نظره على الأحداث

[ahmad2]

الفوضى والبلطجة وقلة الأدب (فعلا وقولا وتحريضا)أصبحت هدف واضح لأصحاب النفوس المريضة والنوايا الخبيثة .وطبعا ذلك يستلزم البحث عن أي أسباب مقنعة لتبرير سلوكهم المعوج ((دماء شهداء - تأخير انتخابات وأحيانا تبكير انتخابات أيضا لمصلحة الاخوان (طبقا للموقف) - محاكمة النظام السابق - غياب الأمن وأحيانا استخدام القوة (برضه طبقا للموقف) - حقوق مصابي الثورة - ... )) وطبعا لن تنتهي الأسباب واللذي يبحث جيدا سوف يجد مبتغاه... المهم أن يكون هناك أسباب حتى لا يكون النزول للتظاهر بهذا الغباء .

[مادا]

فى ناس كتير عجباه اللى بيحصل من فوضى وخراب ويعتبره بطوله يبقى ربنا يستر على مصر بكره البلطجى انعطيله جائزة الفرسان والخائن العميل ايبقى ملك او رئيس على العموم . لو ضاعت مصر متلموش الا انفسكم وذنبها ايبقى فى رقبكم ..

[abu_ruqayyah]

ممكن اقول رأى يا شباب .....
اولا وقبل اى حاجة احب ابدى اعتراضي على اسلوب التحاور الغير راقي الذى نتحاور بيه واننا لازم نفهم يعنى ايه حرية ويعنى ايه ديمقراطية ونفرق ما بينهم ، دلوقتى احنا 10 بنى ادمين انا بقول رأي وطلع واحد تانى بيقول رأى مخالف فانا بقول أدلتى وهو بيقول أدلته بكل ادب وبكل هدوء واحترام ، ومش معنى انى بقول رأى وبحط أدلتى يبقي انت لازم تقتنع بالادلة دى وبرأى الشخصي وبرضو مش معنى ان انت بتقول رأيك وبتقدم أدلتك ان انا اقتنع برأيك وبأدلتك .......دي الحرية
اما الديمقراطية بقي اننا نحتكم لرأى الثمانية بنى ادمين التانيين بمعنى اننا نجري تصويت او انتخابات و الرأى اللى هيغلب ( سواء رأيك او رأى ) سوف يتم تنفيذه عليا وعليك مش بقي بعد ما ناخد رأى الاغلبية ليكن مثلا 5 مع رأى و 3 مع رايك تروح انت واخدهم على جنب وتقول مش لاعب ( وتقول لأ انتوا بتخموا ......هو احنا بنلعب !!)........دى الديمقراطية

ثانيا لازم كلنا نفترض حسن النية فى الجميع سواء اللى فى ميدان التحرير او الناس اللى فى شغلها لان الكل فعلا بيحب مصر ، وانا طبعا مع الثورة وكنت مع ضرورة ازالت النظام الفاسد السابق ( والجيش معترف انه كان نظام فاسد برضو) المهم ...
احنا – كأشخاص معارضين للتظاهر واحتلال ميدان التحرير يعنى – نرى ان هذه التظاهرات فى هذا الوقت بالتحديد يضر بمصلحة مصر والامن القومى حتى قبل ما تحصل صدامات بين الشرطة والمتظاهرين ...
ومعلش خلونى اكون صريح شوية وتقبلوا صراحتى .....ليه ما حصلش اى صدامات بين الشرطة والمتظاهرين يوم الجمعة !!! حد فكر ليه ما حصلش !! من وجهة نظرى المتواضعة : ان المجلس العسكرى و الحكومة عارفة ان دا حق مشروع مادام هو يوم عطلة رسمية ( باستثناء الناس اللى بتقضي مصالح يوم الجمعة فمش مهم قوى يعنى لان المعترضين عددهم اكبر فعادى خلاص ماجتش على يوم هيتعطلوا فيه ) طيب ويوم السبت !!!!! القطاع الخاص وبعض الحكومة بينزل يوم السبت ومعنى اننا نعمل تظاهر فى ميدان التحرير او اعتصام يوم السبت فدا تعطيل والقانون يجرمه ومادام القانون يجرمه يبقي لازم الشرطة اللى بتنفذ القانون تنفذ القانون والغلطان يتم التعامل معاه .........وسمعت احد الاخوة السلفيين فى التليفون على قناة الحياة بيقول اننا يوم السبت كنا واقفين وكان معانا رتب بتتكلم ( رتب فى الداخلية يعنى عمداء و مقدمين ولوءات وكدا يعنى ) وفجأة وبدون سابق انذار الأمن المركزى بدأ يضرب فى الناس ...الكلام دا مش بيثير تساؤل !!!! ازاى رتب واقفة فى وسط الميدان وازاى يأمروا بضرب المتظاهرين وانا اعتقد انهم لو كان فى نيتهم ضرب المتظاهرين كانوا قاعدوا فى مكاتبهم واعطوا اوامر الضرب لكن المهم خلينا على الحيااااااااااااااااااااا ااد وهنقول ان انا ما شفتش مين الغلطان يبقي ازاى انزل اناصر واحد على واحد مش يمكن المتظاهرين غلطانين !! او الشرطة !! بس اللى انا متأكد منه ان لو الشرطة اللى بدأت باستخدام العنف يبقي لابد ان تعاقب على ما فعلت وانه لو كان المتظاهرين هما اللى بدأوا يبقي سورى يستاهلوا اكتر من كدا بكتير وان الشرطة لازم تنشف شوية والجيش لازم يبقي حازم اكتر فى الحفاظ على تنفيذ القانون ..

