جبت لانوس 2011 بقالى يومين وعندى اسأله كتير

[cyber007]

المشاركة الأصلية كتبت بواسطة dr_maged صح الكلام انا اول ما جبتها كنت عمال اركز مع العيوب ةاية بيطلع صوت وصوت الماتور وكنت ساعات والله ميكروباص يعدى جنبى فى صوت تصفير ولا حاجة اقول دا عندى انا واهدى بالعربية علشان اركز واسمع الصوت تانى وبعد كدة بدأت اكبر دماغى دى عربية جديدة يعنى هيكون فيها اية ولو فيها حاجة المفروض انه فى ضمان وحماية مستهلك لو حصل حاجة هفضل وراهم لحد ما اغيره العربية لو حصلت وبدأت ما اسمعش حاجة ودا اللى عاوزك تعملة ولو عاوز تطمن اعمل زى ما انا ناوى خد العربية لبنزينة ولا حد محترم يكشف عليها ويرفعها وفهمة انها جديدة وانت شاكك فى اية وان شاء الله مش هتلاقى حاجة ولو لاقيت اطلع على التوكيل قلهم يغيروه الحتة الفلانية وربنا يكفينا شرها بالنسبة للتظبيط انا مش من هواياتى العب فى الشكل الخارجى لكن ممكن من جوه تحط فرش جلد وارضية وممكن ستارة لل زجاج الخلفى حاجات من دى يعنى

الموضوع فعلا شكلهبقه وسواس بس من كتر العيوب والله انا حاسس انها عربيه موديل 95 ... طب عاوز اخد رايك فى شويه حاجات بما انك معاك نفس العربيه
- كنت بركب الدايو زمان كان التانى بيجيب 90 ولسه فيه بتاعتى دى صوتها بيبقى عالى جدا والتانى لسه على 40 ياعنى ال rpm بيجيب 35 والسرعه 40 لسه
- وانا على التالت فى صوت ونه من المكنه شبه الشاهين كده او زى ما تكون راجع لورا
- نفس الونه دى وانا واقف لما ادوس دبرياج تروح اشيل رجلى يجى الصوت تانى ( على التالت بيبقى الصوت اعلى )
- العجله اليمين ورا فيها حاجه غلط زى ما يكون المساعد ضارب بتخبط فى المطبات ومش زى الشمال خالص
- ازاى المرايا الشمال مسطحه -- ممكن اغيرها ؟
-الكبون فيه حته فى الدوكو لونها مختلف عن العربيه زى حته مسيله تحت الطبقه اللى بتلمع حجمها حوالى 2سم فى 4سم فوق الكشاف اليمين
- فرش الابواب بيزن
- دايما حاسس انى شادد مقطوره ورايا والعربيه نفسها مقطوع
- حاسس ان البنزين بيطير بيخلص بسرعه جدا

كل دى مشاكل حقيقيه مش تهيؤات ولا حاجه بس الغريب انها فى عربيه زيرو مكملتش اسبوع وجايبه 150 كيلو ، دا الواحد لما بيجيب عربيه زيرو على الاقل من الفرحه مش بيحس بالمشاكل فى الاول ، وانا حسيت بالحاجات دى من اول يوم؟؟ بذمتك هيبقى ليا نفس افرح ؟؟؟؟؟؟؟؟؟؟؟؟؟؟؟

[ابوشروق]

اولا الف مبروك ربنا يكفيك شرها لاكن يأخى ارجوك ماتزعلش نفسك وان شاء الله كل المشاكل ديه أيدها فى ورقه وشيلها فى التابلوه وعند عمل صيانة 5000 اعرضها على مهندس الصيانه وهما هيعملوها دى كلها تظبيطات بسيطه وطمنا عليك بعد كده على فكره موضوع 1000 ده بينصح بعدم استخدام التكيف عند1000 الاولى وربنا يباركلك فيها ويجعلها أدم الخيرعليك

[cyber007]

منا مش هعرف استنى لحد صيانة ال 5000 دى لسه كتير اوى .. كمان ساعتها هبقى اتجننت من العيوب دى كلها (( فى عربيتى - الزيرو - )) المشششششششششششكله انها زيرو والله ، او زى ما تكون زيرو

[cyber007]

روحت النهارده سالت على ازاز المرايه الشمال المسطح دا لقيت الجديد الاصلى برضه مسطح .. محدش يعرف ازاز من اللى بيجيب الصوره بعيده للشمال ؟؟؟؟؟؟؟؟؟؟؟؟؟؟؟؟؟؟؟؟؟؟

[عصام غنايم]

روحت النهارده سالت على ازاز المرايه الشمال المسطح دا لقيت الجديد الاصلى برضه مسطح .. محدش يعرف ازاز من اللى بيجيب الصوره بعيده للشمال ؟؟؟؟؟؟؟؟؟؟؟؟؟؟؟؟؟؟؟؟؟؟

متغيرش ازاز المرايه ولا تتعب نفسك خالص

الحل السحرى انك تروح لاى حد من بتوع الاكسسوار وتجيب مرايتين صغيرين مدورين بضهر لصق وتلصقهم على المرايتين من اطرافهم

وادعيلى