عايز اعرف رايكم ف شيفروليه كروز 2016

[محمد عبدالعاطي عمارة]

او سمحتم عايز اعرف انا عايز اشتروي كروز 2016 الجديده تنصحوني بايه

[AbOnOrA]

انصحك تحدد الميزانيه قصاد متطلباتك وطبيعة استخدامك واولوياتك وتقارن بين ابلدائل كلها وتقعد فى كل عربيه وتقراء المواضيع والتجارب السابقة من ملاك العربية ومشاكلها وعيوبها

فتقول انا ميزانيتى من كذا لكذا بناء عليه هنقولك يبقى البدائل مثلا كروز والرينو فلوانس والنترا وسيراتو وكرولا
هتقول انا طبيعى استخدامى مشوار يومى 15 - 20 كم فى المتوسط واولوياتى شغال مدير فى مجال كذا ومحتاج عربيه شيك ومميزة اكتر فنقولك اه والله الفلونس تبقى انسب لاحتياجك علشان وتصميم فرنسى وابعاد مميزة وكذا وكذا
او لو استخدامك اكتر من كده شوية ومش مهم التميز فنقولك اركب سيارة الشعب الالنترا او قرينتها السيراتو وسيبك من الكروز او عايز استخدام وعمليه اكتر وتميز ومش مهم الميزانية يبقى الكرولا او الفانتازيا
استخدامك اسره وسفريات وشيل وحط وطرق مكسره يبقى ولا حاجة من دول ومحتاج عربية عالية زى التريوس وهكذا حضرتك بدل ما تكرر سؤالك فى اكتر من موضوع اتعب واكتبلنا سطرين تلاته تشحلنا فيهم طلبك علشان نفكر معاك اكتر وافضل وطبعا تبحث فى المواضيع والتجارب السابقة وتقراها علشان تكون صورة اقرب للكمال من انك تاخد راى شخص واحد او اتنين فى موضوعك بس

[aymanlaw]

الراجل حابب الكروز وهو بيسأل عن اخر إصدار ليها وطبعاً اكيد سمع عن مشاكل النسخ الأقدم مثل الفتيس وسحب العربية الخ ,وفى ناس بتقول ان الموتور تم تغييره بموتور ابول استرا ,اعتقد هو عايز إفادة بهذا الخصوص لكن ابو نورا توه الراجل ,وانا اعتقد صعب انه يتم تقييم هذه السيارة الأن إلا إذا كان هناك متخصص بجد وشرح موضوع الموتور اما عن إنتريور ديزاين فهى هى متغيرش فيها حاجة اما من الخارج تم تغيير الشبكة الأمامية وفوانيس الشبورة والأكصدام الخلفى مع الفوانيس الخلفية ده كل التغيير الملحوظ ...