اللانسر و حقيقتها

[aboelezz]

السلام عليكم ورحمة الله
احب في الاول قبل ما ارد على كل الي اتقال على اللانسر وحسسني انها مش عربية لان لو كل الي اتقال عليها صح كانت تتباع ب 10 جنيه مثلا..............المهم
اولا انا عندي لانسر 1300 اتو ماتيك 2007 عارف يعني ايه اتوماتيك و 1300 يعني مبتجريش ومفيش تكييف صح؟.... لا ابدا بتجري والتكييف زي الفل مفيهوش حاجة ورغم ان عفشتها مش رياضية بس مفيش تنطيط زي ما بتقول وثبات هايل جدا يعني انا بسافر بيها كتير ودايما 150 او 160 سرعتي ومفيش اي اختلاف لو كنت ماشي على 100 مثلا يعني اتزان وثبات وكمان التكييف شغال وبالنسبة لصوت الموتور عالي وال rpm عند 6 فده معناه انك يا استاذي الفاضل كدة عملت kick down يعني بالعربي صقطت غيار ده في الاوتوماتيك بس تعالى بقة فوق ال 160 مفيش خالص الكلام ده العربية صوت الموتور بيهدا ومفيش kick down علشان انت قربت على السرعة القصوى للعربية وهي 180 وده هو بقة العيب الحقيقي للعربية ده اقصى سرعة ليها 180 والعداد عمره ما هيعدي 180 انا اول ما جبتها قلت يمكن علشان 1300 لا اصحابي معاهوم الرياضية ونفس الكلام .....
يبقة هو ده العيب الحقيقي ده في رايي بس انا شايف انه مش عيب لان فين الطرق الي تمشي عليها بالسرعة ده او اكثر منها يعني 180 ولا اكتر وغير كدة كمان قانون المرور الجديد ده وانا بكتب مكنتش عايز اقول اني بمشي بيها 180 لاحسن حد ينخرب ورايا ويديني مخالفة هههههههههههه

اه سوري نسيت اقولك على حاجة بجد تثبت موضوع الثبات ده
مره كنت في الطريق الصحراوي وماشي براحتي على 130 ومرة واحدة لقيت مقطورة معدية من جنبي وبتحدف عليا وانا في الحارة الي في الثانية من اليمين واعدت اهدي واحدف يمين علشان يعدي بعيد عني مفيش فايدة لحد ما بقيت في اول حارة على اليمين والمقطورة خلاص هتطلع عليا سبحان الله اتصرفت تصرف مش عارف صح ولا غلط (هتعرف في الاخر) روحت عامل kick down علشان اطلع منه وطلعت فعلا بس خبط طرف الاكصدام الخلفي خبطة لو شفتها مش باينة اساسا وانت عارف يعني ايه خبطة من جنب العربية الخلفي وانتي على سرعة وكمان مصقط غيار
العربية لقتها بتلف حولين نفسيها 3 مرات بالظبط وراحت متجهة ناحية الهادي من الطريق وكان الهادي ساعتها رصيف الي بيبقة على يمين الطريق علشان فيه استراحة وراحت العربية طلعت على الرصيف ووقفت
طبعا هتسالني والمقطورة اتاري الراجل كان نايم ولما سمع صوت العربية الي بتلف حولين نفسيها صحي فجاة وعدل المقطورة ووقف يشوف ايه الي حصل
الي حصل بقة اني نزلت من العربية واكتشفت اني العربية من برة مفيهاش حاجة والاير باج مفتحش قلت بس يبقة بايظ ما علينا
ببص بقة تحت العربية لقيت العجلة اليمين الامامية الي كانت اول واحدة تطلع على الرصيف جنطها معووج والكبلن اتكسر والمساعد والمقص اتعوجوا وبس ده انا الي شايفه وطبعا قلت حصل حاجات تانية للعربية .
المهم ودتها التوكيل وعرفت ان العربية مفيهاش حاجة غير الي قلتلك عليه وزيادة ان الاكصدام الامامي اتكسر من تحت والرفرف اليمين كمان وبس ده الاصابات والحمد لله على كل شيئ
انت عارف بقة التوكيل راح مغير 2 مساعد امامي و2 مقص امامي و2 جنط بالكاوتش امامي و 2 كوبلن امامي والاكصدام والرفرف وكل ده كلف 20.000 جنيه والحمد لله انها متأمن عليها
معلش يعني ربنا ستر والحمد لله بس انت بتقول مفيش ثبات ازاي بقة انت عارف طبعا يعني ايه عربية تتخبط من الخلف من الجنب وعلى سرعة يعني المفروض تتقلب بس الحمد لله ربنا ستر ده مثلا حاجة تثبت كفاءة العربية
نيجي بقة لموضوع الايرباج الي مفتحش عارف ليه لان الخبطة لما العربية طلعت على الرصيف كانت من الناحية اليمين من ناحية العجلة اليمين وانا عربيتي ايرباج واحد بس مفيش في الجنب اليمين علشان كدة مفتحش بس
المهم انا قلت العيب الي انا شايفه في العربية ورغم انها 1300 وده رأيي والواقع الي حصل وكل واحد وليه رأي وذوق وشكرا معلش اني صدعتك مع السلامة

