نظره على الأحداث

[MmFFoR]

يا رب يكون ضميركوا ارتاح بعد ما عرفتو ا ان خوفكوا و سلبيتكوا ليها اسبابها المقنعة و هي ان جميع من في التحرير هم مجرمين و بلطجية و مأجورين و ذوو اجندات اجنبية و عملاء و خونة و ليبراليين و علمانيين و يهود و شيعة

(وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا)

المفاجاة : التيارات الاسلامية السلفية اعلنت تأييدها للاعتصام و رفضها للي بيحصل من المجلس العسكري

و المفاجاة الثانية : الاخوان المسلمين اعلنوا نزولهم

يبقى انتوا من الاخر بتأيدوا طنطاوي و..... و طنطاوي و بس

و شكرا ليكم على تأييدكم لقتل اخوانكم المسلميين و المصريين

انتوا تستحقوا مصر... اللي هما عايزينها ليكوا - لكن احنا نستحق مصر اللي بنحلم بيها

[abu_ruqayyah]

المشاركة الأصلية كتبت بواسطة MmFFoR الثوار اللي في التحرير خونة و عملاء و انتوا الوطنيين

يا باشا والله لأ انت بتحب مصر واحنا عارفين وكمان اغلب اللى فى التحرير بيحبوا مصر واحنا كمان بنحبها بس لازم الكل يفهم اننا شعب واحد فى وطن واحد واذا اختلفنا فدا عادى ولازم الاختلاف فى الراى يطلع بينا لقدام عشان ربنا يكرمنا وكمان بما ان مصر دولة كبيرة ومهمة وفى منطقة حيوية فلازم الكل يبقي واعى وما يشلش من راسه فكرة المؤامرة عليها لازم نفكر فى كل حاجة قبل ما نعملها ونشوف هل هى فى مصلحتنا ولا لأ .........واللهى انا مع الثوار ومع ابداء رأيهم فى شكل مظاهرات سلمية لكن اشوف ان الوقت لا يسمح بذلك لاننا داخلين على انتخابات ولو فرضنا ان بعض القوة منها الجيش كمان من مصلحتها تعطل موضوع الانتخابات فلازم احنا كشعب كلنا نفوت الفرصة على الناس اللى عايزة تحجر على الشعب وتبقي واصية عليه والشعب ما انتخبهاش ( مهو يعنى ايه تشكيل حكومة ومين اللى هيشكلها المتظاهرين يعنى ؟؟ دا افضل ولا لما احنا كشعب نشكلها ونختارها !! ويعنى ايه مجلس رأسي مدنى ومين اللى هيعينوا الثوار ؟؟ ولا لما احنا نختار رئيسنا احسن !!) وبس وياريت تفتكر كمان مره انى بحبك وبحب مصر وروق دمك كدا شوية

[مادا]

يا استاذ ممفور انت لسه مجوبتش عليا ايه طلبات الناس اللى فى الميدان دلوقتى وتبع اى حزب ينتمون

[MmFFoR]

الغاز المستخدم من قبل الخيش و الامن هو غاز CR Gas
و يتسبب في الاختناق و التهاب الانسجة الجلدية و يسبب الحرقان و عمى للابصار

تم استخدامه عالميا مرتين فقط مرة في جنوب افريقيا اثناء الفصل العنصري و قد استخدمه البيض ضد السود
و مرة اخرى استخدمته القوات البريطانية ضد الانفصاليين الايرلنديين
اعلنت الولايات المتحدة اواخر عام 1980 ان الغاز مصنف من ضمن الاسلحة الكيماوية المحرمة دوليا !!

[AbOnOrA]

فيديو واضح من وسط قوات الامن المركزى يثبت استخدام مختلف الاسلحة النارية والطوب والغازات واستهداف الرأس والعين والاستعانة بعناصر بزى مدنى لتادية دور البلطجية وقت اللزوم

http://www.youtube.com/watch?v=BYkUm9c0DKg

اللى عايز يفضل عميان هو حر انا نازل اليلة التحرير