أجيب فيرنا ولا أزنق نفسي واجيب نيو اكسنت ؟ هل الفرق يستاهل؟

[mfa100]

انا رايى الفيرنا مناسبة لظروفك . ما تحملش نفسك مصاريف زيادة خاصة انك حاتستلف . بلاش ديون ياما على العربية صدقنى حاتتخنق منها قبل اول 10000 ك .
الفيرنا عملية و حمالة اسية و متجربة . و كمان انت حاتبيع انا شايف الفيرنا سوقها احسن و بتتباع بسهولة .
و فى حاجة تانية النيو اكسنت نازل لها هى و الالنترا اشكال جديدة 2011 .
خليك فى الفيرنا و بعد 3 سنين انشاء الله بيع و غير للاشكال الجديدة .
و ربنا يباركلك فى للى حاتشترية

[mfa100]

المشاركة الأصلية كتبت بواسطة viper_x52 ممكن حد يقولنا اسعار قطع الغيار في حدود كام و تيل الفرامل بكام مثلا؟؟

انا جبت تيل فرامل كورى للفيرنا من 4 شهور ب 45 جنية

[mido_4up]

ط§ظ„ظ†ظٹظˆ ط£ظƒط³ظ†طھ ظ…ط¹ط§ظٹط§ ظˆط§ظ„ط*ظ…ط¯ ظ„ظ„ظ‡ ظ…ط±ظٹط*ط§ظ†ظ‰ ط¬ط¯ط§

[الكشفى]

طبعا الموضوع يحتاج الى بحث ولكنى انا مشكورا قمت بالبحث والفحص والتمحيص وقد شكلت لجنة فرعية ايضاً لدراسة موضوعك وقد اخذت اللجنة الفرعية على عاتقها حل موضوعك وكونت لجنة منبثقة لسرعة الفحص والتمحيص والفحص والرد على اللجنة الفرعية بتقرير مستوفى الشروط وستقوم اللجنة الفرعية بدراسة جوانبة والبت فية ورفعة الينا لكى نصدر قرار بموضوعك وانشاء الله يكون قبل 3 سنين وفوت علينا بكرة يا سيد
اما عن رأيي الشخصى خليك فى التيو اكسنت ولا تنازل
والله الموفق

[haithem]

باشا النيو اكسنت حلوة بس عيبها قطع غيارها ......وتخيل ان انا برده محطوط فى نفس الموقف اللى انت فيه بس الفيرنا على قد ايدينا قطع غيار فى الارض عايزها غاز ماشى عايز تمشيها 80 ماشى مش هاتقولك لا من الاخر اقتصادية جدا.....