|
لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
|
أدوات الموضوع |
#1
|
|||
|
|||
عنواين و اسعار قطع غيار لادا سمارة
العربية لادا سمارة عربية جميلة تجمع بين المتانة والقوه والتصميم الجميل فهى من حيث الصاج والمتانة فهى عربية تستحمل الجهد الشاق ومتطلبات شوارعنا والعربية انعم بكتير من الادا 2107 العادية المنتشرة لانها على كبالن ودريكسونها اسكاترا انعم بكتير من الاسكودا والشاهين مثلا بالنسبة لقطع الغيار انتشر عنها انه حاجاتها غالية او مش موجودة مش عارف ليه مع ان كل حاجاتها موجودة وفي منها الصينى والايطالى والروسي والتركى واسعارها اقل من الفئة بتاعتها يعنى مثلا الاكصدام ب 180 الصينى و ب 270 الايطالى و تيل الفرامل 40 تركى فى الشاهين ب 55 وعندك بلية العجلة 40 ايطالى فى الشاهين 60 تركى و جوز كبالن ايطالى 240 والصينى 180 يعنى قريبة من 128 وعندك سير الكاتينة الروسى الاصلى ب 55 و الفانوس صينى بس كويس 80 و جوز الطنابير 160 ايطالى والشاهين 320 تركى والشبكة ب 35 جنيه يعنى حاجتها كلها فى الرخيص والمحلات قلى بتبيع قطع غيارها
1 - عندك حمدى لادا فى التوفيقية وفى شارع دمشق 2- عندك سيد نصار فى التوفيقية 3- عندك احمد محرم فى عين شمس وامين جدا وانا بجيب منه كل حاجة ارخص واحد وانضف حاجة 4- عندك المركز الروسى فى التوفيقية برده وحاجتهم كويسة 5- اوتو لادا فى التوفيقية برده 6 - ربيع لادا فى جسر السويس وشركة لادا استعانت بشركت فلوكس واجن الالمانية فى تصنعيها والعربية شهدت روجا كبير فى اوربا عن الادا 2107 العربية دى بدات انتجها 86 لغاية 2003 طبعا فى اختلافات فيها من كل موديل من 86 الى 91 نفس الموتور ونفس التصميم من موديلالى92 اتعدل حاجات فى الموتور وزاد الهورس باور من موديل 94 اتعدل جزء صغير من الهيكل الخارجى البودى وهو الجزء بتاع الكبوت قلى معاه سمارة حيعرف الجزء ده من موديل 2000 اتعدل الموتور من كربراتير الى انكيجشن ومن موديل 2003 اتعدل الفوانيس والشبكة الامامية و التابلوه مع تغيير فى هيكل العربية تماما ونزل منها فئة السيدان و تنتج الى الان اخيرا المواتير بتاعتها رخيصة فى بورسعيد والوكالة و عزبة شلبى يعنى ممكن حضرتك تجيب ماتور كامل حالتة تمام 2500 بالفتيس بتاعه بكا مشتمالته وعلى فكرة العربية دى منتشرة فى تركيا واليونان جدا زى الشاهين ياريت اكون وصلتلكم اى معلومة صغيره عنها وانا فى الخدمة ptmnlo123per122 التعديل الأخير تم بواسطة aboelesaad ; 11-05-2011 الساعة 02:42 PM سبب آخر: تعديل العنوان للتسهيل في محركات البحث |
#2
|
||||
|
||||
رد: معلومات عن لادا سمارة
الف شكر على المعلومات الجميلة
|
#3
|
||||
|
||||
رد: معلومات عن لادا سمارة
طب كنا عاوزين نعرف عيوبها بتستهلك بنزين ولا لا افضل موديل منها الحوض بتعها كويس يعنى مش زى حوض ال128 بيفتح وبيشرخ العفشة بتعتها على بيض زى 2107
وشكرا |
#4
|
|||
|
|||
رد: معلومات عن لادا سمارة
اولا سمارة لا تقارن بال 128 او حتى الريتمو لان الاثنين شاسيهم مصمم على علب فا مع القرص والشد والمطبات ممكن يفتح وحتعيش فى لحمات لكن السمارة شاسية حديد زى قضبان القطر حته واحده وعلى فكره هى نفس شاسية الجولف 2
لانهم استاعنوا بشركة فلوكس واجن فى تصميمها و وهى مش على بيض زى 2107 لا على كبالن واستهلكها فى البنزين معدله كويس بس ما بينفعش معاها بنزين 80 لان الكاربراتير بتعها حساس جدا على الاقل 90 واى سؤال انا فى الخدمة |
#5
|
|||
|
|||
رد: معلومات عن لادا سمارة
شكراجزيلاولو سمحت ادامى لادا سمارة م87 تعمل كام سعر
|
|
|