|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
13-09-2012, 03:20 PM
|
||||
|
||||
تــعـــالـــوا نــعــرف ايــه هـي (التقويات أو المدعمات) وكــيــفــيــة عــمــلــهــا بالصور
بسم الله الرحمن الرحيم انهاردة انا هتكلم عن حاجة معرفش حد اتكلم عنها بشكل مفصل و عن طريقة عمل القطع ديه قبل كده هنا ولا لأ و هي (التقويات أو المدعمات) في ناس كتيير تسمعها و متعرفش ايه هي اساسا و طبعا في ناس عارفينها الأول لازم نعرف ايه هي الـــ (التقويات أو المدعمات) بداية العربية فيها 4 عجلات و 4 ممتص للصدمات (المساعدين ) لما العربية تمشي ع طريق واعر (مكسر و مليان مطبات و حفر و الحاجات الحلوة اللي متعودين عليها) فمهمة ممتص الصدمات (المساعدين) انها تمتص الصدمة ديه و هيكل العربية مش بيبقي قوي لدرجة انه يساعد ممتص الصدمات ع امتصاص الصدمة بشكل كامل فلما تحصل الصدمة بيتم امتصاصها عن طريق الهيكل طبعا اللي بيؤدي ان الهيكل بيثني و مع مرور الوقت الهيكل بيتبهدل و الحل للموضوع ده الـــ(التقويات أو المدعمات) و هي عبارة عن اجزء بتتركب علي بعض الاجزاء في العربية ( زي ع الشاسيه - - جوانب العربية - الشنطة ...الخ ..الخ ) بحيث انه بيخلي ممتص الصدمات (المساعدين ) يؤدي مهمته بشكل ممتاز و في نفس الوقت بدون التأثير ع هيكل العربية و بيقويه فبيحافظ ع الشاسيه بالاضافة لأنه بيزود ثبات العربية في المنحنيات و الغرز نبتدي الشرح لبعض القطع ديه بالصور اولا : الـــ Strut Bar و الـــ Lower Arm Bar أ- بالنسبة للصدمات قبل تركيب الــ Strut Bar و الـــ Lower Arm Bar  واخدين بالكم لما تحصل الصدمة ايه اللي بيحصل ازاي ان الهيكل بيستقبل الصدمة. بعد تركيب الــ Strut Bar و الـــ Lower Arm Bar  بعد تركيب القطعتين دول ملاحظين لما بتحصل الصدمة ايه اللي بيحصل ممتص الصدمات (ذ ) بيؤدي مهمته بشكل صحيح بدون ما يأثر ع الشاسيه و هيكل العربية. ب-بالنسبة للدوران يمين او شمال قبل تركيب الــ Strut Bar و الـــ Lower Arm Bar  لاحظوا لما نيجي نلف يمين مثلا ايه اللي بيحصل للجزء الشمال القوة و الوزن كله بتتركز فيه و بيؤدي ان اللفة تكون يمين اكتر من الازم فبيأثر ع التوازن و الثبات. بعد تركيب الــ Strut Bar و الـــ Lower Arm Bar  بعد التركيب هنلاحظ ان القوة و الوزن بيتوزع و اللي بيؤدي لزيادة الثبات و التوازن. ------------------------------------------- ثانيا : الــ Fender Bar قبل تركيب الــ Fender Bar  هنلاحظ انه قبل التركيب ان الصدمة اللي هيستقبلها الهيكل الامامي هتكون مؤثرة و اللي بعد كده هيؤدي لضرر الهيكل الامامي. بعد تركيب الــ Fender Bar  بعد تركيب القطعة هنلاحظ ان الصدمة هيمتصها ممتص الصدمات (المساعد ) بدون ما يأثر ع الهيكل الامامي . ------------------------------------------- ثالثا : Side Lower Bar قبل تركيب الــ Side Lower Bar  هنلاحظ اننا لما العربية بتمشي ع طريق غير مستوي بالشكل ده بيحصل نقل وزن بين مقدمة و مؤخرة العربية و بالتالي هيتأثر الجزء اللي في الوسط. بعد تركيب الــ Side Lower Bar  بعد التركيب هنلاحظ ان القطعة ديه بتعمل توازن و ثبات في نقل الوزن بين مقدمة العربية و المؤخرة و بالتالي هيقلل