|
#6
23-11-2011, 08:40 PM
|
|||
|
|||
رد: أنتم ليه زعلانين قوى كده من التويوتا افانزا
شكرا لكم جميعا على تفاعلكم المميز
بس يا ترى ايه النظام بالنسبة لقطع الغيار انا بتهيقلى ان الديهاتسو عموما قطع غيارها غالية جدا . و برضه استهلاك البنزين . كان فيه مشاركات بتقول ان الافانزا اقتصاديه فى البنزين . طبعا مش هتكون زى العربيات الصغيرة بس زى ما سمعت كده ان تصميم العربية بيأثر على استهلاك البنزين . يعنى قصة طويلة كده كان زوجى بيتكلم فيها مع اصحابه . بس اللى فكراه ان الفرنا استهلكها قليل عشان الزجاج الامامى مايل بشكل يقلل مقاومة الهواء و حاجات تانية مش فكراها . معلش يا جماعة اصلى ماليش فى قصة العربيات ديه خالص . فكلامى سطحى شويتن 
|
|
#7
24-11-2011, 12:07 AM
|
||||
|
||||
|
رد: أنتم ليه زعلانين قوى كده من التويوتا افانزا
لا الافانزا نظام حقن الكتروني اجكشن موفر للوقود و معروف ان التويوتا
و الياباني عموما موفر للوقود و عربيات اعتمادية جدا هي ممكن تكون حكاية انها دفع خلفي بتخليها تاخد بنزين بس مش كتير خالص طبعا دا الدفع الخلفي دا كويس للافانزا عشان هيا عالية فالدفع الخلفي هيخليها ثابتة و تستحمل السفر و كمان هيا 1500 سي سي يعني مبتاخدش بنزين كتير خالص اتوكلوا على الله و هاتوا الافانزا و ماتنسوش صلاة الاستخارة والدعاء لي بالتوفيق و الدعاء للبلد 
__________________
خف من عالبنزين 
|
|
#8
24-11-2011, 01:11 AM
|
|||
|
|||
رد: أنتم ليه زعلانين قوى كده من التويوتا افانزا
 بجد المنتدى ده اصبح من اكثر المنتديات اللى بحب ادخلها و ده بسبب اعضائه المتميزين فى المعرفة والعطاء . بس معلش سؤال هى قوة الموتور زيادتها احسن و لا قلتها . اصلى مرة كان زوجى بيسخر من عربية المستقبل " الماروتى "  و بيقولى ده 800 سى سى قلت له طيب ما كويس توفر بنزين فقالى هتوفر عشان صغيرة . يعنى لو نفس العربية و نازل منها 2 موديل واحد 1600 و الثانى 1300 . الأثنين هيستهلكوا نفس البنزين لأنها نفس العربية . بس اللى 1600 هيكون ماتورها اقوى من 1300 . و حد تانى قالى الالتو ميزتها عن الماروتى التكيف و مفيش عربية 1000 سى سى تقوم تكيف يا تمشى يا تكيف .  و مرة قلت له انه واحدة صحبتى المكانيكى قال لها انه هيعمل تكيف لها فى عربيتها ريتمو1300 قالى الموتور ميستحملش قلت له اشمعتى الاسبارك 1000 و فيها تكيف . قالى ال 1000 فى الموتور الحديث اقوى من 1300 اللى فى القديم بصراحة خفت استفسر لأن فيه فرق كبير قوى فى الثقافة الميكانيكية  و لما بيحس انه بيتكلم مع ابو جهل     فقلت الطيب احسن . أسفة للمقدمة الطويلة بس سؤالى باختصار هل معنى ان موتورها 1500 سى سى أنه اقل من موتور الفرنا 1600 ؟؟؟؟؟؟؟ و لا هو كتصميم كفائته اعلى من موتور الفرنا ؟ و لو هو فعلا اقل يا ترى ممكن العربية تشيل 7 افراد فى السفر و الشبكة تكون محملة شنط و التكيف يشتغل   :pod_of_gol d::pod_of_go ld::pod_of_g old: ؟و لا كده يبقى ماتورها ضعيف على امكانيتها ؟؟؟؟ [/COLOR]
|
|
#9
24-11-2011, 02:06 AM
|
|||
|
|||
|
رد: أنتم ليه زعلانين قوى كده من التويوتا افانزا
◄↨♦التوقيع♦↨≈≈≈≈≈≈≈≈≈≈≈≈≈ ≈≈≈≈≈≈≈≈≈≈≈≈≈≈≈≈≈≈≈≈ ≈↨◄
الشعب يريد اسقاط المشير كمان بقالة الشعب مش عايزة المشير...عجيبه فعلا
|
|
#10
24-11-2011, 03:59 AM
|
||||
|
||||
رد: أنتم ليه زعلانين قوى كده من التويوتا افانزا
