انا عاوز اشترى عربيه ومحتار بين السراتو والكروز وال سولا تنصحونى بايه

[eskenderiya]

انا كنت محتار زيك بين السيراتو والكروز

بس بعد تجربة الكروز احسن بكتير وده موضوع كاتب فيه ملخص تجربتى للعربيتين

http://www.masrmotors.com/vb/showthr...t=25543&page=6

وربنا يوفقك للى فيه الخير

[بدر بسيونى]

السيراتو محرك اقوى ومنتشرة جدا والكروز شكل داخلى وخارجى قوى جدا وانيقة فلو ليك فى الجرى والسحب والشد السيراتو لو بتحب عربية انيقة وقوية يبقى الركوز بس انا شخصيا حختار الكروز وبالنسبة للسول عربية محترمة بس جديدة لسه واقل فى الانتشار من السيراتو والكروز وبالتالى قطع غيارها طبيعى جدا ان يكون سعرها اغلى من الاثنين

[YusufWahdan]

أنا لما اتحطيت في موقفك وكان قدامي غير ال3 دول كورولا وسيفيك بسعر مقارب واقل ... استخرت ربنا وشوفتهم كلهم والأكثر قوة وجاذبية وامكانيات غير محدودة كان في السيراتو ... والحمد لله اختياري كام موفق وبشكر ربنا عليه .. ومعايا سيارة في منتهي القوة والجمال

[مهند سالم]

شيل السيراتو من المنافسة؛ لأنها أقلهم، يبقى المنافسة الحقيقية بين الكروز والسول.
السول شكلها رائع وجديدة، ومن وجهة نظري عربية في قمة الجمال، لكنها جديدة وهيبقى قطع غيارها غالية شوية، لكن العربية دي هتنتشر في الفترة القادمة بلا شك.
أما الكروز فعربية أيضًا جميلة جدا وثابتة وأنيقة من الداخل، وإن كان موتورها أضعف شوية من موتور السيراتو؛ لكنها أفخم من السيراتو بلا شك.
فأنا لو مكانك هأتحير بين الاثنين دول، بس أنا ميال للسول، وطبعا لو مكانك هأريح نفسي وأستخير ربنا، وده طبعا مع كثير من البحث والسؤال والاستفسار من ملاك السيارتين. وشكرا ليك

[احمد شوغى]

المشاركة الأصلية كتبت بواسطة مهند سالم شيل السيراتو من المنافسة؛ لأنها أقلهم، يبقى المنافسة الحقيقية بين الكروز والسول. السول شكلها رائع وجديدة، ومن وجهة نظري عربية في قمة الجمال، لكنها جديدة وهيبقى قطع غيارها غالية شوية، لكن العربية دي هتنتشر في الفترة القادمة بلا شك. أما الكروز فعربية أيضًا جميلة جدا وثابتة وأنيقة من الداخل، وإن كان موتورها أضعف شوية من موتور السيراتو؛ لكنها أفخم من السيراتو بلا شك. فأنا لو مكانك هأتحير بين الاثنين دول، بس أنا ميال للسول، وطبعا لو مكانك هأريح نفسي وأستخير ربنا، وده طبعا مع كثير من البحث والسؤال والاستفسار من ملاك السيارتين. وشكرا ليك

يا اخى على اى اساس السيراتو اقلهم ؟؟؟؟؟؟؟؟؟؟ انا معايا كروز وركبت السيراتو احسن من الكروز 100 مرة