الصدمة للجزء اللي في الوسط و يحافظ عليه. ------------------------------------------- رابعا:Sway Bar \ Anti-Roll Bar قبل تركيب الــSway Bar \ Anti-Roll Bar  هنلاحظ قبل تركيب القطعة ان لما نيجي مثلا نلف يمين العربية كل وزنها هيتركز للشمال و بالتالي لما نيجي نعيد مستوي العربية تاني هيبقي الي حدا ما صعب و اللي في بعض الاوقات بيؤدي لا قدر الله لانقلاب العربية. بعد تركيب الـــ Sway Bar \ Anti-Roll Bar  بعد تركيب القطعة هنلاحظ ان حصل توازن لأنها بتمنع العربية من الانقلاب ع جنبها و بيقلل الدوران مع زيادة الثبات. و ديه صور لقطع الــ(التقويات أو المدعمات) لوحدها و و هي متركبة      و لمحبي الجين توو بقي و انا اولهم  عرفنا بقي ايه هي الــ (التقويات أو المدعمات) حد يسمعهالي بقي
ههههههههههههه منقووووووووووول من Axel  
|
|
#2
13-09-2012, 05:02 PM
|
||||
|
||||
رد: تــعـــالـــوا نــعــرف ايــه هـي (التقويات أو المدعمات) وكــيــفــيــة عــمــلــهــا بالصور
جد موضوع رائع وانا كان نفسي اعمل حاجه زي كده عندي في عربيتي لان معضم شغلي الاول كان في ابو رواش وهناك الطرق فيها مش ممهد نظرا لانها منطقه جديده وكمان كان لازم ادخل في مناطق جبليه علشان اخلص بعض مشاوير الشغل
انا حاسس بسبب الطريق ده عربيتي بقت خرده من شغل سنتين بس غير النقر اللي بتشوفها فجئه في وسط شوارعنا المحروسه ومبتلحقش تتفاداها فبضر العربيه اكبر ضرر فهل الموضوع ده يصلح لجميع السيارات لاني شوفت Fender Bar في بعض الصور انها راكبه لحام مش رباط واعتقد ان الحاجات ده علشان تؤدي وضيفتها بكفائه لازم تكون رباط لان الحام مهما كانت كفئته مع الخبطات هيفك تاني فياريت يكون منها انواع تصلح لجميع السيارات
__________________
|
|
#3
13-09-2012, 06:15 PM
|
||||
|
||||
|
رد: تــعـــالـــوا نــعــرف ايــه هـي (التقويات أو المدعمات) وكــيــفــيــة عــمــلــهــا بالصور
بجد موضوع جميل جدا وتسلم ايدك يايحيى
على فكره انت برغم انك صغير فى السن الا انك كبير وعجوز جدا فى القيمه الموضوع ده انا اول مره اسمع عنه أضم صوتى للاستاذ حبيب الناس فى موضوع ان مهمها كان لحام بيفك ولو مفكش البرومه هاتمشى فيه مع الوقت اعتقد ان الرباط هو اللى هايكون ممتاز النقطه التانيه هو بالرغم من انه هيحافظ على توازن العربيه والشاسيه الا انه هايهلك المساعدين والجلب والمقصات لان كده حمل العربيه كلها بنسبه 100 % على المساعد بكرر شكرى لحضرتك على المعلومات القيمه جدا والمناقشه مفتوحه
__________________
 أعتذر عن خطأ غير مقصود منى فى حق محمد تونسى
|
|
#4
13-09-2012, 06:20 PM
|
||||
|
||||
رد: تــعـــالـــوا نــعــرف ايــه هـي (التقويات أو المدعمات) وكــيــفــيــة عــمــلــهــا بالصور
ربنا يخليك يا باشا
ده من ذوق سعادتك وانا بقدر الامكان بحاول افيد الناس بكل اللى اعرفه سواء بمواضيع من انتاجى الشخصى او مواضيع منقوله \  : 12C186~161:
|
|
#5
16-09-2012, 02:16 AM
|
||||
|
||||
|
رد: تــعـــالـــوا نــعــرف ايــه هـي (التقويات أو المدعمات) وكــيــفــيــة عــمــلــهــا بالصور
100000
 للعبقرى المتميز دائماً السكندرى :يحيى اشرف
__________________
|
|
|
|
