اسبرانزا تيجو - مميزات و عيوب

[mohammedmoustfa]

المشاركة الأصلية كتبت بواسطة mag_magic بالنسبة لموضوع التأمين أنا امنت بسهوله خالص مع شركة المهندس للتأمين وليا صديقى اللى معاه ال 2000 امن بسهوله برضك يعنى انا معرفش شركة تأمين ترفض التأمين على السيارات الصينى ( من توكيلات محترمه مثل اسبرانزا أبو الفتوح - البافاريه - ..... الخ ) وليس السيارات الصينيه مجهوله الهويه التى بلا توكيل . أما بالنسبة للعيوب فهى كما ذكرها صاحب الموضوع تماماً فى اول موضوعه صفحه 1 وهى عباره عن اشياء بسيطه مثل الأبواب وخلافه ( التوكيل ضبط الأبواب لصديقى ولكن انا لم اطلب منه ضبط الأبواب ) أما بالنسبة للعفشه والموتور فأنا اعنقد انا أحسن ما فى هذة السياره هى العفشه والموتور بالنسبة للفرامل فأنا حتى الأن أرى انها جيده ولا يوجد بها اهتزاز او خلافه العربيه معايا داخله على ال 10000 كم اغلبيته سفر أستهلاك البنزين بالنسبة لل 1600 حوالى صفيحه ( 20 لتر ) لكل 200 كيلو داخل البلد على الطريق السريع تصل إلى من 250 إلى 275 كيلو ال 2000 أستخدمها اكتر داخل البلد حوالى 170 كيلو وطريق سريع 220 كيلو للصفيحه ( 20 لتر ) و اخير موضوع الصوت والعزل بعد غلق الزجاج انا شخصيا ً لم اواجه هذه المشكله وذلك لانى اعتقد انها انهم ادركوا ذلك العيب وتم علاجه فى السيارات الحديثه موديل 2010 ( موديل 2010 بدا طرحه من 9 / 2009 م ) سعر السياره الأن ( 1600cc )فى التوكيل 82900 وذلك من 1/1/2010 بدل من 79900 بعد تعديل الزجاج الخلفى وزجاج الأبواب الخلفيه ( أصبح فاميه ) واستلام خلال شهر . يمكن أن تجد السياره ارخص فى المعارض ب 82000 ولكن الموديل بدون زجاج فاميه ( بالزجاج الفاميه 85000 ) وطبعاً أستلام فورى بالنسبة للسيارات ال 2000 cc سواء مانيوال او اتوماتيك فهى ارخص فى المعارض عن التوكيل واستلام فورى. ( 92000 بدل من 95000 سعر توكيل 102000 الف بدل من 105000 سعر توكيل ) . كما أنك ممكن تلاقى حد جايب 2000 cc وبيبعه كسر زيرو وتنزل 10000 جنيه مثلا من السعر ( ومش عارف ليه بيبعها صراحه ) لكن 1600 لا متلاقيش

و الله انا سالت كونتكت قالوا الصيني لأ

[kholio2005]

المشاركة الأصلية كتبت بواسطة mag_magic فى ناس بتتكلم على عضه فى الفيتس وبعض العيوب فيه ياريت اللى معاه المشكله دى او ظهرت عنده يقول فعلا فى مشكله ولا لاء وهل التوكيل حلها ولا لاء ؟؟

فى بعض الاخوة ظهرت معاهم المشكلة و تم حلها فى التوكيل
و على فكرة ساعات ده بيحصل لعدم ضغط دواسة الدبيرياش الى اخر مشوارها او نقص فى زيت الفتيس

[MANO_War]

مع انى مش بحب العربية دى خالص بص شكرا عالتقييم
و فعلا زى ما حصل مع هنيدى :الصين حلوة

[ehab adel]

انا من متابعى الموقع منذ فترة طويلة و بسبب ارائكم قررت اجيب القنبلة الصينية التيجو 1600 و رائى فيها كالتالى:
1- سيارة عائلية جدا.
2- ثبات غير عادى حيث اننى من الاسكندرية و مقر عملى بالعين السخنة واقوم بالسفر كل 15 يوم.
3- انا شايف ان استهلاك البنزين عال 200 للصفيحة خارج البلد.
4- انا لسة اليوم جاى من الاسكندرية و جايب بيها 185 على طريق القطامية السخنة و ملفات على 140 غاية في الثبات ماشاء اللة.
5- من ناحية العفشة ناعمة نسبيا.
6- من ناحية الفرامل فعلا خفيفة و يوجد بها احيانا صوت صفارة و لكن تم تداركها نسبيا بالتوكيل.
7- من ناحية النقل فعلا فى عضة بسيطة عند نقل التانى و احيانا الثالث و لاحظت ايضا ان هذة العضة تزول تقريبا بعد تسخين السيارة جيدا.
8- قطع الغيار معتدلة بالمقارنة بالسيارات الجديدة الاخرى. فانوس الفوج الاصلى بالتوكيل حوالى 140 تقريبا.
9- معاملة التوكيل كالمعتاد غاية فى الزوق حتى الان.

[mag_magic]

انا من متابعى الموقع منذ فترة طويلة و بسبب ارائكم قررت اجيب القنبلة الصينية التيجو 1600 و رائى فيها كالتالى:
1- سيارة عائلية جدا.
2- ثبات غير عادى حيث اننى من الاسكندرية و مقر عملى بالعين السخنة واقوم بالسفر كل 15 يوم.
3- انا شايف ان استهلاك البنزين عال 200 للصفيحة خارج البلد.
4- انا لسة اليوم جاى من الاسكندرية و جايب بيها 185 على طريق القطامية السخنة و ملفات على 140 غاية في الثبات ماشاء اللة.
5- من ناحية العفشة ناعمة نسبيا.
6- من ناحية الفرامل فعلا خفيفة و يوجد بها احيانا صوت صفارة و لكن تم تداركها نسبيا بالتوكيل.
7- من ناحية النقل فعلا فى عضة بسيطة عند نقل التانى و احيانا الثالث و لاحظت ايضا ان هذة العضة تزول تقريبا بعد تسخين السيارة جيدا.
8- قطع الغيار معتدلة بالمقارنة بالسيارات الجديدة الاخرى. فانوس الفوج الاصلى بالتوكيل حوالى 140 تقريبا.
9- معاملة التوكيل كالمعتاد غاية فى الزوق حتى الان


أنا بحب الكلام الموضوعى ده
كلام كله تمام بالضبط موضوع الفيتيس والغرامل وثبات العربيه الممتاز
بس على فكرة بالنسبة للموضوع الفيتيس اكيد العربيه مع حضرتك لسه جديده فعلا لما العربيه بتسخن العضة بتروح
وكمان بعد فترة من الأستخدام للعربيه يعنى بعد 3 شهور مثلا هتلاقى الموضوع ده خلاص

بالنسبة لموضوع البنزين انا العربيه عملت معايا اكتر من 290 كم فى الصفيحه ( 20 لتر ) فى السفر
لكن جوه البلد بتعمل 220 فى الصفيحه
وعلى فكرة موضوع البنزين ده بيرجع للرجل الواحد فعلا فى ناس رجلها تقيله على البنزين