مجموعة استفسارات عن نيو اكسنت 2010

[m77777]

السلام عليكم جميعا وانعم اللة عليكم بالستر والصحة ودخول الجنة.اخوكم محمد رمضان من بنى سويف لى بعض الاسئلة عن السيارة هيونداى اكسنت الجديدة 2010 العادية مش اللاسبورت. 1.المواصفات الفنية 2.هل السيارة تجمع بمصر ام انها استيراد كامل من كوريا 3.مميزات العربية 4.عيوبها خاصة انى سمعت ان بيان الحرارة هو لمبة تنور لما تسخن العربية مش مؤشر فمدى صحة الكلام دة 5.التكييف اخبارة اية خاصة مع الحر عندنا فى الصعيد. ولكم جميعا خالص شكرى وتقديرى واحترامى اة نسيت الفتيس العادى افضل ولا الاتوماتيك

[m77777]

ياجماعة الخير.ارجو الرد على مشاركتى .انا شفت العربية بمعرض عندنا ببنى سويف ومتردد بالنسبة للنقاط التى طرحتها ف المشاركة ارجو الرد والافادة ولتعم الافادة لجميع المهتمين باليهونداى اكسنت الجديدة لا تبخلوا بالرد

شكرا ياجماعة على الاهتمام.مع توضيح بسيط بعت رسالة على الخاص للسيد مؤسس الموقع والمشرف بخصوص تللك النقاط فرد عليا مشكورا بان اطرح اسئلتى على الجميع حتى تعم الفائدة.شكرا ليكم

مجموعةاستفسارات عن السيارة هيونداى نيو اكسنت 2010مش الاسبورت ارجو ممن لدية الخبرة يفيدنى حيث اننى مقدم ع شرائها 1.هل السيارة تجمع بمصر ام انها استيراد بالكامل 2.المواصفات الفنية 3.الكماليات وهل بها سينسور بارك 4. العيوب سمعت ان الحرارة ليست مؤشر وانما لمبة 5. التكييف خاصة انى من الصعيد 6.اشترى فتيس عادى ولا اتوماتيك 7.الوكيل فين مكانة علشان الشراء 8.مركز الصيانة القريب من محافظتى بنى سويف وللجميع خالص الشكر والتقدير

[hamdymsr]

المشاركة الأصلية كتبت بواسطة m77777 مجموعةاستفسارات عن السيارة هيونداى نيو اكسنت 2010مش الاسبورت ارجو ممن لدية الخبرة يفيدنى حيث اننى مقدم ع شرائها 1.هل السيارة تجمع بمصر ام انها استيراد بالكامل 2.المواصفات الفنية 3.الكماليات وهل بها سينسور بارك 4. العيوب سمعت ان الحرارة ليست مؤشر وانما لمبة 5. التكييف خاصة انى من الصعيد 6.اشترى فتيس عادى ولا اتوماتيك 7.الوكيل فين مكانة علشان الشراء 8.مركز الصيانة القريب من محافظتى بنى سويف وللجميع خالص الشكر والتقدير

1 - السيارة كورى بالكامل
2 - موتور 1600 عفشة رياضية مساعدين غاز
3 - السيارة بتكون كاملة منيول او اتوماتيك ولكن بدون مرايات كهرباء ومفيهاش abs ولا air bags ولا Ebd وفوانيس الشبورة فى الأتوماتيك فقط
4 - مفيهاش بارك سينسور
5 - كل العربيات الجديدة مفيهاش مؤشر حرارة ودى حاجة متقلقش انت راكب عربية زيروووووووووو يعنى شيل موضوع الحرارة ده خالص من دماغك طول ما انت بتابع مستوى المية فى القربة والردياتير
6- تكيفها زى الفل
7 - موضوع منيوال ولا اتوماتيك دى حاجة ترجعلك وحسب طريقة سواقتك .... انا شخصيا عربيتى منيوال
8 - الوكيل مكانة فى كل حتة فى القاهرة يعنى المهندسين والمعادى وممكن تروح قليوب او ابو رواش فى هناك منافذ بيع او تروح لأى موزع معتمد مش هتفرق
8 - بصراحة موضوع الصيانة القريبة منك معرفش عنها حاجة

يارب تكون الردود وافية وواضحة وانا فى الخدمة

[AbOnOrA]

السيارة صناعة وتجميع كورى وبالنسبة لمؤشر الحرارة فهو لمبه بس مش مؤشر متغير فعلاً وبالنسبه للتكييف فهو ممتاز واخيراً الاوتوماتيك مفيش شكاوى منه وادائه جيد

[amir_lutfi]

انت راجل محترم يا أبو نورا لانك برغم مشاكلك مع الوكيل شهدت شهاده حق