كيف تكسبين رضاء ربك بكسب مودة زوجك

[Eng/salwa]

المشاركة الأصلية كتبت بواسطة THE EGYPTIAN رسالة من أب لابنته ليلة زفافها...مؤثرة بسم الله الرحمن الرحيم اللهم صلي على محمد وعلى آله اجمعين... ابنتى . . . اليوم تنتقلين إلى يدين غريبتين . . . فى هذه الليلة سيظللك سقف غريب فى بيت رجل غريب. فى هذه الليلة سأقف فوق سريرك النظيف فى بيتى فأجده خاليا من ثنايا شعرك الأسود الذى يفوح منه عطر الطهارة فوق وسادتك البيضاء. و قد تنهمر الدموع من عينى لأول مرة فى حياتى ، فاليوم يغيب عن عينىّ وجه ابنتى ، ليشرق فى بيت الرجل الغريب الذى لا أعرفه حق المعرفة خيره من شره. اليوم ينتقل شعورى وتنتقل أحاسيسى إلى أهل أمك يوم سلمونى ابنتهم و هم يذرفون الدموع ؛ كنت أظنها دموع الفرح أو دموع تقاليد أهل العروس ، و لم أعرف إلا اليوم أن ما كان ينتابهم هو نفس ما ينتابنى الآن ، و أن ما يعذبنى هذه الساعة كان يعذبهم ، و أن انقباض قلبى فى هذه اللحظة و أنا أسلمك إلى رجل غريب كان يداهمهم أيضا. و صدقينى يا بنيتى إنه لو كان لى ، يوم تزوجت أمك ، شعور الأب ، لأفنيت عمرى فى إسعادها ، كما أحب أن يفنى زوجك عمره فى سبيل إسعادك. ابنتى . . . فى هذه اللحظة أندم على كل لحظة مضت ضايقت أمك فيها . . اليوم أجاوز الحاضر و أجابه المستقبل و أتمثلك واقفة أمامى تقولين << زوجى يضايقنى يا أبى >> فماذا أفعل ؟ أسأل الله ألا ينتقم منى بك ، و الله غفور رحيم . و الآن . . دعينى أضع أمام عينيك الحلوتين بعض النقاط التى يحسب الرجل أنها توفر له السعادة فى بيته الزوجى . الرجل _ يا صغيرتى _ يحب الأمجاد و يتظاهر بالثراء و النجاح ، حتى و لو لم يكن ثريا قط، فلا تحطمى فيه هذه المظاهر ، بل وجهيها بحكمتك و لطفك و حسن تصرفك و الرجل يا _ فلذة كبدى _ يفاخر دائما بأن زوجته تحبه ، فاحرصى على إظهار حبك أمام أهله بصفة خاصة . و الرجل _ يا قرة عينى _يفخر أمام أهله بأنه قد انتقى زوجة تحبهم و تكرمهم ، فاكرمى أهل زوجك ، و استقبليهم أحسن استقبال . و بعد . . يا بنيتى . . إذا ثار زوجك فاحتضنى ثورته بهدوء ، و إذا أخطأ داوى خطأه بالصبر ، و إذا ضاقت به الأيام فليتسع صدرك لتسعفيه على النهوض . . و لا تنسى _ يا عمرى _ أنك إكليل لزوجك ، بيدك أن يكون مرصعا بالدر و الياقوت على هامته ، أو أن يكون من الشوك يدمى رأسه و رأس أبيك ، إن لم تحافظى على شرفك له دون سواه . بنيتى . . . كونى له أرضا مطيعة يكن لك سماء ، و كونى له مهادا يكن لك عمادا . و احفظى سمعه و عينه فلا يشم منك إلا طيبا ولا يسمع منك إلا حسنا و لا ينظر إلا جميلا . . . و كونى كما نظم شاعر لزوجته قائلا : خذى منى العفو تستديمى مودتى * و لا تنطقى فى ثورتى حين أغضب ولا تكثرى الشكوى فتذهب بالهوى * فيأباك قلبى و القلوب تقلـــــــــــب و أخيرا أسأل ربى أن يرعاك برضاه و أن يستقر لكما كل حبى .

جزاك الله خيرا
كلام جميل جدا و رائع و يا ريت كل بنت تسمع الكلام ده و تعمل به
انا فاكرة اننا درسنا فى اللغة العربية فى المرحلة الثانويةدرس ( وصية ام لابنتها عند الزواج ) ايضا و كان كلام جميل و فى منتهى العقل بس للاسف مش فاكرة النص الصحيح

اشكرك على المشاركة المفيدة

[Eng/salwa]

