عيوب الالنترا 2010

[مورو]

ملقوش فى الورد عيب قالولوا يا أحمر الخدين

[luckyman]

معظم العيوب للاسف اللى ذكرت مع احترامى لجميع الاراء ليست بعيوب مطلقا يعنى هيونداى تعمل اية لو مصر فيها مطبات صناعية وعشوائية دى سيارة ملاكى مطلوب ان توفر راحة ركوب وليست دبابة هما ما يعرفوش ان الطرق عندنا زى الطرق الغير ممهدة ووعرة يعنى من الاساس دة مش عيب سيارة مطلقا ولا يمكن يكون مأخذ عليها من كل النواحى دة عيب رصف وخدمات عامة وبنية اساسية يعنى المطلوب استخدام سيارات دفع رباعى ذات خلوص مرتفع
دة من جهة من ناحية اخرى مفيش دلوقتى بس شىء اسمة سيارة كويسة ووحشة معظم السيارات تعتمد باعتمادية مرتفعة جدا بغض النظر عن اراءنا اكثر من السيارات القديمة كمان بعدة مرات لكن فعلا ممكن مستوى التشطيب مختلف ودة مش من الصانع لكن من المستورد ووكيل الماركة اللى مش بيحترم رغبة واحتياجات عملائة والمستهلك
لكن فى كل الاحوال السيارة الالنترا سيارة جيدة وذات اعتمادية رائعة واداء موثوق وبس خلاص انتهى الكلام ومع احترامى لكافة الاراء دى اسمها كلام غير موضوعى وفلسفة ولكم منى فائق الشكر والاحترام

[luckyman]

المشاركة الأصلية كتبت بواسطة nmnmlover عندي مشكلة انو بيخرج منها رائحة كريحة جداااااااا كانه بانزين غير محرووق مع العلم ماشية 1000 كيلو و هذي الحالة من استلمت السيارة كانت ماشية 20 كيلو بس يعني زيروووو و ما اعرف شنو السبببب ارجو اعطائي ارائكم حبايبي خالد

اهم شىء الاستخدام الجيد والحذر فى بداية تشغيل اى سيارة جديدة وتكون حريص ولا تحمل على دواسة البنزين ولا تتعدى سرعة المئة كيلو فى بدايات التشغيل
سبب الرائحة القوية هذا امر طبيعى فى اى سيارة جديدة لكن احذر كما قلت لك ان تفكر فى تجربة اداء سياراتك فى الكيلو مترات الالف الاولى من عمر السيارة
الاحتمال الثانى السيارة تحتاج الى ضبط اشعال او اى سبب اخر وهو مستبعد نصيحة الرجوع الى التوكيل المعتمد ومركز الصيانة تحديدا فى صيانة الالف كيلو ودمتم بود

[MAWRO72]

ارجو الافادة من الاخوة الاعزاء اشتريت النترا 2010 اوتوماتيك وعملت 700 كيلو لحد دلوقتى الملاحظة الوحيدة بالنسبة لى هى الفرامل انا جربت عربية اخى كانت موديل 2007 مانيوال وكانت الفرامل بمجرد لمسة تتوقف السيارة فورا لدرجة انى كنت بخبط فى الدركسيون انما 2010 اوتوماتيك لازم ادوس سنة زيادة هى للامانة مش كبيرة بس كانت مفاجأة خصوصا انى كنت متعود على فرامل 2007 السؤال ده نتيجة ان العربية اوتوماتيك ففى جزء من الدواسة بيكون خاص بنقلات الفتيس يعنى بيعمل محل الدبرياج او ده عيب فى موديل 2010 او ده عيب فى سيارتى بالذات ارجو الافادة بارك الله فيكم

[Hoooba90]

المشاركة الأصلية كتبت بواسطة MAWRO72 ارجو الافادة من الاخوة الاعزاء اشتريت النترا 2010 اوتوماتيك وعملت 700 كيلو لحد دلوقتى الملاحظة الوحيدة بالنسبة لى هى الفرامل انا جربت عربية اخى كانت موديل 2007 مانيوال وكانت الفرامل بمجرد لمسة تتوقف السيارة فورا لدرجة انى كنت بخبط فى الدركسيون انما 2010 اوتوماتيك لازم ادوس سنة زيادة هى للامانة مش كبيرة بس كانت مفاجأة خصوصا انى كنت متعود على فرامل 2007 السؤال ده نتيجة ان العربية اوتوماتيك ففى جزء من الدواسة بيكون خاص بنقلات الفتيس يعنى بيعمل محل الدبرياج او ده عيب فى موديل 2010 او ده عيب فى سيارتى بالذات ارجو الافادة بارك الله فيكم

هما الإتنين فيهم ABS ولا 2007 بتاعت أخوك بس ؟؟ ... إتأكد من النقطة دى ولو مافيش فرق بين العربيتين ممكن يكون عيب تيل فرامل ولا حاجة ( والله أعلم) و رد علينا ...