تحويل السيارات للغاز الطبيعي خطوة خطوة (تقرير مصور)=Convert cars to N.G. step by step

[خالدخليفة]

المشاركة الأصلية كتبت بواسطة مهند سالم أولا الموضوع رائع، وأكثر من رائع، لكن بالنسبة لي أعتقد أنه من غير المجدي أبدا التحويل للغاز؛ لأن ببساطة قيمة التوفير في كل 100 كيلو لا تتعدى 4.5 جنيه، وأنا بأمشي بالعربية 200 كيلو في الأسبوع، وده معناه إن الوفر هيبقى معايا حوالي 9 جنيه في الأسبوع، يعني حوالي بالكثير 40 جنيه في الشهر، يعني 400 جنيه كل عشرة أشهر، يعني 2400 في ال60شهر، يعني ببساطة لن أوفر في خلال خمس سنوات إلا 2400 جنيه، وده مبلغ زهيد جدا، وده معناه إني عشان أجيب المصاريف إلا صرفتها، يبقى لازم أمشي بالعربية ما يقارب 12 سنة، وده رقم مبالغ فيه جدا. ولذلك أنا أرى إن الشخص إلا بيتحرك بعربيته في حدود ال1000 كيلو في الشهر لا يقدم أبدا على تحويل سيارته لغاز. ده بالنسبة للتكلفة، ناهيك عن بقية الأضرار التي أوضحها الباشمهندس مشكورا. ناهيك عن أني لا أجيد الطقوس اليومية التي يجب أن أفعلها للمحافظة على محرك السيارة، زي إني لازم أدور العربية على البنزين وأسخن عليها، وبعدين أحول لغاز، وبقية هذه الطقوس، التي تبدو مملة. ناهليك عن إن تانك البنزين إلا بيسع فوق ال40 لتر ممكن يمشيني حوالي 400 كيلو بدون أن أذهب مرة أخرى إلى البنزينة، أما تنك الغاز لن أسير عليه أكثر من 170 كيلو وده رقم قليل جدا. وشكرا ليك للمرة الثانية

الكلام ده مش مظبوط خالص
لان 10 لتر بنزين 90 تمنهم 17.5 جنيه بينما 10 متر غاز تمنهم 4,5 جنيه
ومن المعروف 10 متر غاز = 10 لتر بنزين فى عدد الكيلو مترات
يعنى كل 100 كيلو بتوفر 13 جنيه بالتمام والكمال وحتى لو بتحط بنزين 80 اعتقد تمنه 110 يعنى ال10 لتر =11 جنيه يبقى هتوفر 6,5 جنيه كل 100 كيلو ناهيك عن طابور ال80
لو بتمشى 200 كيلو فى الاسبوع ببنزين 90 وهو الشائع
يبقى الوفر الاسبوعى26 جنيه والشهرى 104 جنيه
ولو بنزين 80 يبقى الوفر الاسبوعى 22 جنيه والشهرى 88 جنيه
ولو 92 يبقى الوفر الاسبوعى 29 جنيه والشهرى 116 جنيه
اخيرا ودى ناحية نفسية انا شخصيا جربتها
كان يبقى عندى مشاوير مكنتش بروحها بالعربية لانها هتصرف بنزين وكنت بروح مواصلات والاقى المواصلات وبهدلتها ومضيعة الوقت فيها ارخص من السيارة
لما ركبت غاز بقيت اروح بعربيتى بدون لجوء للمواصلات وبهدلتها
واحيانا ابقى مسافر مشوار طويل فكان تشغيل التكييف لمدة طويلة كانت بيصرف بنزين ولكن بعد الغاز مبقتش تفرق
يعنى لجوئك للعربية هيزيد وبالتالى استعمالك هيزيد وتوفيرك هيزيد
دى تجربة شخصية
وانا كنت بتنقل كتير بالمواصلات وانا معايا العربية
لكن بعد الغاز بقيت اكسل عن المواصلات تماااااما

ثانيا / موضوع التسخين بنزين والتحويل لغاز ده مش محتاج عملية معقدة او صعبة ده حتة زرار بتدوس عليه بتنقل بنزين وتسخن وتنقل غاز وتمشى مجرد زرار تاتش

ثالثا / حضرتك عندك حق فى موضوع المسافات فعلا لو مش بتمشى كتير يبقى نسبة الوفر مش هتبقى مجدية حسب ظروفك المادية طبعا
وان كنت انا رأيى الشخصى اى توفير معناه قطعة غيار للعربية بدون ضغط على ميزانية الاسره او قطعة كماليات للعربية بما يعود على الاسرة بالنفع
اما تانك الغاز على سرعة 170 كيلو فى الساعة بيمشينى 200 كيلو بدون تكييف و140 بالتكييف وعلى سرعة 100 بيمشينى 250 كيلو بدون تكييف و220 كيلو بالتكييف
وتانك الغاز كله بيتملى بحوالى 6 ونص لما يكون التانك فاااااااااااااضى خاااالص

اخيرا ده رأيك وانت حر طبعا
لكن دى تجارب شخصية

[ahmed_gamal777]

موضوع اكثر من رائع
جزاءك الله خيرا
وجعلة فى ميزان حسناتك

[حسام البورسعيدى]

شرح جميل جدا ومشكور على تعبك يا باشا ..

لكن الصور مدتها انتهت يا ريت ترفعهالنا من تانى

وعندنا فى بورسعيد كل التاكسيات مركبين غاز (التاكسيات عندنا فيرنا فيفا وفيرنا واكسنت) وشغالة ميه ميه

وده يثبت ان التحويل للغاز صفقة رابحة ومش مضر للعربية ...

لكن الملاكى عندنا مش بيحتاج غاز لان بورسعيد كلها ممكن تاخدها مشى

يعنى انا بستهلك فى اليوم 5 لتر بنزين (لو مشاوير كتير) وعربيتى هيونداى افانت 1500 سى سى

علشان كده مش بفكر احول غاز خالص ..

لكن اعتقد فى القاهرة الغاز عملى وموفر جدا ...

والف شكر على الموضوع المتكامل ....

[Sh_sunsea]

<HR style="BACKGROUND-COLOR: #dadada; COLOR: #dadada" SIZE=1>
<!-- google_ad_section_start -->كنت بقترح يا جماعة نعمل قائمة بأماكن محطات الغاز - علشان فوجئت بمحطة الغاز الي معتمد عليها جنب شغلي واقفة - فنعرف فين أماكن المحطات علشان يبقى واضح إيه البدائل المتاحة لحد ما انتشار المحطات يزيد شوية

01.محطة غازتك ----- على طريق هايبر وان - أمام مستشفى دار الفؤاد وبجوار نادي نقابة المهندسين
02.محطة غازتك ----- قبل محطة العريش تقريبا بشارع فيصل
03.محطة غازتك ----- على الاوتوستراد - بعد مدخل المعادي الثاني للمتجه الى حلوان
04.محطة الوطنية ---- على الاوتوستراد للقادم من حلوان
05.محطة كارجاس --- خلف ملاهي السندباد بالنزهة الجديدة
06.محطة كارجاس --- صلاح سالم للمتجه الى المطار - بعد عمارات العبور
07.محطة كارجاس --- ناصية شارع عباس العقاد تقريبا

اتفضلوا معايا :d:d<!-- google_ad_section_end -->

[gahloos]

موضوع رائع . شكرا لك