هام بخصوص النترا 2012 !!

[zsecsqxsw]

يا جماعة اي حد يعرف ...

1: سعر تركيب الجنوط الـ 16 في التوكيل بالكفرات ؟
2: سعر تركيب الحساسات الخلفية في التوكيل ؟

[Toyota Corolla]

ربنا يباركلك فيها مقدما ، أنا حاليا بفكر أبيع عربيتى للتجديد و فكرت كتير فى الانترا الجديدة و لقيت انها كشكل فهى هجومية و جميلة أما الكورولا فهى كلاسيك و ده أكتر حاجة محببانى فيها (اراء) و الانترا طبعا موتورها أقوى من الكورولا بفرق 8 أحصنة تقريبا و أعلى فى الأداء ، الحاجتين اللى فاتوا دول اللى أغلبية الناس فى مصر بتشترى على أساسهم أما أنا بالنسبالى الحاجات ديه كلها صفر كبير فى حالة مقارنة جودة الكورولا المعروفة و اعتماديتها اليابانية بالانترا ،، لذا عند تجديدى سأجدد بإذن الله الى كورولا للمرة الرابعة منذ عام 2001 أو الى سيارة اوروبية ، الواحد بيشترى عربية بهدف أساسى وهو التنقل و الاستخدام العملى مس عشان تصيمها عشان مش هيركب على ظهرها .

[JILANCO]

المشاركة الأصلية كتبت بواسطة zsecsqxsw حصرتك بالنسبة للخامات : فهي جيدة جدااااااااا .. خصوصا لما تشوف خامات الكورولا الناشفة كلها والباب الخفيف وده مش كلامي انا بس ده كمان كلام تقريرات كنت شفتها على النت من فترة بخلاف طبعا اني رحت للمعرض ... وعلشان اقطع الشك باليقين ركبت الاثنين (( يعني كلامي عن تجربة )) هو بس كل اللي فيها وكان باين عليه ضعيف بأمانة هو الاسطوانات اللي حوالين عدادت السرعة اللي بارزة لبره اما بالنسبة للثبات ..:: فالاغلبية العظمي لملاكها * اجمعوا على انها ثابتة جداااااا لغاية 180 كمان ولو عن الاحساس عدم الثبات موجود بسبب الباور الكهربة .. فانا متعود عليه لاني كنت سايق " فورد كراون فكتوريا "" وطبعا اللي ساقها يعني يعني ايه باور كهرباء ( اخف باور تجربه في حياتك في عربية ضخمة ذي دي .. وممكن يديك احساس بعدم الثبات ولكنه احساس وهمي .. لانه كل حاجة بتحركاتك انت )) - وبالنسبة للاحتكاك :: فبرده ناس كتير قايلين انه غير صحيح .. هي صحيح منظرها يوحي كأنها هتحك في الارض بس انا شاكك في الموضوع ده صراحة وبالنسبة للرينو فليوانس ... فهي عربية محترمة جدااااااااااااااااااااااا ا ♥ ولكن لازم بنزين 95 .. وده مش متوفر نهائي خصوصا عندنا وحتى في اغلب مصر مش شائع وقطع الغيار .. غالية حتى وان كانت معمرة .. بس برده اي حاجة معرضه انها تبوظ تاني والله اعلم .. عموما ان شاء الله احاول اشوفها .. وفي الختام متشكر جداااااااا .. لأراء حضرتك وعلى راسي من فوق

:Bra vo:

[sherifabden]

بص ياباشا فكك من الاعتمادية والتعمير والكلام دا كله
هات عربية صيني واهتم بالصيانات الدورية واتحداك العربية تفتح بقها

[ahmed el gendy]

يا جدعان ايش جاب الالنترا اصلاا للكورولا الالنترا اساسا لايمكن تقارن بالكورولا اصلااا الا ف مصر عشان عمو غبور افتكر نفسه بيبيع عربيات محترمه ورافع السعر طب بلاش الجديد منهم بص للانترا موديل 2001 وبص للكورولا 2001 هتلاقي الكورولا لسه عايشه والالنترا ماشيه بس بتعرج

من الاخر الكورولا عربيه اليابانيين عملوها عشان لو عاوزها تكون عربيه العمر وحافظت عليها هتقدر تمشي معاك لكن النترا مين
انا كان معايا كورولا موديل 93 كنت باعمل بيها كل اللي نفسي فيه كنت باجيب بيها ع الصحراوي 170 ومكنتش بحس لا بتعويم ولا كنت اعرف يعني ايه تعويم بيها اصلاااا العربيه كلمه تعويم مش موجوده عندها خااالص تفتكروا فيه عربيه اكسيل ولا حتي النترا ولا اكسنت موديلا لحد اواخر التسعينات تعرف تجيب السرعه دي

انا ركبت النترا جديده ف المعرض وركبت كورولا جديده ف المعرض برده احساسي بالشكل والفخامه ف الالنترا افضل بس يغور الشكل اهم حاجه الاعتماديه الشكل هاتعود عليه مع الوقت وهيبقي عادي لكن الاعتماديه هي الاساس
واخيرا بص لعربيه النترا عامله حادثه وبص لعربيه كورولا عامله حادثه الكورولا اغلب العربيات اللي بتغير نص امامي او خلفي الخبطه اصلااااا مش بتوصل للقوايم اساسا لكن اتفرجوا ع الالنترااا قوايمها بتبقي عامله ازاي

انا مش متحيز والله للكورولا خااالص انا كنت راكب كورولا قديمه 93 ودلوقتي راكب فيرنا 2013 يعني المفروض اكون متحيز لعربيتي الحاليه مش اللي بعتها بس الحق يقال الكورولا لا يعلي عليها