عاوز ميكانيكي كويس في 6 اكتوبر

[khaled_1380]

سلامو عليكم
عندي اسكودا فيليشيا كومبي 97
حد يعرف ميكانيكي كويس في 6 اكتوبر بس بيفهم كويس في الاسكودا مش كفتجي يعني

[megaman]

سيبك من اى ميكانيكى فى اكتوبر وعليك وعلى ميكانيكى فى المهندسين شارع شهاب بجوار سبورتس مول ميكانيكى كويس بيشتغل فلا كل انواع العربيات واسعاره عاديه جدا وعن تجربه معه من كذا سنه فى كذا عربيه هو على الشارع الرئيسى وشغله سريع

[ABO_MAREM]

انا معايا نفس العربية بتاعتك بس 96 وطلعت عين الى جبونى عند ميكانيكيه وصرف لانى كل ما اروح لصناعيى يفتى فى امها لحد اخر واحد فى اكتوبر برده تعبنى وكنت دفعت فلوس والله بس سبتها ومش عايزها ورحت كملت الشغل عند واحد اسمه اسطه رجب فى القوميه لقيته من خلال محل قطع غيار اسكودا . كتر خيره لما لاقانى دايخ قالى وديها لمكينيكى اسكودا مش اى ميكينيكى وعطانى رقم اخونا دا المهم رحت له وانا بشمشم على كل كلمه بيقولها علشان اعرف هو حمار ولا بيفهم . وبصراحه حسيته حافظ ام العربيه حته حته وعمل لى الشغل كله والعربيه بقت تمام

وقال لى امشى عليها الف كيلو وتعالى اقرط على الربط بتاع وش السلندر

بس هو فيه عيب اخذت بالى منه واظنه مشترك مع معظم الصنيعيه فيه انه يقول لك غير واشترى استيراد وهات ومش عارف ايه وبكام بس لما حس انى مش حصرف ومش معايا اتلم وظبط بس هو فعلا بيفهم

[ABO_MAREM]

لو عايزه انا حروح له كمان شهر كده ولا حاجه ممكن تجى معايا
ولو مستعجل انا ممكن اروح معاك مخصوص ودى خدمه والله لله مش لى مصلحه . بس انا علشان حاسس بلى انت فيه