#1
|
||||
|
||||
سير الكاتينة اتقطع طقم شنبر ..
منذ اكثر من شهر اتقطع سير الكاتينه على طريق مصر الاسماعيلية و بالطبع اثرت على موتور العربية (دايو لانوس 99) اضطررت لنقلها للورشة و تم تغيير الصبابات و عمل وش سلندر .. و اجراء اللازم .. و من هذا التاريخ .. اتابع زيت الموتور .. اكتشفت نقصانه بشكل ملحوظ .. حوالي نص لتر زيت لمسافة 1200 كيلومتر .. و بدون خروج اي دخان من الشكمان .. رحت للميكانيكي .. قاللي دي عايزة طقم شنبر .. و طبعا معنديش حيلة غير اني اعمله .. و هنا السؤال للاخوة الافاضل .. تكلفة و قطع الغيار تقريبا تكون كام .. و كمان هل طقم الشنبر يؤثر مستقبلا في حالة الموتور .. ولا عادي بعد عمايلة يبقى الموتور طبيعي و زي ما كان .. طبعا انا قلقان و مضطر انزل دلوقتي للميكانيكي يبدأ الشغل ..لانه لا بديل لاستغنائي عنها لان مشاويري طويلة شوية ووقتي ضيق كمان .. ارجو الافادة عن الوقت المستغرق لعمل طقم الشنبر و ايضا تكلفته المتوقعة .. شكرا للجميع
__________________
هكذا أنت يا إمرأة .. بين جنبات النفس و الروح و بين العقل و القلب .. أتدركين لماذا ؟ ......!!!!
|
#2
|
||||
|
||||
رد: طقم شنبر ..
طقم الشنبر للانوس ممكن يعمل من 170 الى 250 جنيه حسب الماركة لو عايز تكلف اكتر ممكن تجيب طقم جوانات كامل وتخلى الميكانيكى يعمل روديه للصبابات المصنعية من 200-300 حسب المكان والصانيعى الوقت يوم واحد فك وتركيب ويوم كمان ظبط وتليين بعد اسبوع ختروح علشان يظبط التاكيهات
__________________
د / محمد إن الله لا يصلح عمل المفسدين
|
#3
|
|||
|
|||
رد: طقم شنبر ..
معلش أنا مليش فى اللانوسأوى بس بوجه عام
حضرتك بتقول الزيت بينقص كتير رغم إن مفيش دخنه من الشاكمان طيب برضه مفيش دخنه من خرطوم الفايظ و حالة البوجيهات أيه, السن بتاعها عليه زيت و لا لأ؟ لو البوجيهات معليهاش زيت (على سن الإشعال مش القلاووظ) يبقى الشنبر بصحه جيده و الميكانيكى بيعمل شغل عليك. لو فيه زيت يبقى شنبر أكيد طيب لو مفيش زيت يبقى إيه السبب؟ ممكن , و ده توقعى, يكون أولسية الكرنك (فى العربيات القديمة فيه واحد أمامى و واحد خلفى معرفش اللانوس أخبارها أيه) و ده يسيل زيت و يخلية ينقص من عند طنبورة الكرنك أو الدبرياج (حسب مكانه) و فى كلا الحالتين الموضوع أبسط من الشنبر بكتيييييير - شوف البوجيهات الأول هيا اللى هتحكم على السبب
__________________
|
#4
|
||||
|
||||
رد: طقم شنبر ..
اجابة على سؤالك حولين طقم الشنبر
اختيار خاطىء ...... الافضل والاسرع هو موتور استيراد فك وتركيب يوم واحد مش اكتر انما طقم الشنبر هياخد اسبوع اقل تقدير والنتيجة مش مضمونة والتكلفة هاتدخل فى الف جنية انما الفكرة هنا هل فعلا موتورك محتاج شنبر
__________________
يااااااااااااا رب إرحمنا بقدرتك علينا |
#5
|
||||
|
||||
رد: طقم شنبر ..
شكرا لكل من شاركونا بالرأي .. تم عمل طقم الشنبر بالفعل في 24 ساعة تكاد تكون متصلة تكلفة اجمالية 900 جنيه شاملة المصنعية ..
__________________
هكذا أنت يا إمرأة .. بين جنبات النفس و الروح و بين العقل و القلب .. أتدركين لماذا ؟ ......!!!!
|
|
|