كيف توفر وقود سيارتك؟

[مهند سالم]

أنا العربية عندي كان فيها مشكلة، الموتور بيوطى ويعلى، وبالتالي كل ما أدوس فرامل جامد شوية العربية تبطل، وكذلك لو خدت ملف جامد شوية، وتعبت جدا رحت لبتاع الكاربيراتير وعليت الكاربيراتير وغلبت، وفي الآخر بعد ما شفت الموضوع ده إمبارح خطر في دماغي موضوع فلتر الهوا، وبالفعل وأنا مروح من الشغل شلت فلتر الهوا، والدنيا الحمد لله اتظبطت والموتور بق مية واحدة، ناقص بس أحسب استهلاك البنزين بعد ما أشتري فلتر جديد إن شاء الله

[Jemmy]

المشاركة الأصلية كتبت بواسطة مهند سالم معقول لو فلتر الهوا قديم العربية تستهلك بنزين، طيب ممكن نعرف الفكرة. هل مثلا لما بيقدم بيحجز الهوا بالكاربيراتير ياخد بنزين زيادة عشان نسبة الهوا قليلة، ولا إيه؟؟؟؟؟؟؟

السبب فى ذلك يرجع للآتى:
عندما يكون فلتر الهواء نظيفا يكون مرور الهواء من خلاله سلسا فتمر الكمية المناسبة من الهواء ثم يختلط بها الكمية المناسبة من البنزين.
عندما يتجمع التراب فى الفلتر فانه ينسد جزئيا فيمر الهواء فيه بصعوبة وبالتالى يصبح ضغط الهواء بعد الفلتر اقل من الطبيعى وهذا الضغط المنخفض يعمل على سحب (شفط) البنزين بقوة اعلى من الطبيعى فيتسبب فى خلط الهواء القليل الذى استطاع المرور من الفلتر المسدود بكمية كبيرة من البنزين وبذلك لا يجد هذا البنزين كمية كافية من الهواء اللازم لحرقه فلا يحترق كله ويخرج مع العادم من الشكمان فى صورة ادخنة سوداء مما يتسبب فى ارتفاع استهلاك البنزين.
ارجو ان يكون التفسير واضحا واسلوبى مفهوما