مشكله غريبه في السرعه...160 مش اكتر من كدا

[viken.tantawy]

السلام عليكم

اولا كل سنه وحضراتكم بخير..
الحمدلله ربنا كرمني ورزقني بنوبيرا 2 استيراد كوريا موديل 1999 وبصراحه عجباني جدا وعملت لها طقم سيرفيس (بوجهات + سير كاتينه+سير مجموعه+فلتر بنزين +فلتر زيت )
المشكله :- ان العربيه بتوصل لسرعه 160 ومبتزيدش عن كدا نهائي لو حتى هنزل ابوس الكوتش
ملحوظه بسيطه عندي علبه الشكمان محتاجه تتغير
ارجوكم لو في اي حل للمشكله دي ياريت حد يعرفني على قد ما العربيه مريحه وسحبها معقول مش اللي هوا قوي يعني بس مقبول لكن السرعه معايا تقف عند 160 دي بصراحه مخلياني مخنوق وحاسس اني متكتف

[وائل شريف]

من الافضل الكشف بجهاز كمبيوتر لمعرفه الحاله العامه واكتشاف اي عيوب، ومن الممكن ملاحظه الفتيس لو اوتوماتيك كام نقله وهل بينقل لاخر نقله ولا لأ

[viken.tantawy]

بصراحه دي اول مره اركب اوتوماتيك واظن انها اربعه نقلات ... لكن حكايه الكشف بالكومبيوتر دي هحاول بأذن الله والف شكر على الرد يا افندم

[modyegypt]

اولا العربيه بالتعود بتجيب اكتر مرة بعد مرة
لكن يا اخى 160 كويس وبلاش اكتر من كدة وكتير والله
حتى لو الطريق يسمح بلاش العربيه على لحظة
ربنا يسلم طريقك

[viken.tantawy]

الحمدلله طبعا كويس بس الهدف هنا حضرتك مش اني اطير ولا اللعب بالعربيه ....الهدف انك تكون عارف قدرات العربيه ومميزاتها والغريب اني لاقيت انها ممكن تجيب اكتر فا ليه بقي 160 دي بس غريبه بصراحه وعشان كدا حبيت استفسر واعرف جايز يكون في مشكله اللحق احلها بدل ما تكبر معايا وانا مش واخد بالي ...فهمت قصدي يا افندم