بالنسبة لزيادة أو قلة قوة الموتور فدي تعتمد على حاجة تانية إسمها "نسبة القوة للوزن" ودي زي فكرة إن لو فيه حاجة تقيلة عايزة تشيليها ممكن تجيبي حد يساعدك ويشيلها معاكي، يبقى كده قوة شخصين بتشيل نفس الوزن فبقى أسهل يبقى الموتور القوي ممكن يبقى ضعيف لو شايل عربية تقيلة قوي... والعكس صحيح موضوع التكييف ده كبير شوية، لإنه حيدخلنا في موضوع تاني له علاقة بطريقة إخراج قوة الموتور إزاي؟؟؟ موتور العربية مش بيدور بسرعة ثابتة (عكس المواتير الكهربائية اللي عادة بتبقى سرعتها ثابتة) وبالتالي مش بيطلع كل الطاقة بتاعته بالتساوي إيه الكعبلة دي؟؟؟ ما تقول حاجة نفهمها!!! طيب... باختصار ... الموتور قوته بتزيد لما بنزود سرعته... يعني لما صوته بيعلى... يعني لو أنا ماشي بالراحة غالبا أنا مستغل حوالي 30-40 % بس من الطاقة الإجمالية للموتور، وكل ما زودت سرعة الموتور اللي بيسموها الـRPM (مش سرعة العربية) أنا كده باخد قوة أكبر بصي على الصورة دي  طيب إيه علاقة ده بالتكييف؟؟؟ لو عندي مثلا عربية موتورها 100 حصان، وانا ماشي بالراحة يبقى الموتور بيطلع حوالي 30-40 حصان بس. لما بنشغل التكييف... التكييف بيستهلك قوة من الموتور لإنه الكومبريسور بتاعه بيشتغل عن طريق موتور العربية (بدل ما نجيب موتور تاني زي تكييف البيت)، ولو التكييف ده بيستهلك 3 حصان، يبقى أنا كده استهلكت حوالي 10% من قوة الموتور في التكييف يبقى محصلة الموتور اللي مشغل التكييف إنه بيطلع حوالي 27 حصان بدل 30 عشان يمشي العربية، وبالتالي سحب العربية بيقل.. واستهلاك البنزين بيزيد لإني باضطر أدوس بنزين زيادة عشان آخد نفس الأداء بتاع العربية من غير التكييف لو الموتور أصلا ضعيف (نقول 50 حصان مثلا).. والتكييف بردو 3 حصان... حيبقى الموضوع صعب قوي على الموتور. معلش... أنا طولت في المقدمة.. بس أنا ما باعرفش ألاقي حد عايز يعرف معلومة وما أديهالوش المهم... موضوع إن المواتير الحديثة أكفأ من المواتير القديمة ده حقيقي جدا ... لأن أي تكنولوجيا بتتطور... ودلوقتي المواتير أقوى بنسبة 150-200% من المواتير من 30-40 سنة لو جينا للمقارنة بين الأفانزا والفيرنا حنلاقي التالي: العربيتين قوة موتورهم تقريبا زي بعض (الأفانزا 107 حصان... الفيرنا 106 حصان) الفيرنا أخف من الأفانزا (حوالي 1005 كجم للفيرنا مقابل 1100 كجم للأفانزا) وده بيخلي الفيرنا أسرع الفيرنا دفع أمامي (موتور بالعرض على كبالن) والأفانزا دفع خلفي (موتور بالطول على كورونا) ... يعني في الأفانزا مش حنحتاج نغير كبالن الأفانزا عربية تستحمل أكتر لأنها في الأصل مبنية على جسم الدايهاتسو تريوس القديمة (4×4).. يعني المفروض تستحمل البهدلة الأفانزا عربية ياباني (صحيح متفلة في إندونسيا .. بس التكنولوجيا كلها ياباني) والتويوتا عربية أعطالها نادرة وسمعتها معروفة على مستوى العالم غالبا.. لو عربية وزنها 1100 وعليها موتور 105 حصان زي الأفانزا يبقى أداءها كويس جدا للاستخدام الطبيعي للعربيات الأفانزا عربية عملية وعائلية بس مش بتاعة مناظر.... والناس اللي معاهم الأفانزا مبسوطين منها جدا، واللي مش مبسوط منها بيدور على الشكل قبل الأداء (غالبا شباب معندهمش عيلة كبيرة) توكلي على الله وانصحي جوزك بيها معلش طولت عليكي... زيادة شوية... وأرجو إني أكون ضفتلك معلومة ...
|
 |
|
|
