ارشيف الاستراحة 2011

[سيف الدين سعيد]

المشاركة الأصلية كتبت بواسطة corsair ينهار ابيض ده يبقي يوم المني يا عم سيف بس كدا ده حضرتك هتبقي ان شاء الله قبل مني في كل مشوار اطلعه

ياريت يا أحمد والله . انا باتكلم جد طبعا . بس بطل زهايمر . والا حاتنسانى

المشاركة الأصلية كتبت بواسطة سيف الدين سعيد عيب عليك يا أحمد باشا . الكبير كبير . وانت من خلال معرفتى بيك وفهمى البسيط لشخصيتك . بتثبت انك فعلا كبير فى حاجات كتير ومواقف متعدده ومختلفه . ربنا يباركلك ويستر عليك . ويسلم طريقك .

تسلملي يا اغلي الغاليين والله يا سيف باشا انتا اجمل واطيب شخصية اتعرفت عليها والعسولة ابن حضرتك وربنا يخليك ليه ويخليه ليك ويتربي في عزك ويجعله خلف صالح بأذن الله

[سيف الدين سعيد]

المشاركة الأصلية كتبت بواسطة مهند النجار برافووووووووو اول واحد يقول كلام عميق بعد كل التسخين اللي فات دة دي هتبقي مقابلة دمار شامل

ههههههههههههههههههههههههه هههههه
يا سوسه يا كبير ...
طب ايه رأيك بأه انى حاوقفك انت كحكم فى وسط الطريق الصحراوى عشان تحكم بين المتسابقين من أرض الواقع .

[nktis]

ده اميل جيديد وصلني النهارده وهو قصه .............
يحكى أن ثلاثة من العميان دخلوا في غرفة بها فيل..
و طلب منهم أن يكتشفوا ما هو الفيل ليبدءوا في وصفه ..
بدءوا في تحسس الفيل و خرج كل منهم ليبدأ في الوصف

قال الأول : الفيل هو أربعة عمدان على الأرض !

قال الثاني : الفيل يشبه الثعبان تماما !

و قال الثالث : الفيل يشبه المكنسة !

و حين وجدوا أنهم مختلفون بدءوا في الشجار..

و تمسك كل منهم برأيه و راحوا يتجادلون و يتهم كل منهم أنه كاذب و مدع !

بالتأكيد لاحظت أن الأول أمسك بأرجل الفيل ...

و الثاني بخرطومه,

و الثالث بذيله ..

كل منهم كان يعتمد على برمجته و تجاربه السابقة..

لكن ..

هل التفتّ إلى تجارب الآخرين ؟

" من منهم على خطأ ؟ "

في القصة السابقة ..

هل كان أحدهم يكذب ؟

بالتأكيد لا ..

أليس كذلك ؟

من الطريف أن الكثيرين منا لا يستوعبون فكرة أن للحقيقة أكثر من وجه..

فحين نختلف لا يعني هذا أن أحدنا على خطأ !!

قد نكون جميعا على صواب لكن كل منا يرى مالا يراه الآخر !

( إن لم تكن معنا فأنت ضدنا !)

لأنهم لا يستوعبون فكرة أن رأينا ليس صحيحا بالضرورة لمجرد أنه رأينا !

لا تعتمد على نظرتك وحدك للأمور...

فلا بد من أن تستفيد من آراء الناس لأن كل منهم يرى ما لا تراه ..

رأيهم الذي قد يكون صحيحا أو على الأقل , مفيد لك

[hyundai2005]

المشاركة الأصلية كتبت بواسطة _amr.mostafa_ لا والله . بس مش معقوله عربية صيني هتبقى احسن من الماني يعني ممكن تقولي كوري ممكن نقول اه بس الصين كا تصنيع عربية لسه في بداياتها فا ما ينفعش نقول على عربية صيني ايا كان نوعها انها تضاهي الالماني في الجوده والامان والثبات هي اهم ميزه فيها اوبشن كثير وسعر قليل بس ده مقابل صاج ضعيف وثبات هزيل.

يبقي زي ما قولت انت ماشوفتش حاجه انا طبعا مابقارنش بالالماني انا بتكلم عن عربيه تضاهي الكوري وبعدين لما تنزل بالسلامه ادعوك لتجربه السياره ثبات تام لفوق ال200 ووالله لفوق ال 200 زي الالماني واحسن من كتير ياباني عن تجربه و صاج والله زي الحديد 6 مم الكبوت بالوه ماتقدرش تشيله والابواب تقيله وقفلتها محترمه وان شاء الله الاجازه الجايه تنور فاي مقابله من مقابلاتنا وتجرب العربيه بنفسك ؟ وده مش حجر علي راي حد انما لاعطاء كل شئ حقه فقط لا غير