عيوب الالنترا 2010

[progree]

ششششششششششششششششككككككككك ككرا

[Mosssss]

انا معايا النترا 2011 اوتوماتيك بس الشكل القديم وعندى شويت مشاكل :

1- صوت التيكهات بتاع الموتور عالى وانا لسا 4000 كم هل ده عادى ولا اييه.
2- عندى الفيتيس بينقل نقلاتة عند 2.5 RPM طبعا بالشكل ده انا مش واخد عزم الموتور كله .... اعمل اييه ؟؟؟
وشكرا للناس الحلوة اللى فى المنتدا

[hulck2000]

انا امتلك النترا مانيوال موديل 2010. انا عامل بيها لغاية الان 25000كم .
العربيه زى الفل ولكن لى بعض الملاحظات على الأداء.
1-الغيار الاول ليس سلس وحاولت كتير لكن بلاحظ ان صوت الماتور بيعلى بالرغم من خبرتى فى القياده ,بعكس الفيرنا الاول بيكون سلس جدا .يعنى مش حينفع تريح الدبرياش تلاقى العربيه بدأت فى الحركه بسهوله ولكن تحتاج ضغطة بنزين.
2- لاحظت ان لمبة بيان فحص المحرك مبتنورش مع بدء ادارة الكونتاكت (check engine).وده فى عدة عربيات بمعنى انها غير موجوده وده مش منطقى.
3-يوجد حدفه بسيطه فى طارة الدريكسيون بالرغم من ضبط زوايا العجل يعنى محتاج فك الدركسيون وضبط البوش به ,وتلاقى نفسك محتاج تمسك الطاره على طول,وتلاقى الدركسيون بيرد بسرعه عند أخذ اى ملف.
4- نوعية الكاوتش غير جيده وتحسسك بأى تغير فى منسوب الطريق,والكاوتش له صوت مسموع.
5- بالنسبه للفرامل ادائها جيد جدا حتى من غير abs
6- ثبات العربيه على السرعات العاليه جيد وانا مش مع اللى خايف من الباور الكهرباء ,بالعكس ده ميزه كبيره.
7- انصح اللى بيحب السرعه انه يستخدم جنوط قياس 16بوصه,ويغبر مقاس الكاوتش لمقاس اعرض وحيلاقى الثبات وصل لدرجة الامتياز.
العربيه كمجمل اعتقد انها مميزه واعتماديه بشكل كبير ولكن يفضل الاتوماتيك لظروف الزحام الشديد.كما انصح جميع مالكى السياره بالقرص على الماتور من حين لاخر لضمان فاعلية الماتور وزيادة استجابته.

[msn_1987]

مشكلة الالنترا الحقيقية انها بتوطى ورا لما تحمل فيها هل في حل حد عمله ونجح

[ahmedagrody]

العربية دي انا سوقتها علي طرق الغردقة و شرم . هي بسم ما شاء الله علي موتورها جامد و عزمه كبير جدا بينفع في الواقف الصعبه اللي عاوزه تخطي سريع و لكن عيبها ان قعدتها غير مريحة و خفيفة جدا علي الطريق لو فيه منحنيات لكن لو طريق straight شغالة