[محمد حنفى]

انا معايا لانسر 2008 الشكل الجديد وانا حاسس ان صاحب المقال بيتكلم على سياره تانيه خالص
على هذا رأيه وهو حر في رأيه

[lancer.style]

انت باين عليك بتنقل المواضيع و خلاص

الكلام دا غلط خالص


عن صدق و تجربة انا معاية كريستالة و بعشقها من غير انحياز ولا حاجة بس العربية جميلة فعلا


انت كل الى عملتة انك وضحت ان الانسر ديت كرو مش عربية


فيها اية تانى مش كويس دا حسب راى سعدتك

البور كويس جدا

و العفشة كويسة انا معرفش يعنى اية ناشفة بس معتقدتش هو العيب انها و طية و بتتنطط حلو اوى

العوازل موجودة عند المتور

صوت المتور عمرة مكان عالى ابد و على تجربة انا لما بحرق على المتور صوت عادى زى اى صوت

انا اول مرة اسمع عن موضوع الكاوتش انة ردئ دا مسئول عن موضوع السلامة يعنى عمرة ميكون وحش

و بانسبة لصحبك الى العربية لفت بية ههههههه انا باخد ملفتا على ال 110 و ال 100 اقرب حاجة الاوتوستراد لانى عارف سابتها على الارض و سعات بهدى او ادوس فرامل خفيف هو فى حد عاقل بياخد ملف على ال130 يا راجل حرام عليك دل لو راكب اية

و احسن حاجة التجربة اجر عربية لانسر و شوف بتعمل الى انت بتقولة ولا لا و ابقى قولنا

[Nissan]

لانسر إستايل جاب من الاخر
أجر عربية و قولنا رايك فيها
بس أوعى تاخد ملف على 130 كم/ الساعة
و ربنا يستر
و الف سلامة عليك يا عم يا اللى طلعت على الرصيف
بس عايز اقول لحضرتك على حاجة
لو العربية كانت عاملة كيلومتر كتير يبقى كان صح ان التوكيل يغير 2 مساعدين
و يمك فعلا كان المساعدين خفاف قبل الحادثة أصلا
و دة بردو بالنسبة للمقصات
و الحمد لله و خد بالك بعد كدة و ابقى صحى السواقين اللى نايمينptmnlo123per154ptmn lo123per154

[sam551]

لو سمحتم اعرض عليكم راى مهم
لو قارنت اللانسر بالالنترا فدة نجاج رهيب للانسر
لان الانسر فى فائتهافى المتسوبشى هى فئةالفيرنا فى الهونداى ( حقيقى هى دى العربية المثيلة )
واذا قارا الجالنت بعربية لازم نقارنها بالانترا
ويبقى كدة المقارنة عادلة لازم نقارن الفئات ببعضها
والان ممكن نتكلم
انت غنى وعايز مظاهر عليك بالالنترا ( مش مهم دفعت كام وحتبعها بكام وحتقلب العربية بعدسنة ولا انتين مشمهم الخسارة )
انتى علملى وعايز تحاجة تعيش( تعالى على المفيد قليل الاعطال والى يدوم معاك)
تعالا مثلا نقارن عربية لانسر موديل 99 ماشية 250 الف ك وعربية اكسنت ماشية 250 الف كيلو
مافيش وجة للمقارنة وانت طبعا عارف الاولى حجتبقى حالتها اية والتانية عاملة اية
ولا تعليق اضافى ودة بالصراحة راى لانى عملى ولا يهمنى الشكل