مشكلة مغلباني

[spada2000]

عندي 128 موديل 90 المشكلة ظهرت من يومين تقريبا وهي الصبح دورت العربية عادي ومشيت ورحت مشواري وبطلت العربية لما جيت ادور تاني الكنتاكت مش عايز يلقت والعربية مش عايزة تدور بس لمبة البطارية والزيت منورين عادي
واحد قالي بص على الموبية شيل السلك وحطة تاني عملت كده بردة مش عايزة تدور قعدت اجرب حوالي نص ساعة اشيل السلك واحطة تاني فين في الاخر لاقيتها دارت ومشيت وروحت
وجيت ادور الصبح لاقتها دارت عادي بس بعد ما وقفت جيت ادور عملت نفس المشكلة
مش عارف اروح لكهربائي يغيرلي الموبينه ولا السلك بتاعها
وهل تشخيصي كدا صح

[m_elmasoudy]

متهيألى المشكلة عند حضرتك فى المارش نفسه والواضح إنه لما بتكون العربية سخنة مابيرضاش يدور، وأظن المشكلة بعيدة عن الموبينة
والله أعــــــلـــــــــم

[sharooo]

السلام عليكم
ممكن فعلا المارش بنسبه كبيره الاتوماتك او ممكن سعات البطاريه بتعمل كده
عملت معايا كده بالضبط قبل كده:010104~17 1:

[mr_astra]

طب ما توضحلنا اكتر انت اما بتيجى تدور المارش بيلف لكن الموتور مش بيدور ولا بتسمع صوت تك تك بس ولا بتحس ان المارش بيعتل ولا ما فيش حاجة خالص خالص