تووووبه ان أجرت عربيه تاني (مشكله كبيره)

[Kazzaz]

الحوار ده يخلص بانك تشفله 2 بلطجيه يرحوا يخدوا منه الشيك الحوار ده حصل مع واحد صحبى كان ماجر عربيه لانسر والفنوس الشمال الللى قدام اتكسر منه المهم صاحب العربيه قاله عايز 2500 جنيه عشان اجيب الفانوس الاصلى من التوكيل المهم صحبى قاله يعم هجبلك فنوسين يمين وشمال عشان ميبنش ان فى واحد جديد وواحد قديم قاله لا انا عايز 2500 جنيه المهم سابه ومشى وقاله للى تعرفه تعمله بالشيك اعمله المهم بعدها بيومين بعتنا واحد صحبنا اجر منه احدث عربيه عنده كانت الانترا 2009 وخدها ومشى وبعدها بساعه اتصل صاحبى بيه قالوا الشكين بتاعى وبتاعى الراجل اللى لسه واخد منك العربيه يمشهتشفها تانى اعد يهلل شويه فى التليفون وبعدين قاله طيب هات الفنوسين اللى قلت عليهم قاله لا ولا الهواء الشكات مقابل العربيه وفعلا خد الشيكات ورماله العربيه

انت فاكر انت دي صياعه و حاجه حلوه ؟؟؟ لا طبعا انت كده صاحبك ده ظالم و هايتحاسب هو مش كسر فانوس اصلي ؟؟؟ المفروض يجيب فانوس الاصلي اساسا ده اسمه ظلم

[Kazzaz]

وكان قبلها اخويا واصحابه سئله واحد سمكرى قله اخرها100جنيه.المهم كلمه منهم وكلمه منه عرفنا ان المكتب مفتوح من غير ترخيص فمسكناه من ايده اللى بتوجعه واخد 80 جنيه ومفتحش بقئه..حاول انت كمان تشوف موضوع مكتب الترخيص ده ولو مش مرخص اعمله بلاغ واحبسه. وعلى فكره ودى معلومه اكيده مليون الميه..طالما انت قاصر ومعدتش ال21سنه هدده وقله انك هتحبسه لانك خليت قاصر يمضى على شيكات ودى مصيبه كبيره.ومتخفش وجمد قلبك..وابقى طمنا

يا جماعه هو انت لما حاجه تتكلف 100 جنيه ... و تديلوا 80 كده عدل و فاكرين انها حاجه كويسه ؟؟

[hossamhussein0]

المشاركة الأصلية كتبت بواسطة Kazzaz يا جماعه هو انت لما حاجه تتكلف 100 جنيه ... و تديلوا 80 كده عدل و فاكرين انها حاجه كويسه ؟؟

يا عم بالراحة شوية

اصحاب معارض الايجار بيكونو مامنين علي السيارات ضد الحوادث و السرقة و ما الي لك ،، و بيأجروا العربية و هم يتمنون ان المستأجر يعمل حادث ( ده حقيقي ) و طبعا يدفعوه حق الاصلاح و ايجار عن ايام العطلة و في نفس الوقت همه بيصلحوا في التامين ببلاش و بتتغير الفوانيس و كل حاجة

بل بالعكس لو كانت مثلا خبطة نتج عنها فانوس مكسور بيشيل كام فانوس من السلام و يركب مكانهم خردة و كمان مرايتين جنب و شبكة امامية و شوية تحابيش ،،، و يدخلها التامين تتعمل كلها و يبقي استفاد بقطع الغيار السليمة اللي فكها و في نفس الامر العربية اتجددت و اخذ من الزبون برضه حق فانوس او سمكرة و دهان

للأسف معظم المتعاملين في تلك الامور نصابين ولاد تيييييتتتت و كمان بيكون عندهم بلطجية بيظهروا للزبون عند اللزوم و المعلومات دي انا عارفها و متاكد منها لانني كنت مرة اجلس بالصدفة في معرض سيارات بتاع واحد جاري و كان عنده ضيوف من اصحاب مكاتب ايجار و كانو يتبادلوا الحكايات و كانها شئ عادي و نصاحه

