تجربتى مع توكيل فولكس فاجن

[YahiaAshraf]

لاحظت كتير ان فى ناس بتشتكى من التوكيل
انا النهارده هقول كل حاجه بامانه

انا روحت التوكيل اكتر من 6 مرات

يعنى خبره

فرع الاسكندريه
فى الكيلو 21

اول لما بدخل اخر احترام و ادب و معامله كويسه جدا يوقلك اتفضل يا باشا و استريح و تشرب ايه

المهم بيقلك تجيب ورقه عليها رقم الدور بتاعك
و بتديهالهم
و بعد حوالى 10 دقائق بيطلع الراجل معاك يعمل شويه حاجات فى العربيه و يكتب فى الورق عنده
و بعد كده بتدخل عندهم تستنى جوه لغايه لما يخلصوا
انا بقى فى الوقت ده يعمل ايه

الاول عندهم شبكة واى فاى ( نت ببلاش)
باخد اللاب توب معايا او الموبايل لان فيهم واى فاى
فبشتغل على النت ببلاش و شويه اتفرج على تلفزيون السىدى 32 بوصه

و شويه اتفرج على العربيات المعروضه زيرو عندهم
اصل المكان متقسم من جوه نص للاستراح و نص للمعض و الاتنين مفتوحين على بعض
على بال معمل كل ده ينادوا عليك
و تستلم العربيه
و كمان الحاجات اللى اتغيرت بالعربيه يحطزها فى علب مخصصه عليها علامة فولكس فاجن
و يدوهالك
و تمشى بعد كده

و انا اديله ممتاز من حيث كل حاجه

AHLNW SHALN

[khaabas]

بالشكل ده انا موش مصدق هههههه
وخصوصا

و كمان الحاجات اللى اتغيرت بالعربيه يحطزها فى علب مخصصه عليها علامة فولكس فاجن

[YahiaAshraf]

المشاركة الأصلية كتبت بواسطة khaabas بالشكل ده انا موش مصدق هههههه وخصوصا

والله العظيم بيدوهالى
يعنى مره كنت مغير فيوز لاقيتهم حطينه فى علبيه زى بتاعت القطره على قدها عليها علامة فولكس
كمان الفلاتير بيعلبوها
يعنى بتاخد العلبه كانها حاجات جديده
حتى بتاعت البنزين بيصفيها و يحطها فى علبه
لسه معايا الحاجات دى لغايه دلوقتى
و مش مستهلكة لانى بحافظ على الصيانه الدوريه للسياره
خلى بالك انا بتكلم على فرع الاسكندريه

الناس اللى بتشتكى معظمهم من القاهره

و بعدين انا قولت كل اللى بيحصل معايا بالظبط
يمكن اماكن تانيه مش زى اللى بتكلم عليه
و على فكره ده التوكيل اللى حببنى فيهم


ده معظم اللى بيشتغلوا هناك بقوا اصحابى من كترة ما بروحلهم
هههههههههه

[khaabas]

يا باشا صادق من غير حلفان بس انا حسيت ان احنا بقينا فى المدينة الفاضلة قصدى التوكيل الفاضل هههه

[محمد فيصل]

AHLNW SHALN
تمام الكلام يا يحيى باشا
توكيل ال21 الخاص بفولكس فاجن 100% ممتاز