فولكس بولو 2001 1000cc بس!!؟؟

[wadmad]

المشاركة الأصلية كتبت بواسطة mohamed ibiza يا جماعه الموتور ال 1000 ده مش مكنه جباره بس هو محرك بتاع مدن و موفر للبنزين جدا و برضه يعتمد عليه لو حافظت علي صيانته انما فرق شاسع بينه و بين ال 1400 مثلا ال 1400 ده رزع فيه براحتك هيستحملك انما ال 1000 بطبيعته موتور صغير و ضعيف مش قوي !! و البولو تشيل معاك لحد 2000 سي سي مش هتقول لا يعني مش عشان نازله 1000 يبقي متشلش غيره و لو مش عاجبك ال 1000 هات مكنتها ال 1400 بفتيسها و سقطهم علي عفشة ال1000 و ضفيرته و هتلاقي تحت رجلك طلقه

انا فكرت فى كده فعلاً (موضوع تسقيط الموتور) و ناقشتة مع صديق ليا
قاله لأ طبعاً العربية مصممه انها تشيل 1000cc تقوم انت جايبلها 1400
و بعدين قالى كده اسمو عك من حيث اللعب فى العربية (تغيير موتور و فتيس)
و قالى احتمال اصلاً ماتشيلهاش و ده خلانى رجعت عن الفكرة دى
غير ان الموتور ال 1400cc بيقبى بتاع موديلات قديمة 1995-1999
فأرجو الافاده عن هذه الموضوع و شكراً

[wadmad]

المشاركة الأصلية كتبت بواسطة chingy سيدي الفاضل مين اللي قال ان البولو 2001 بتسخن دا كلام فاضي مع كامل احترامي لحضرتك العربية ما شاء الله عمرها ما سخنت معايا واكيد حضرتك بتتكلم علي عربيات هلكانة ومتهانة لان صعب جدا في ماتور البولو 2001 علي وجه التحديد والتكنولوجيا العالية الموجودة فيه بالرغم من انه 1000 سي سي انه يحصل الكلام فيه الكلام دا وانا اتحدي اي حد بالكلام دا دي عريبة الماني شركة فولكس واجن مش كوري والكلام الفاضي مفيش حاجة اسمها ماتور صغير عندهم يبقي بتسخن وجوان والفيلم دا وانا بقول الكلام دا لان الاخ عايز يشتري فلازم نكلمه بأمانة علي تجربة شخصية مش نقول ناس بتقول وسمعنا والكلام دا

افهم من كده ان حضرتك بتؤيد فعلا البولو 1000cc من غير تسقيط موتور و كده (طبعا بشرط الحاله) رغم ان الحاله هتكون مشكله بس ندور,,و هل دى هتحقق الطتطلبات اللى ناقشتها فى الرد السابق؟؟
و شكراً جزيلاً لك

[wadmad]

المشاركة الأصلية كتبت بواسطة tarek elbadry السلام عليكم البولو عربية جمدة بس التيوتا احسن بكتير نعمة واقتصادية فى استهلاك البنزين تكيفها جامد وقطع الغيار موجودة ورخيصة مقارنة بى البولو وبى التوفيقptmnlo123per1127

انا فكرت فيها فعلاً لكن انا مش ميال ليها من حيث الشكل و كده مع ان سعرها مناسب فياريت لو فى اى اقتراحات تانية و شكرا جزيلا ptmnlo123per148

[mohamed ibiza]

المشاركة الأصلية كتبت بواسطة wadmad انا فكرت فى كده فعلاً (موضوع تسقيط الموتور) و ناقشتة مع صديق ليا قاله لأ طبعاً العربية مصممه انها تشيل 1000cc تقوم انت جايبلها 1400 و بعدين قالى كده اسمو عك من حيث اللعب فى العربية (تغيير موتور و فتيس) و قالى احتمال اصلاً ماتشيلهاش و ده خلانى رجعت عن الفكرة دى غير ان الموتور ال 1400cc بيقبى بتاع موديلات قديمة 1995-1999 فأرجو الافاده عن هذه الموضوع و شكراً

بص يا باشا

اولا عربيتك مصممة انها تشيل لحد 2000 مش 1000 الشاسيه بيبقي واحد ستامبا واحده من الاخر يعني و المواتير هي اللي بتختلف و لو عربيتك متشلش مكنش عماد صاحبي سقط ال1400 في واحده زي بتاعتك و مكنش غيره سقط 2000 و في بيسقطوا اكتر من كده كمان

و عربيتك بينزلها موتور 1400 يعني مش هتجيب مكنة بتاعت موديل قديم ولا حاجة زي الابيزا 2001 برضه نزلت مصر هنا 1000 و 1400 بس ال 1400 قليل و اعرف ناس مسقطين فيها vr6 اللي هو 2800 سي سي و الشاسيه شايل و مقالش
لاptmnlo123per122

اسأل اهل الخبره يا باشا و ناس مجربين انما موضوع عربية مصممة علي 1000 سي سي ده غلط مليون % و اسأل الناس هنا و هيقولولك نفس الكلام

[waled]

عاوز اغير موتور العربيه البولو واجيب موتور 1400 هتفرق في الدئره الكهربائيه
السؤال الثاني
الكنترول بتاع 1000 يشتغل علي 1400