سال وهتلاقى المتخصص الى هيجاوبك عن سوالك فى بيجــو

[الزعيم2]

السلام عليكم استاذ هيثم:CONGRA~2 38:
انا اشتريت 305 /1979 يوم الجمعه الى فات
العربيه مشاء الله شكله حلو ونضيفه بس انا خبرتى قليله وعايز احافظ عليها اعمل ايه, اخلى بالى من ايه هوالمفروض ان اغير زيت الماتور ولا ايه ؟
وزيت الفتيس والميه وكل الكلام ده انا مش بعرف غير اسوق بس فياريت حضرتك تقولى ابتدى ازاى وشاكر جدا

[thelostlove45]

م.هيثم انا عندي مشكلة في عربية بيجو 307 موديل 2005 ,في الفتيس الاوتوماتك عند الرجوع من الـ 4 لل 3 بيرجع تقريبا علي سرعة 50 وبيحصل شدة كده في العربية , كأن العجل مسك وفك تاني في أقل من ثانية أرجوا الافادة .. وانا لسه مغير 4 لتر من الزيت , وكشفت علي ضغوط البلفات قالولى تمام.
والمفروض امتى اغير ال 6 لتر زيت والمصفاة ؟

[Ahmed_pcm]

المشاركة الأصلية كتبت بواسطة hisam2010 الــــــــــــــ5008 الأسعار:- من المفترض إنها تنزل مصر إن شاء الله السنة الجاية وبالنسبة للأسعار (تخمين) هتكون زى ما حضرتك قولت. الضمان & الصيانة:- دلوقتى الضمان سارى فى جميع الدول بغض النظر انت شاريها منين... يعنى مبقاش زى زمان فى تفرقة عنصرية ويقولك ملهاش ضمان عندنا علشان دى خليجى وطبعا الصيانات تعملها عادى جدا فى مصر. الشراء:- ده شئ يرجعلك انت... وطبعا بيبقى فى فرق بين مواصفات السيارة الخلبجى والمصرى زى مثلا قدرة كباس التكييف وهكذا..... بس لو اشترتها من الخليج هتضيف الى سعرها تكالييف الشحن والجمارك والحجات دى اعتقد انها تكاليف مرتفعة!!!!!. المحــــرك التـــربو:- انا عانيت كتير من التربو فى ال 308 وال 407 بسبب عدم توافر قطع الغيار ولو موجودة بتبقى تكلفتها عاليه بس لغاية دلوقتى مفيش أى مشاكل فى ال3008 التربو فى مصر. فى النهاية انا طبعا بفضل ال 5008 عن ال 308

انا بحثت فى الموضوع هو الموتور واحد والشاسيه تقريبا قريب من بعضه مع ان لقيت فى تعليقات بتشتكى من نظام التعليق فى السيتروين الجرانت بيكاسو ياريت لو عندك فكره هل فى مشكله فى نظام التعليق فى السيتروين
بالنسبه للشكل الخارجى اظن ان راى شخصى وبالنسبه للشكل الداخلى هو فى امكانيات اكتر فى السيتروين بس لو عندك فكره فى اى مشاكل فنيه فى السيتروين بخصوص ان فى خصائص الكترونيه كتير فى الداخل وفى عجله القياده ومبدل السرعه الالكترونى
واخيرا هل موضوع الضمان ان لو الواحد اشترى عربيه من دوله تانيه يقدر يتابع فى توكيل مصر ولو فى مشكله التوكيل يصلحها على حسابه لو لسه فى فتره الضمان ولا ايه
وشكرا

[hisam2010]

المشاركة الأصلية كتبت بواسطة thelostlove45 م.هيثم انا عندي مشكلة في عربية بيجو 307 موديل 2005 ,في الفتيس الاوتوماتك عند الرجوع من الـ 4 لل 3 بيرجع تقريبا علي سرعة 50 وبيحصل شدة كده في العربية , كأن العجل مسك وفك تاني في أقل من ثانية أرجوا الافادة .. وانا لسه مغير 4 لتر من الزيت , وكشفت علي ضغوط البلفات قالولى تمام. والمفروض امتى اغير ال 6 لتر زيت والمصفاة ؟

مشكلة الشدة فى تسقيط الغيارات الاوتوماتيك عند التهدئة.... لازم يتفك الفتيس ويتعملو طقم اصلاح كامل.
وبالنسبة لغيار زيت الفتيس كلو بيتغير مع طقم اصلاح الفتيس فقط ولكن يتم تزويدة فقط كل 60 الف كيلو

[thelostlove45]

المشاركة الأصلية كتبت بواسطة hisam2010 مشكلة الشدة فى تسقيط الغيارات الاوتوماتيك عند التهدئة.... لازم يتفك الفتيس ويتعملو طقم اصلاح كامل. وبالنسبة لغيار زيت الفتيس كلو بيتغير مع طقم اصلاح الفتيس فقط ولكن يتم تزويدة فقط كل 60 الف كيلو

حلو جداً الكلام ده هيتكلف في حدود كام مع العلم ان البلفين تمام هل لازم اعير الزيت كله تانى مع اني مغير 4 لتر من شهر تقريباً ؟

وجزاك الله كل خير علي اهتمامك