مساعدين الشيفرولية اوبترا اسعارهم واماكن بيعهم

[Aly-Ahmed]

السلام عليكم يا اعضاء المنتدى ,
كنت عاويز اعرف سعر المسعديين الخلفى و الامامى شيفرولية اوبترا موديل 2010 ؟ و احسن مكان يتجاب منو؟ وكنت عايز اعرف هو المفروض يتغير كل كام كيلو (مع العلم ان العربية عاملة 100000 كيلو ؟ :12EA7A~ 153:

[Aly-Ahmed]

40 مشاهدة ولا رد واحد

[AbOnOrA]

معلش يا استاذ على انت عذرك معاك علشان لسه جديد فى المنتدى بس انا بقولك اى موضوع عنوانه مبهم زى هااااااااااام والحووووووقى والحاجات ديه محدش بيهتم بيها وبالعكس ممكن اللى يخش ميبقاش عندة خلفيه عن الموضوع فاحسن حاجة انك تختار عنوان يدل على محتواه سواء سؤال او معلومة علشان اللى بيتابع يخش بهدف الافادة

اما عن سؤالك فالمساعدين من الحاجات اللى بتختلف حسب الاستهلاك عادة بيتكشف عليهم كل 20 - 30 الف كيلو وممكن يتغيرو كل 50 الف فى الاستخدام المتوسط لكن ده حسب الاستخدام زى ما قولت وممكن جوز قدامنى يتعب اكتر من الورانى والعكس حسب الاستخدام برضو فالخلاصة سيبك من كلام المصنع وغيرهم بعد الكشف لو لقيتهم تعبو
وبالنسبة للسعر معرفش بالظبط والاماكن لو حضرتك من القاهرة هتلاقى موزعين قطع غيار كورى فى كل حتة وبالاخص شارع دمشق روكسى - مصر الجديدة - او التوفيقيه رمسيس

[eng/walaaeldeen]

السلام عليكم
في التوفيقيه اول الشارع من ناحية رمسيس على ايدك الشمال وانت داخل الشارع محل بيبيع مساعدين فقط ستجد عمدهم كل الأنواع تقريبا
والله المستعان

[الكردي2000]

حضرتك ممكن من الحرفيين سواء استيراد أو جديد , حاجات الكوري هناك في كل حته , بس لو هتشتري استيراد لازم تلف لفه كويسه لان الاسعار مختلفه جدا من محل للتاني
بالنسبه لموضوع تغير المساعدين فأنا بغيرها لما تبوظ مش بعد مده معينه يعني لانها مش بوجيهات ولا فلتر هواء