى ...... مع التاكيهات

[الايطالى الصغير]

يا سلام لو رفعت الفيديو

تبقى عملت فينا معروف ربنا يباركلك يا اخى ويسترك دنيا وآخره

عظيم امتنانى وشكرى

[Hisham.Elgazzar]

المشاركة الأصلية كتبت بواسطة سلامة البدري الاخ هشام الجزار بارك الله فيك مجهودك القيم انا عندي فيديو تظبيط تاكيهات عربيتي مصورة والميكانيكي كان بيظبطهم التصوير معقول وكان بيشرح الي بيعمله بس للاسف مش عارف ارفعه انا معنديش حساب علي اليوتيوب والموقع هنا مبيدعمش رفع الفيديو من واجهه الرد المتقدمه قولي اي طريق ارفعه بيها وانا اعملها عشان اساعد معاك وافيد اخونا بالمنتدي

سلامة البدرى

أولا أحب ان أهنئك على السيارة الجديدة ويارب يطعمك خيرها ويكفيك شرها
حضرتك تقدر تدخل على الموقع ده
هتعمل تحميل للملف وبعدين تكتب حاجة كده زى تسجيل حساب
بس سهل وبعدين هتاخد اللينك بتاع الفديو اللى رفعته على الموقع
www.4shared.com
وجزاك الله كل خير ، وشكرا لنقل التجربة

[سلامة البدري]

السلام عليكم ورحمة الله وبركاته

الاخوة الاعزاء اهشام بيه الجزار واالايطالي الصغير

انا رفعت الفيديو علي الموقع اللي قلت عليه

وده اللنك بتاعه
http://www.4shared.com/video/-dC6PUJu/__online.html?

وده شكل الفيلر الي بستخدمة في اظبط وتخيلوا تمنه كام 10 جنيه
بس العبره مش في تمنه الرخيص العبره باستخدامه صح مع خبره عاليه
وده كل صفيحه منه ليها سمك معين من ميلي الي 15 ميلي علي ما اعتقد

حاولوا تشوفو الفيديو لاخرة لانه في وقت ايد الميكانيكي مغطيه الماتور واوقات بيكون الشغل بتاع التظبيط ظاهر جدا وهو بيستخدم الفيلر وبيوزن الخلوص بتاع التاكيهات
وانا خليته اتكلم وشرح الي بيعمله وكمان في حته فنيه مهمه اتكلم عنها هي تحرير التاكيهات وظبطهم بترتيب معين يعني التاكيه الاول ثم الثالث والثاني ثم الرابع
والفكرة انه بيدخل صفيحه من الفيلر بسمك معين محدد من قبل صانع السياره في الخلوص بين عمود التاكيه والصباب ويلف الصموله بالمفك عشان يتظبط الفرغ ما بينهم علي حسب مقاس صفيحه الفيلر المستعمله
والمقاس بتاع ظبط الخلوص طبعا مدون بكتالوج الصاينه واحيانا بيكون مكتوب علي كبود العربيه من جوهوهتلاحظه في الفيديو بتاعي ان صورت مكانه
الامانه بتحتم اني اكتب اسم الميكانيكي الي عمل الشغل بتاء علي طلبه وهو الميكانيكي المحترم عمر السكيوي وهو من الشباب المجتهد في الصنعه وبداء يثبت وجوده عندنا في محافظة سوهاج

انا كان نفسي اظهر الفيديو في المشاركه ذي فيديوهات اليوتيوب الي بتكوك ظاهرة في المشاركات مباشره بس للاسف معرفتش لو حد يعرف يقولي

عربيتي علي فكرة دبابه 2006 يعني ماتور جاز معرفش يفرق عن البنزين كتير ولا لا؟؟؟؟ بس اعتقد الفكرة تقريبا واحده في الماتورين لان اليه عمل المواتير متشايهه جدا سواء بنزين او جاز ده في حدود فهمي المتواضع

[ahmed2801]

المشاركة الأصلية كتبت بواسطة Hisham.Elgazzar حد عنده إستفسار يا رجالة

إضافة صغيرة يا باشمهندس الشيرى الصينى بها هيدروليك فتر.
وتسلم يدك الموضوع كله جميل وهايل وبسيط للى معندهوش فكرة وأحب اشكر حضرتك والمهندس كارز ادمير على ما تفضلتم به من معلومات قيمه وصور وفيديوهات.

المشاركة الأصلية كتبت بواسطة ahmed2801 إضافة صغيرة يا باشمهندس الشيرى الصينى بها هيدروليك فتر. وتسلم يدك الموضوع كله جميل وهايل وبسيط للى معندهوش فكرة وأحب اشكر حضرتك والمهندس كارز ادمير على ما تفضلتم به من معلومات قيمه وصور وفيديوهات.

طيب اضافة صغيرة ونخلى الشيرى الصينى تاكيهات اطباق مش هيدروليك
http://masrmotors.com/vb/showpost.ph...5&postcount=41

س وقسوق