اللانسر و حقيقتها

مع إحترامى لرأى صاحب الموضوع وناقله لكن الكلام غلط 200% وهيخلينى لا أثق فى حكم الكاتب على أى سيارة وطبعا لن أجادله ..

هو لو انا قلت على الأسود أبيض ومش عايز حد يجادلنى هتجادلونى؟؟!!!

[sh_masry]

يا اساتذتى مش انا اللى كاتب الموضوع ..... انا ناقله و مزود بس اخر سطر و ده مش معناه انى غير متفق معاه لأنى انا جربتها بنفسى كتير و سقتها لمسافات كبيره و لم اقتنع بها و انا مع رأى كاتب الموضوع فلهاذا تم نقله ..... انما موضوع المجادله ده فياريت نجادل زى ما احنا عايزين و مافيش مشكله خالص ههههههه

[yassersalah]

الموضوع بسيط ياجماعة ولازم نتعود على الاختلاف لكن لو 1000 قالو حلوة 50قالو وحشة تبقى اكيد حلوة مع احترامى للخمسين

[Nissan]

بسم الله الرحمن الرحيم
صلوا على النبى عليه الصلاة و السلام النقاش ماله سخن اةى كدة يا شباب هوا لذيذ و محترم
انا هضيف رأى خاص قابل للصةاب و ايضا قابل للخطأ العربيات بصفة عامة متقسمة بمعنى ان اسعار العربيات ن 80 الف لحد 100 الف حاجة و من 100 الف لحد 150 الف حاجة تانية و من 150 الف لحد 200 الف حاجة تالتة و هكذا يعنى سعر العربية هوا اللى بيقول إمكانيتها و لكل عربية فى العالم مزايا و عيوب انا اشتغلت فى بى ام دبليو و شوفت عيوبها و عربية زى ال E65 الفئة السابعة سعرها معدى المليون جنيه فيها عيوب
القصة فى انك هتتنازل عن عيب اية عشان السعر اللى يناسبك ومع ذلك انا شايف ان الكورولا و اللانسر و الهيونداى إلنترا من افضل العربيات فى فئتهم
و بشكر صاحب الموضوع مرة اخرى على موضوعه الجميل و كمان بشكر كل من ساهم برأيه

[AbOnOrA]

بصراحة انا كمان شايف ان الموضوع فيه مبالغة كبيرة

لاكن من ناحية تانية العربية اعتقد اسواء ما فيها سعرها لو كان اقل شوية كان هيبقى معقول جدا خاصة لانى بقيت مقتنع تماما زى ناس كتير ان العربية مش يابانى ويا اما هندى يا صينى لاكن مش يابانى

العفشة ناشفة (قياسا بانها يابانى) لاكن ده مش بينعكس على الثبات ده صحيح

لاكن برضو العربية مش بتلعب او بتعوم

يعنى نقدر نقول ان الناس متوقعة اداء اكتر من كده فى عربية يابانى بالسعر ده وناس تانية شايفة ان ادائها اقرب للكورى من اليابانى ديه المشكلة بس معنى كده انها عربية فاشلة او سيئة

انا ليا صديق كان بيكره العربية ديه كره العمى بس والدة اشترى واحدة وكان سايب معاه جيب شيروكى وبعدين باع الشيروكى وجاب لنفسة عربية عالية وساب الانسر مع صاحبى اللى يطيق العمى وميطيقش الانسر بقالها معاه دلوقتى حوالى سنة ومشتكاش منها فى حاجة بس لسه مش بيحبها

فارجو من الجميع مراعاة ان فيه اختلاف فى الاذواق وفى ناس بتفضل حاجة او ليها اولوية فى حاجة على حساب التانية لاكن الاختلاف فى الراى لا يفسد للود قضية ابدا