هواء السلانسيه فى الحقن الألكترونى

[ahmedabdallah]

السلام عليكم يا جماعة الخير
انا معايا فيات برافا 2001 ال 1300 س س
العربية فيها مشكله لما بدور الصبح بتدور كويس جدا وتسخن ومسافة لما امشى بيها زى الفل ومفيش مشكله
المشكلها كلها انى لما بقف العربية بلاقيها تعلى وتوطي وانا واقف ودى مشكلها لان صوتها بيعلى ويوطى كانى بكارك بنزين الميكانيكى قالى دا حساس الايدل يعنى غير البوابة
بالنسبة للبوابه علشان متدبس انا قريت في مواضيع ان المشكله دى ممكن تكون موبينا او الاير ماس على الرغم انى لما بشيل الفيشه بتاعت حساس الهوا المكنه بتتظبط وبتبقى هاديه وبنت ناس مهما ادوس بنزين بس المشكله انها بتطلع دخان اسود من الشكمان فا طبعا انا مش راكب فيات 24 علشان امشى بشبورة في الشارع
ياريت من اهل الخبرة يقولوا فين المشكله وايه الحل الأكيد علشان اتصرف في الموضوع دا في اسرع وقت ممكن قبل الصيف

[ahmedabdallah]

ايه يا جماعه الصحرا دي

[mego moga]

لو سمحت انا معايا لانسر بومة 2007 اوتو وكنت بشتكى من حوالى سنة كان عندى رعشة ورجة جامدة جدا فغيرت قواعد وكل شىء بقى تمام وبعدها بفترة رجعت الرعشة والرجة ولكن ف وضع N و p فروحت لميكانيكى نظفلى حساس الايدل بمنظف كرابيراتير ومن سعتها الحساس حاسس ان العربية ف طالعة D بطيئة جدا وصوت السلانسية عالى جدا ف وضع البى والان فروحت لميكانيكى قالى حساس الايدل ضعيف والار بى أم ف وضع D كان بينزل ل 5 و 4 وطلعة العربية ضعيفة جدا لازم ادوس بنزين وبعدها نظفت حساس الايدل بمنظف WD 40 وعملت ايدل ليرن الحساس بقى كويس واتعدل بس الار بى ام بقى عالى 1100 وسعات يوطى ع 1000 بحالات ومن سعتها مش عارفين نظبط السلانسية حتى بمسمار السلانسية حوالنا كتير معرفناش نظبط هواء السلانسية دة غير طالعة العربية ع D

فهل دة حضرتك يكون حساس الايدل أم أية بالظبط ؟؟؟

[ahmedabdallah]

حساس الايرماس ( حساس الهواء) وغير معاه الايدل سيبك من الاسبراي طالما خرف مرا هايعملها علي فترات بس الاول علشان البرجله غير حساس الاير ماس وراجع علي خراطيم الهواء الصغيره اللي طالعه من الانجيكشن او اللي داخله هاتلاقي واحد منهم وقع او اتفك من الصنايعيه راجع الاول علي الخراطيم دي قبل ماتغير او تعمل اي حاجه

[mego moga]

طيب هو فين حساس الاير ماس دة ؟؟؟ دة الى هو حساس الماب الى على المانيفولد ولاة مش هو ؟؟؟