نظره على الأحداث

[مادا]

المشاركة الأصلية كتبت بواسطة MmFFoR فعلا الرجالة الحق نزلوا و مفاضلش الا ....

شكلك عجبك اللى بيحصل فى التحرير عجبحك الناس اللى بتموت عجبك الفوضى اللى مصر فيها عجبك البلطجيه اللى يبخربوا فى البلد فعلآ الرجاله نزلوا التحرير.. طب ممكن اسالك سوال هما نزلوا التحرير ليه ايه الهدف من نزولهم بالشكل ده علشان لو اقتنعنا بكلامك ممكن ننزل معهام علشان نكون رجاله زيهم

[مادا]

المظاهرين كانوا يريدون حريق بنزينه فى سموحه بالاسكندرية يا ناس اين الرجوله فى كده يا ناس حد يفهمنى اللى بيحصل ده ثورة ولا تدمير للبلد يمكن انا فاهم الرجوله غلط حد يفهمنى الناس دى بتحب بلدهم ولا بتخرب فى بلدهم

[د.كمال]

شكرا لكل الأخوه الافاضل المشاركين فى الموضوع

[MmFFoR]

اقولك الاسباب؟
1- المجلس وعد بتسليم السلطة لرئيس منتخب و مجلس شعب منتخب قبل 2012 و كذب
2- مصابين الثورة لم يجدوا الاحترام و الرعاية الطبية بينما مبارك يحظى برعاية 7 نجوم
3- لم تتم محاكمة مبارك على مدى 10 اشهر مع انها قضية جنائية الحكم فيها لا يتجاوز ال 6 اشهر
4- ماذا حدث لمحاكمة العادلي؟
5- اين الامن المنهار اللي كانوا بيغنوا بيها على مدى 10 اشهر من سرقة و نهب للمصريين و كل ما تتكلم يقولك مش انتوا اللي دمرتوا الشرطة و فجأة النهاردة لقينا شرطة مجهزة عدة و عتاد يدخلها حرب مع دول اخرى مش حفظ امن فقط!!!
6- فحص العذرية اللي ذلوا بيه بنات مصر و بعدين وعدوا بالتحقيق و تم حفظ التحقيقات!!
7- الاقتصاد اللي انهار على مدى 10 اشهر!!
8- كرامة المصريين اللي لسة بتهان في كل دول العالم و اداء المجلس صفر!!! لدرجة ان تركيا هي اللي كانت بتجلي المصريين من ليبيا اثناء قتل القذافي ليهم!!!
9- ازمات اقتصادية طاحنة مثل ازمة انابيب البوتاجاز و ازمة البنزين و ازمة الخبز التي الغرض منها عقاب جماعي للشعب المصري!!
10 - التلاعب و المماطلة في كل قضايا الفساد التي يحاكم فيها مسؤولين سابقين

اقولك كمان؟

و في الاخر يطلع بكل برود و اسفاف و حقارة و قذارة و بلادة و يقول انتخابات الشعب تتعمل في شهرين و تنعقد بعد شهرين كمان و بعدين نبقى نتكلم على انتخابات رئاسية بعديها بسنتين!!!

و ثم ايه الوثيقة الفوق دستورية اللي بيمنح المجلس العسكري صلاحيات تفوق الدولة بكل اجهزتها!! ده تستر على مجرمين و لصوص و هما عندهم استعداد يحرقوا مصر كلها بس ميتفضحوش فضيحة المتطاهر لان الجميع عارفين مدى فساد اعضاء مجلس السمكرية!!

[akefpop]

المشاركة الأصلية كتبت بواسطة د.كمال تحياتى ليك ياأستاذ أحمد ولكن اسود الميدان من السلفيين والاخوان تركوا الميدان بعد مليونيه الجمعه وماتبقى هم الباعه الجائلين ومجموعه من الفوضجيه ومن يريدون الرجوع بنا إلى الوراء وعدم إتمام العمليه الإنتخابيه وتظل البلد فى حاله فوضى وإنفلات . الخسائر بسبب ماحدث من فوضى بلغت 5 مليار جنيه . منطقه نص البلد دمرت تماما وتكسير محلات وتدمير سيارات خاصه لمواطنين وتدمير منشأت عامه ......كل ده فى صالح مين .

الثوار المناضلين دخلوا على مول البستان ودمروه تماما وكمان شركة بنها للصناعات الاليكترونيه اللى فاول شارع طلعت حرب من ناحية التحرير والغريب انهم مكانوش بيسرقوا حاجه بالرغم من ان هناك اجهزه كهربائيه واليكترونيه و مئات من اجهزة اللاب توب وشاشات ال سى دى تقدر بالملايين
كان كل هدفهم الحرق والتدمير وبس .. منطقة وسط البلد بدت وكان اصابها زلزال او قصفت بالقنابل .. الحرائق والتدمير فكل مكان .. والالاف من زجاجات المولوتوف فى ايدى اشخاص ملثمين ..
اصابات فى صفوف ضباط وجنود الشرطه معظمها حروق من الدرجه الثالثه والرابعه
تدمير سيارات الشرطه
حتى ارصفة الشوارع لم تسلم منهم
ولم يقف الامر عند هذا الحد بل تعداه الى تدمير الممتلكات الخاصه للمواطنين من سيارات ومحلات
مما دفع اصحاب المحلات الى تركها مفتوحه والهرب من هذا الجحيم للنجاة بارواحهم واصبح المواطن يشاهد من شرفة منزله سيارته وهى تحترق اسفل العماره التى يسكنها ولا يستطيع ان يفعل شيئا !!!
من هؤلاء ؟ وماذا يريدون ؟ ولماذا هذا التدمير والتخريب ؟ والاهم لمصلحة من ومن يدفع لهؤلاء لكى يفعلوا ما يفعلوه ؟ ولماذا يدافع عنهم الاعلام الخاص بهذه الشراسه وينتقد كل من يحاول ان يفهم او حتى يسأل؟ ومن يوجة هذا الاعلام ويدفع له حتى يقول ما يقول ؟