محتار و مش عارف اقرر

[amr_73]

السلام عليكم و رحمة الله و بركاته
هذه او مشاركة لي في منتداكم الرائع
ان شاء اللة ناوي اشتري سيارة في حدود 65 الف جنية و محتار بين الفيرنا فيفا و الشيفروليه لانوس هاف اوبشن و الفيات سيينا
و عاوز اعرف ايهم افضل و مين فيهم له افضل توكيل؟
و شكرا...

[Mohamed Dahab]

بالنسبه للفبرنا فيفا كان ليا معها مصادفه كان فى واحد فى المرور لسه شاريها وكان رايح يرخصها ولما جه عامل المرور يرفع البصمات كان الموتور سخن جدا جدا وفضلوا فتره طويله بجد لحد ما الموتور برد وطبعا معروف انها عربيه هندى وانا شايف ان الفيرنا احسن منها بكثير وخصوصا ان غبور عامل تخفيضات القتره دى
بالنسبه لللانوس عربيه معروفه وكويسه بس تصونها
وبالنسبه للسينا عربيه سحبها حلو وناعمه بس ايضا بتسخن عن تجربه
بالنسبه للثبات من وجهه نظرى الترتيب كالاتى (لانوس - فيرنا العاديه - سينا)
قطع الغيار مافيش فروقات كبيره وان كان ارخصهم اللانوس
سعر اعاده البيع الترتيب من الاعلى (فيرنا - لانوس - سينا)
انا عن نفسى برشح فيرنا 1600CC كامله مانيوال
وكله فى الاخر يرجع الى استخدامك للسياره
والف مبروك مقدما

[amr_73]

متشكر جدا يا استاذ محمد على الافادة العظيمة دي و يارب تكون عون لي في اتخاذ القرار الصائب في عملية الشراء

[AHMEDCAR]

انا بصراحه افضلك الفيرنا المصرى الهاف اوبشن الموتور بتعها جدا و مالوش اعطال معروفه و الفيفا برضو ممتازه لكن موتورها هو هو متور الاكسنت موديل 99 يعنى موتور بتكنولوجيا قديمه نوعا ما و احنا بنتقدم مش بتاخر صح و لا غلط

ارجوا انى اكون افدت حضرتك

[sakantamany]

إيه يا جماعة ....ما حدش اتكلم عن التوكيل إذا كان وحش ولا لأ ...؟؟؟