ثالثا بقي ودى عبارة عن دليل بالمنطق تدعونا لعدم التظاهر فى هذا الوقت :
بنقول يا جماعة يا متظاهرين المظاهرات فى الوقت دا هتعطل الانتخابات ...وهترجعوا تشتكوا الا هو ليه ماحصلتش انتخابات !! من الاخر هنقتل القتيل ونمشي فى جنازته يعنى !
وبنقول يا جماعة الشرطة ابتدت والحمد لله تقبض على هاربين وبلطجية وكل يوم بنسمع القاء القبض على اشخاص خارجين عن القانون وان يا ناس ياهووووووووو فى ناس عايزاها فوضي بدليل اللى بينشر فى الصحافة وفى الاعلام ( انهردا فى المصري اليوم : مئات المواطنين يحاولون اقتحام مركز شرطة العدوة بالمنيا لتهريب متهم .....طب دا ينفع وهى دي مظاهرة ولا حرية ! ).

وبنقول يا جماعة فى ناس بتستغل التجمعات الغفيرة بتعتكوا وبتسرق وبتعمل بلاوى وانتوا مش واخدين بالكم ( مهو انت عمرك ما هتشوف نشال يروح يقف ورا واحد واقف لوحده فى الشارع لكنه بيطلع الاوتوبيس لانه زحمة , وعمرك ما هتشوف بلطجى او سريح او حرامى يكسر محل فى وضح النهار الا فى تجمعات زي دي )
رابعا ( نظرية المؤامرة ) الثوار بتقول ايه التخريف دا ومقتنعين تماما بأراء اشخاص معينين كلامهم دخل دماغهم و بيصروا عليه وان مافيش حاجة اسمها مؤامرة وان احنا اللى بنعمل كدا ودا نابع من جوانا احنا .......جميييييييييييييييي يييييل ......طيب حد فاكر القرأن ! وخطاب ربنا لينا (لتجدن أشد الناس عداوة للذين آمنوا اليهود والذين أشركوا ولتجدن أقربهم مودة للذين آمنوا الذين قالوا إنا نصارى ذلك بأن منهم قسيسين ورهبانا وأنهم لا يستكبرون) وطبعا فى تصورى ان اليهود معروفين والذين كفروا هما الملحدين امثال بعض اعضاء 6 ابريل ربنا يهديهم واحدة منهم عاملة مدونة ومتصورة فيها وهى ملط زي ما امها ما ولدتها و النصارى عارفينهم ومعاشرينهم ، فلو احنا مؤمنين بكلام ربنا هنتاكد فى ناس بتتأمر علينا وعايزنا نخرب بلدنا ......

انا تعبت هبقي اكمل بعدين بس ليا تعليق صحيح بمناسبة كلمة شهداء اللى بنرددها كتير ياريت نعرف كمسلمين معنى كلمة شهيد الاول ونعرف ان شهيد او غير شهيد دي حاجة هنعرفها لما نروح لربنا كلنا يوم القيامة لان فى اشخاص قاتلوا فى سبيل الله وسيلقى بهم الله فى النار لانهم ارادوا بذلك ان يطلق عليهم لهم شهيد وقد قيل ..

[مادا]

مبروك عليكى يا مصر مجلس مدنى برئاسة البرادعى .. برافوا عليكم (( مبروك عليكى البرادعى يا مصر )) وحسبى الله ونعم الوكيل والله لتسألن عند الله عن ما فعلمتوا فى مصر اتعرفوا بعد كده انتوا عملتوا ايه فى مصر والعرب والاسلام ..

[MmFFoR]

و الله البرادعي احسن مليون مرة من كلاب مبارك