رد: التحايل "الاخوانى"!!
على اسم مصر
مصر النسيم في الليالي وبياعين الفل ومرايه بهتانة ع القهوة .. أزورها .. واطل الاقى النديم طل من مطرح ما طليتوا لقاها برواز معلق عندنا في البيت القمر مصطفى كامل حبيب الكل المصري زي الباشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت ان مصر عمرها ما هتعرف الذل.
صلاح جاهين
التاريخ يقدر يقول ما شاء وأنا مصر عندي أحب وأجمل الأشياءباحبها وهي مالكه الأرض شرق وغرب وباحبها وهي مرميه جريحة ف حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر.
صلاح جاهين
|
12-12-2012, 02:19 PM
