رابطة مالكى الاكسل

[waelsalah]

المشاركة الأصلية كتبت بواسطة mohdedo شكرا يا باشا انا مركب كتاوت للنور ... وبالنسبة للمبات 200/260 بس انا بلاحظ حاجة غريبة لما بنور النور بحس ان الموتور وطى شوية اكنك بالظبط شغلت التكييف

عندى نفس الحكايه وكمان لما المروحه تشتغل ع السلانسيه برده المكنه بتوطي وتترج شوية
وربنا يدلنا للخير يارب

[miam0502788391]

المشاركة الأصلية كتبت بواسطة ramy uwk انا غيرت ماتور عربيتي كان 1300 وجبت واحد 1500 بس انجكشن وركبت المنفول بالكربرتير الي كانو في 1300 دلوقتي عندي مشكلة في العربية وانا ماشي بيها لما بهدي عند مطب او اقف الار بي ام يفضل يطلع وينزل وتبطل وفي صوت فرقعه في الشكمان وبتسخن كتير جدا والمراوح مش بتلحق تبرد وتشتغل تاني علي طول مع اني لسه جايب ريداتير جديد ولما باجي اركن العربية واقف واقفل كونتك العربية تفضل دايره برضه متبطلش الا لما اديها غيار عايز تقولي المشكلة عشان اقدر اعلجها بسرعه لو سمحت.

كل الشغل اللى حضرتك بتقول عليه هو تظبيط للمكنة
الفرقعة اللى طالعه من الشكمان ده دليل على تهريب كهربا يعنى كابل مش مظبوط او غطا الاسبراتير بايظ .... الخ
السخونية تقلق وكده موتور مروحة التبريد ممكن يتحرق لأنه شغال بصفه شبه مستمرة
العربية دايرة وحضرتك مبطل ده كهربا زايدة 100% يعنى من الاخر تظبيط موتور
الننصيحة شوف ميكانيكى بيفهم لو اللى حضرتك بتتعامل معاه مش مريحك

[miam0502788391]

المشاركة الأصلية كتبت بواسطة waelsalah الله ينور يا دكتر محمد ربنا يباركلك بالنسبة لليايات الخلفية هل منها جديد والامامية ايضا ( لان فى اصل عندى الجنب اليمين اعلى قليلا من الجمب الشمال ومركب علايات فى الخلف كاوتشة مرسيدس (((اوقات كتير بحمل فى الخلف والعربيه بتحك فعليتها بكاوتشيايه وركبيت جوز مساعدين kyb ))) فبحس فى الطرق المكسره ان العربيه بتتهز يمين وشمال هل السبب من فرق العلو ده ولا من شئ آخر وشكرا جزيلا

الله يبارك فيك يا وائل باشا
الياى مش عارف فيه منه جديد ولا لأ , الاستيراد بيعمل فى حدود 50 جنيه للياى الواحد
مش عارف الاهتزاز ده من الياى ولا المساعدين لأن الكاوتشة اعتقد ان ليس لها دور فى اهتزاز العربية , هى ممكن بس تعوم العربية على سرعة عالية

[miam0502788391]

المشاركة الأصلية كتبت بواسطة Good09 مبروك على المقصات و ياريت تقولى على حد بتاع زوايا يكون كويس مكانه و اسمه

الله يبارك فيك يا باشا
فى واحد بعد دوران المجزر وانت طالع على السريع فى دخلة اول شارع يميين بعد معرض سيارات مش فاكر اسم المعر ض
الراجل بتاع الزوايا اسمه ابراهيم وتقريبا بياخد 20 جنيه

فيه واحد تانى واحد ميكانيكى كان قالى عليه لكن مجربتوش هو موجود فى طلخا - طريق المحلة من ناحية القنطرة كأنك رايح على مقابر طلخا

[Good09]

المشاركة الأصلية كتبت بواسطة miam0502788391 الله يبارك فيك يا باشا فى واحد بعد دوران المجزر وانت طالع على السريع فى دخلة اول شارع يميين بعد معرض سيارات مش فاكر اسم المعر ض الراجل بتاع الزوايا اسمه ابراهيم وتقريبا بياخد 20 جنيه فيه واحد تانى واحد ميكانيكى كان قالى عليه لكن مجربتوش هو موجود فى طلخا - طريق المحلة من ناحية القنطرة كأنك رايح على مقابر طلخا

جربت هدهد اللى ورا المستشفى الدولى او ابو حطب الى بعد مقابر سندوب