و للاسف الكثير و الكثير يقعون فريسه سهله لمثل تلك الامور بالذات صغار السن قليلي الحيلة ،، و اكبر مثال زميلنا صاحب الموضوع اللي يا عيني اتنصب عليه في 1500 جنيه يعني اجر عربية لمدة 6 ساعات و دفع فيها 1700 جنيه (الايجار + النصبة)

حسبي الله و نعم الوكيل ،،،، و ربنا يعوض عليك و ثق تماما ان ربك يمهل و لا يهمل و مسير الايام تلف وواحد يروح ينصب عليهم نصبة يدفعوا فيها 150 الف مش 1500

و نصيحتي الي من ممكن ان يتعرض لموقف مشابه

اعتقد انه الافضل التوجه للقسم و تحرير محضر بالواقعة و عمل اثبات حالة بالواقعة و اثبات بالمحضر ان المكتب بدون ترخيص و رفض منحك فاتورة ضريبية مقابل الايجار المسدد له و بكده يفهم انك هتقلب الدنيا عليه ضرائب و شرطه و قضاء و ممكن في كثير من الاحوال ان يرضخ لذلك ،،، و طبعا يجب ان تحتفظ بصورة محضر التسليم و تثبت في المحضر موديل السيارة و عدد الكيلومترات التي استهلكتها و عدد الكيلومترات اللي العربية عملاها علشان تكون اثبات ان العربية قديمة و مستهلكة و أن اي شئ قد يظهر فيها ميكانيكيا او في العفشة فهو ناتج عن الاستهلاك الطبيعي

[كومندا]

المشاركة الأصلية كتبت بواسطة Kazzaz انت فاكر انت دي صياعه و حاجه حلوه ؟؟؟ لا طبعا انت كده صاحبك ده ظالم و هايتحاسب هو مش كسر فانوس اصلي ؟؟؟ المفروض يجيب فانوس الاصلي اساسا ده اسمه ظلم

ومين قالك ان الفونيس اللى فيها الاصليه بتاعتها ومين قالى كمان ان العربيه دى مش معجونه قبل كده فى حادثه ومش ومغيره نص ولا ربع وطبعا فوانيس
مفيش صاحب معرض بيجيب عربيه بنت بنوت ياجرها لانها ممكن تتخبط فى اول مشوار تطلعه لازم يجيب عربيه اتعمل فى شغل قبل كده ونزلة من تمنها 10او 15 الف عشان موديل حديت ورشة دواخل ومغير انصاص واربع وكده عشان لو اتخبط يسرق الزبون ويدبحه فى الفلوس وهوه كده كده مش خسران حاجه دى عربيه شبه المجمعه

[Rekaa]

المشاركة الأصلية كتبت بواسطة hossamhussein0 و نصيحتي الي من ممكن ان يتعرض لموقف مشابه اعتقد انه الافضل التوجه للقسم و تحرير محضر بالواقعة و عمل اثبات حالة بالواقعة و اثبات بالمحضر ان المكتب بدون ترخيص و رفض منحك فاتورة ضريبية مقابل الايجار المسدد له و بكده يفهم انك هتقلب الدنيا عليه ضرائب و شرطه و قضاء و ممكن في كثير من الاحوال ان يرضخ لذلك ،،، و طبعا يجب ان تحتفظ بصورة محضر التسليم و تثبت في المحضر موديل السيارة و عدد الكيلومترات التي استهلكتها و عدد الكيلومترات اللي العربية عملاها علشان تكون اثبات ان العربية قديمة و مستهلكة و أن اي شئ قد يظهر فيها ميكانيكيا او في العفشة فهو ناتج عن الاستهلاك الطبيعي

عندك حق فعلا كل اصحابي قالولي طالما هو قـالك العربيه فيها كذا وكذا مكنتش سلمتلو العربيه وكنت طلعت بيها ع المركز وعملت محضر اثبات حـاله

ثانيا الواد نصاب عالمي يعني لو حد فاهم في العربيات يجي يكلمو في حاجه تلاقيه هو راح في حاجه تانيه
يعني متعرفش تاخد معاه حق ولا بـاطل فعلا اكتر الناس فاتحه المكاتب دي مش عشان تاكل عيش عشان تنصب وبس

---------------------------------