يلا نعرف مين العملاق ( الفوركـــــــــــــــــــ ــــــــس )

المشاركة الأصلية كتبت بواسطة mohamedkamel8677 طيب إفرض إن البنك إشترى عربية إنت عاوزها و بعد كدة إنت رجعت فى كلامك يبقى البنك هيعمل حاجة من تلاتة هيلزمك بيها أو يشربها أو يرجعها و إن كُنت أشك إنة يرجعها لأن هنا البنك إشترى عشان إنت عاوز و لكنة لم يكن يملك السلعة و هنا الحرااااام إن البنك باع ما لا يملك و دة رأى الشيخ محمد حسين يعقوب و محمد حسان

كلامك دا مضبوط في حالة واحدة
ان البنك يكون بابا او ماما
مش تريقة عشان ماتفهمنيش غلط
فية بنك يشتريلك عربية وبعد كدا تقولة لأ دانا كنت عايز عربية تانية
عمرها ماحصلت ولا حتحصل
انت بتختار العربية وتدفع المقدمة للمعرض وتاخد وصل للبنك بيها وبعدين البنك بيدفع الباقي للمعرض
ويقسطلك الباقي بزيادة مقررة ومتفق عليها بينك وبينه

[mohamedkamel8677]

المشاركة الأصلية كتبت بواسطة walidelwahsh انت بتختار العربية وتدفع المقدمة للمعرض وتاخد وصل للبنك بيها وبعدين البنك بيدفع الباقي للمعرض ويقسطلك الباقي بزيادة مقررة ومتفق عليها بينك وبينه

يا أستاذ وليد أنا بقول إن عشان البيعة تبقى حلال لازم البنك مثلا يكون عندة أكثر من عربية و يملكها ملكية تامة و إنت تروح تختار منهم زى لما ساعات بنك إسمة على ما أذكر بنك ناصر الإجتماعى كان بيجيب عربيات نص نقل و تاكسيات و كانت الناس بتشترى منة مباشرة و دة حلال عشان البنك هنا باع ما يملك

المشاركة الأصلية كتبت بواسطة mohamedkamel8677 يا أستاذ وليد أنا بقول إن عشان البيعة تبقى حلال لازم البنك مثلا يكون عندة أكثر من عربية و يملكها ملكية تامة و إنت تروح تختار منهم زى لما ساعات بنك إسمة على ما أذكر بنك ناصر الإجتماعى كان بيجيب عربيات نص نقل و تاكسيات و كانت الناس بتشترى منة مباشرة و دة حلال عشان البنك هنا باع ما يملك

وهو البنك لما انت رحت قولتلة اشتريلي العربية دي من المعرض
وراح اشتراها...خد بالك من دي راح البنك اشتراهاااااااااااااا
مش كدا بقت ملكة ولا حاجة تانية
وبعدين تقسط بينك وبين البنك
مش عارف حضرتك لية مش فاهمنى

[mohamedkamel8677]

المشاركة الأصلية كتبت بواسطة walidelwahsh وهو البنك لما انت رحت قولتلة اشتريلي العربية دي من المعرض وراح اشتراها...خد بالك من دي راح البنك اشتراهاااااااااااااا مش كدا بقت ملكة ولا حاجة تانية وبعدين تقسط بينك وبين البنك مش عارف حضرتك لية مش فاهمنى

لأ مش ملكة لأن المقصود بالملكية هنا هو إنة يشتريها لنفسة بغرض المتاجرة فيها و بدون ميعرف مين اللى هيشترى منة زى البقال لما بيجيب جبنة هل هو عارف مين اللى هيشتريها منة ؟؟؟ دة الحلال لأنة باع ما يملك .. يا رب تكون فهمت

[ahmed helal]

صلوا على النبلى كده عليه الصلاة والسلام

ولا يتحيز كل واحد منكم لرأيه لأن وببساطة كده أكبر مشايخنا الكرام إختلفوا فى هذه النقطة والطريقة بالذات ما بين مؤيد ومعارض وربما تارك

وإذا أختلفت الأراء بين أهل العلم فى شىء فنحن هنا وبشرع الله ورسوله موكلون الى أنفسنا (إستفتى قلبك ولو أفتوك فأفتوك) طبعا باعتبار أن من تخاصما فى الرأى أكثر من عالم موثوق

يعنى مش أروح لشيخ علامة وأقوله الخمر حرام يقولى أيوه وأجى أروح لإمام زاوية يصلى المغرب بالناس وأسئله يقولى هى حرام فى أوقات وحلال فى أوقات تانية أقوم أنا أخد رأى التانى وأقول ما هو الرسول عليه الصلاة والسلام قال استفتى قلبك ولو أفتوك فأفتوك. فى حاجة هى حرام أصلا !!

تمام كده وصلت!!

فبلاش نتضايق أو نضايق بعض على حاجة مبهمة وأختلف فيها أكابر العلماء

والمهم لينا فى موضوعنا إن الفوركس والحمد لله مش محرم وبرأى علماء كبار منهم مفتى الديار السعودية والشيخ القرضاوى ورئيس مجمع الفتوى بالقدس وأناس أخرون وسوف انشر ذلك فى موضوع أخر قريبا إن شاء الله