المشاركة الأصلية كتبت بواسطة محمد عبد النور الموضوع شيق جدا ومهم جدا احيي جميع من ساهم فى الموضوع الاختيار قال الرسول تنكح المرأة لاربع لمالها ولجمالها ولحسبها ونسبها ولدينها فاظفر بذات الدين تربت يداك ويكأن الحديث المراد به اذا اجتمع فى المرأة أى من الثلاثة الاولى مع الدين فتزوج والرابعة لوحدها تكفى ولم ينسى ولاة الامور فقال اذا جاءكم من ترضون دينه وخلقه فزوجوه الا تفعلوا تكن فتنة فى الارض وفساد عظيم الزواج مبنى على بعض التنازلات من الطرفين لتسيير الامور الحياتية والا فان الحياة الزوجية ستتعرض لكثير من المآزق وهنا اتذكر حديث السفينة التى اصاب بعضهم اعلاها وبعضهم اسفلها من اسباب الخلافات بين الزوجين الفهم الخاطئ وتدخل الدخلاء وانا اسميهم العملاء لانهم يفسدون الحياة الزوجية واستجابة الطرفين لمثل هؤلاء عدم طاعة الزوجة لزوجها والغياب التام لفقه الزواج واحكامه وبالتالى عدم معرفة الحقوق والواجبات فكثير من الرجال يرددون آية الرجال قوامون على النساء ولايدرون ماهى القوامة وفى اى شئ تكون ونسوا آية ولهن مثل الذى عليهن ومن الاسباب المؤدية لتأخر سن الزواج والعنوسة بشكل اساسى الحالة الاقتصادية السيئة للغاية فمن اين ياتى شاب بمهر الفتاة وسكن وهو بالكاد يملك قوت يومه بالنسبة لتعليق قرأته ان نسبة الكويسين فى الجيل حوالى 25% ياريت لو صاحب التعليق يسمحلى اختلف معاه فى ان النسبة اكبر من كده ولكن السئ من يظهر دائما فهو امامنا فى كل مكان هدانا الله واياهم لبس البنات .......... ليا وجهة نظر فى الموضوع ربنا امرنا (الجنسين) بغض البصر وامر النساء خاصة بان يدنين عليهن من جلابيبهن والجلابيب هى المنطقة تحت الرقبة فاذا غطتها المرأة كان الاولى ستر جميع بدنها ....... بالنسبالى هما يلبسوا زى ما هما عاوزين حتى ميلبوش مش مشكلتى عشان انا مش ببص عليهم بس ربنا يهديهم ويعرفوا انهم مش سلعة ويعرفوا كمان انهم حاجة غالية جدا بس للاسف مش مقتنعين والبنات المحترمة دور عليهم فى البيوت مش فى الشوارع ......................... ......................... ......................... ......................... ... وفى نهاية كلام اشكر المهندسة سلوى على كم المحاضرات العملية والمواقف الشخصية بهدف التعليم والافادة جزاكى الله خيرا

جزاك الله خيرا على الكلام المفيد و جعله الله فى ميزان حسناتك

[HaMaDa-ToUBaR]

المشاركة الأصلية كتبت بواسطة Eng/salwa جزاك الله خيرا على الكلام المفيد و جعله الله فى ميزان حسناتك

تسلم حضرتك ع الكلام الهايل جدا دة

وطبعا حضرتك انا متقبل اختلافك معايا بكل ما ورد فية والموضوع هيفقد جمالة لو مختلفناش واتعملنا مع بعض ووصلنا للكلام السليم الموزوون

حضرتك اختلفت معايا فى نقطتين اول نقطة نسبة 25 %

حضرتك انا شاب واجتمااااعى جدا واعرف ناس كتير الحمد الله

المشكلة انهاردة انى لما بنزل الكلية مثلا والكورسات وخلافة فى دفعة عددا 8000 طالب وطالبة قول هنستخلص منهم 4000 بنات ... هتيجى تشوف هتلاقى نسبة 25% الى انا بتكلم عنها كويسة جدا جدا
لما اقول ان فى 2000 بنت محترمة من اصل 4000 ..

انا يا فندم لما اشوف البنات واقفين يهزروا ويضحكو مع الاولاد فى الشارع ويضربوا كف ومش عارف اية ؟؟ يبقى دة اية مثلا ؟؟
لما الاقى فى الكورس الواحد الى بيكون عدد الطلبة والطالبات فية 60 مثلا منهم 40 بنت و20 ولد واطلعلك منهم 6 بنات بالعدد الى ينفع يتقال عليهم محترمين ؟؟

ونفس الكلام بالنسبة للاولاد .. لما اكون اعد فى كورس ومفيش حاجة شاغلة تفكريهم غير دى لابسة اية ودة بتعمل وبكلم دى ومبكلمش دى وطبعا نفس الحال فى الجامعة ؟؟؟

فيمنفعش تيجى تقولى النسبة دى قليلة ابدا والله مش قليلة اطلاقا ..

نيجى بقى للنقطة التانية وهى ( موضوع اللبس )

من امتى حضرتك وفى حاجة فى حياتنا بتم من غير حساب فمينفعش تقول ان بنت تنزل بلبس غير محترم من غير ما تتعاكس ومن غير ما حد يبص عليها لية يا فندم ملايكة احنا مثلا ولا اية ؟؟؟

لو لبس خارج اتخن تخين هيبص .. دول البنات نفسهم بيبصو يا راجل هتيجى ع الشاب وتقولى مش عارف اية !!!

وبعدين انا مش فاهم حضرتك بتختلف ع النقطة دى لية وانت حضرتك قلت كلمة جميلة جدا فى الاول انا لو ربنا كرمنى بواحدة لدينها فقط تبقى بالدنيا كلها... تيجى دلوقتى وعاوزنى اتغاضى عن نقطى اللبس .. لا طبعا مش كلام ..

لو كل اب وكل ام وكل اخ معرفش يعلمو بنتهم معنى كلمة الاحترام فى كل حاجة فى الحياة يبقى كل سنة وانت طيب

واخيرا يا فندم انا سيعد جدا بالنقاش معاك وكان نفسى اطول معاك بس عندي مذاكرة ولازم اقوم دعوااااتكم بقى

[koashraf]

موضوع اكثر من رائع يدل على اخلاق كاتبته العاليه وخبرتها فى الحياه واصلها الطيب ...جعله الله فى ميزان حسناتك..للاسف مريت على العنوان اكثر من مره ولم اسعد بقراءة الموضوع لانى تصورت انه يحتوى مجموعه من النصائح المكرره ..ولكن حينما طالعته اكتشفت خبرة حياه قلما تجد من يصوغها بهذا الاقتدار والروعه فى شكل نصائح غاليه ..اتمنى من زوجات الحاضرو المستقبل ان يكون هذه الكلمات الطيبه نورا لهم على طريق الحياه الزوجيه السعيده...

[nktis]

متابع....................