قدامى اسبوع, اشترى ايه!

[lost2008]

ديه اول مشاركه ليه فى المنتدى ده, و من الى قراته فى المنتدى يشرفنى انى انضم ليكم.
اخش بقه فى الموضوع, ناوى اشترى عربيه سيدان عائليه فى حدود 70 ل80 الف, و لو ال80 تبقى تعويره جامده عليه, عشان لسه فيه مصاريف فرش العربيه و الترخيص و كده , المهم لقيت نفسى طبعا محصور فى عربيات تجميع محلى شوفت الفيرنا و اللانوس و شطحت شويه و شفت رينو سيمبول, بصراحه الفيرنا ال 1600 ال GLS حلوه , اللانوس مش قادر ابلعها خالص رغم الضمان المغرى , الرينو سيمبول حلوه من ناحية وسع الصالون و الشنطه كبيره جدا تتفوق على الفيرنا و اللانوس , بس الى قلقنى انى مش حعرف اصلحهه بره التوكيل و كمان لسه نازله جديد و الله اعلم حتمشى فى السوق و لا لا, الفيرنا الى قلقنى منهه عيوب الصناعه ,لكن قطع الغيار سالت عليهه فى شارع دمشق و لقيتهه موجوده و اسعارهه معقوله جدا, قولولى رايكو بموضوعيه يا هينداويه ,انا بقالى 10 سنين راكب 128 و نفسى ارتاح و الاقى عربيه تستحمل مشاوير طويلة,,

[AHMEDCAR]

و الله يابا شا انا فعلا شايف ان الفيرنا و الانوس هيكونوا فى متناول ايديك لكن الرينو قطع غيارها معروف انها غاليه

و بالنسبه للعربيه اللى تستحمل انا برشحلك الفيرنا عفشه ممتازه احسن من الانوس بكتير و مريحه جدا جدا موتور جبار قطع غيار متوفره و اى واحد يشتغل فيها براحته

[waelelsheikh]

والله ياشاشا ...اى حاجة هيونداى احسن من اى عربية تانية خصوصا لو الفلوس مقصرة معاك ..دة عشان الضمان و الو الوكيل محترم و قطع غيرها ارخص قطع غيار في السوق هيونداى

[محمد حنفى]

ابعد عن الفرنا وخليك فى شيفورليه لانوس او افيو

[MoSHaX]

اولا اهلا وسهلا بيك معانا فى المنتدى .... ونتمنى انك تشاركنا علطول
انا من رائى افضل حاجة فى الفئة السعرية دى الفيرنا 1600 كويسة ومنتشرة وكورى وقطع الغيار كويسة فى السعر وكمان انتشارها يخلى الميكانيكى يفهم فيها بدل انك تروح التوكيل علطول
وكمان عندك النوبيرا سعرها الحالى 78 الف وسيدان وعائلية وتعتبر افخم سيارة فى فئتها السعرية