ارشيف احداث عام 2010

[ayman abdelrazek]

المشاركة الأصلية كتبت بواسطة نبيل عبدالرحمن الخير اللى عمله الضابط ده هايشوفه أكيد فى نفسه أو فى أولاده لأن الله لايضيع أجر من أحسن عملاًً . وعندى إقتراح بأن كل واحد من أعضاء المنتدى قابل معاملة طيبة من ضباط المرور أو ضباط الشرطة أن يحكيها لنا حتى نتعرف على محاسن هؤلاء الرجال ونعرف أنهم مصريون قبل أن يكونوا ضباطاً للشرطة

يعنى يسوق له العربيه ويركنها له ماشى !
لكن يطلع معاه ويتبرع له بالدم ديه اللى جديده وانسانيه جدا
فكره جيده يا استاذ نبيل ان احنا نجمع وقائع ومعاملات مع الضباط انسانيه فقط ونحكيها مثل ما نحكى دائما ونسوق لأخبار وافعال سيئه

[islam_galal]

الخبر ده أثر في بشدة
شكرا للنقل يا أيمن بك و عشان الخير لسه موجود يبقي لسه فيه أمل ، مش مهم حجمه بس موجود
أهم ما في الموضوع إن الواحد شاف اسمك و صورتك منورة في البروفيل لأن أجازة نص السنة عدت و منزلتش اسكندرية و لا حتي سومو
الصيف جاي

[AbOnOrA]

شهامة وجدعنة وحسن تصرف ونبل حقيقى من الظابط ده
طبعاً فيه كده فى كل الدنيا بس بنسبة قد ايه ديه المشكلة بس مهم فعلاً اننا ننشر النمازج ديه علشان تبقى حافز ويكون فيه ناس اكتر بالجمال والانسانية ديه وبرضو متبقاش الصورة قاتمة دائماً ومنعممش على الكل

انا شوفت ظابط بيتعاطف مع عامل فى احد محلات كبار رجال الاعمال وبيحمية وعمله محضر 100/100 علشان يسترد حقة
وشوفت ظباط مرور فى بعض الحوادث بيتصرفو بشكل رائع وانسانى جداً لنجدة المصابين
وشوفت قسم كامل بيتعاطف مع رجل مصرى ضد زوجته الاجنبية اللى كانت عايزة تخطف بنتهم وتسافر بيها بره تحت حماية من السفارة بتاعتها

فاكيد فيه ناس كويسه وكويسه جداً كمان

[Dr.A]

طاقة نور وسط الضلمة
تحية لهذا الرجل ولكل رجال مصر الشرفاء


ضابط مصري يتراجع عن تحرير مخالفة لمواطن.. ويتبرع بالدم لابنه








دبي - العربية.نت
قرر اللواء إسماعيل الشاعر، مساعد أول وزير الداخلية لمنطقة القاهرة، صرف مكافأة مالية للملازم أول خالد الحسيني، بإدارة مرور القاهرة، بعد موقف إنساني نبيل قام به تجاه قائد إحدى السيارات، نقلاً عن تقرير لصحيفة "المصري اليوم" الأحد 14-3-2010.

وكان الشاعر تلقى خطاب شكر من المواطن علي محمد علي، لما بدر من الضابط من سلوك إنساني طيب ونبيل. وأوضح علي أنه كان يركن سيارته في مكان خطأ أمام مستشفى أبوالريش للأطفال عندما فوجئ بضابط المرور يخبره بأنه يقف في المكان الخطأ، وعليه التحرك حتى لا يحرّر مخالفة مرورية ضده.

وأضاف: "عندما أخبرته بأنني متوتر وعاجز عن القيادة بسبب حاجة ابني الرضيع إلى دماء، وتبين عدم وجود فصيلته في بنك الدم، فما كان من الضابط إلا أن ساعدني على تحريك سيارتي لمكان مسموح فيه بركن السيارات وصعد معي إلى المستشفى وتبرع بدمائه لأن فصيلة دمه كانت نفس فصيلة دم ابني".

وتابع: "ابني أنس عمره ٢٠ يوماً ويعاني من بعض الأمراض، ويحتاج إلى نقل دماء وبلازما وصفائح دم يومياً، وأحاول البحث عن أحد الأشخاص حتى يتبرع له، وعندما أخبرت الضابط بذلك قال لي (لماذا تبحث عن أحد وأنا موجود)، وتبرع لابني بكيس من الدماء، وعندما طلبت منه أن أعرف اسمه رفض، وأعطاني رقم هاتفه المحمول".

واستطرد الأب: "توجهت للمستشفى من جديد، واطلعت على الاستمارة التي حررها الضابط قبل التبرع بالدم، وحصلت على اسمه، وأرسلت برقية شكر إلى اللواء إسماعيل الشاعر، لأنني لم أستطع تقديم أي شيء لذلك الرجل العظيم".

[Dr. Bolbolan]

معلش تصحيح بسـيط !

المفروض العنوان يقول " الشـرطه المصريه لسـه فيها رجـاله " !

Dr. Bolbolan ptmnlo123per122