هواء السلانسيه فى الحقن الألكترونى

[korky]

السلام عليكم ورحمة الله وبركاتة

انا اسمى كريم صالح من المنصورة ومعايا سيارة فيات برافا موديل 2001 عندى مشكلة ومش عارف اية الحل فيها معى العلم انى لسة شارى العربية من فترة قريبة من حوالى 3 شهور وطبعا لسة مش فاهم فيها اى حاجة مع العلم ايضا ان المكنة معمرة بالكامل يعنى جبتلها طقم شنبر وبساتم وسبيكة عمرة كاملة من الاخر وبعد ما استلمت العربية من عند الميكانيكى بيومين كدا لقيت المكنة صوتها بيعلى ويوطى جامد اوى كأن فى حد بيدوس بنزين ويشيل رجلة مرة واحدة روحت لميكانيكى قالى دى البوابة بتاعت حساس الايدل المهم حاول فيها وظبط العمل وقفل العربية ودور بقت تمام لكن المشكلة عندى ان العربية وهيا بردا قبل ما اسخنها الصبح كل ما ادورها واشيل رجلى من على البنزين تبطل وحتى وهيا سخنة نفس الموضوع ولما ابقى ماشى بالعربية وافصل نقلة واشيل رجلى من على بدال البنزين تبطل منى ويفصل طبعا الباور والفرامل بتحجر تحت رجلى دا غير ان العربية طول ما انا ماشى تفضل تقطع وسخب العربية مش الى هوا خالص وفى حاجة كمان بشم ريحة بنزين محروق جوا الصالون ف ياريت حضرتكم حد يفيدنى لانى خايف اتدبس فى حساس ويطلع مش هوا ياريت الرد عليا فى اسرع وقت واسف على الاطالة

[samirayad]

تابع مع الميكانيكى

لأن ممكن يكون عندك عيب بوابه

أو عيب فى حساس البوابه

أو عيب فى بلف هواء السلانسيه

وأشك فى بلف الهواء

-----------------

وبالنسبه

وفى حاجة كمان بشم ريحة بنزين محروق جوا الصالون

ممكن يكون مصدرها فتحات التكييف إللى قدامك على التابلوه

أو فيه طبب مفقوده من طبب قاع الشنطه

وبيخشلك عادم من خلال الشنطه للصالون

[korky]

متشكر جدا يا استاذ سمير وان شاء الله الاسبوع الجاى هبداء شغل فى العربية وبدعى من ربنا ان الموضوع يكون بسيط لان الظروف اليومين دول لا تسمح بالمصاريف الكتير وربنا يقدم الى فية الخير ان شاء الله شكرا ليك على اهتمامك

[samirayad]

بالتوفيق

يا أستاذ / كريم

[korky]

ازيكم يا جماعة اخباركم اية يارب تكونو ديما فى احسن صحة واحسن حال

انا امبارح روحت للميكانيكى وخليتة كشف على المكنة قالى اولا دى عايزة واحد معاة الكمبيوتر بتاعها عشان يشوف العطل فين قالى هعلى صوت المكنة شوية عشان ماتبطلش منك وانت ماشى قولتلة ماشى كتر خير ثانيا ودا الى حرق اعصابى وبجد مش طايق اشوف العربية قدامى وهوا بيعمل اتشك على المكنة قالى دا الظرف بتاع الكتينة مقطوع وبيجيب زيت كتير اوى والكتينة شربت زيت لما استويت لازم تتغير وطبعا المنصورة للاسف ملهاش حظ معى العربية دى المهم نزلت منطقة عندنا اسمها الحسنية ودى منطقة زى التوفيقية كدا قلبت الدنيا على سير كتينة والظرف فين وفين لما لقيت الكتينة ب200 جنية ولقيت ظرف بس طبعا مش الاصلى لانو مش موجود اساسا ورجعت للميكانيكى ظبط العمل وقفل المكنة وبنبص لقينا الظرف بردة بيجيب زيت معنى كدا ان الى عمتلة دا كلو راح فى الهوا المهم صرفت فى الموضوع دا كلة امبارح بالموصلات بكلو 370 جنية على اية مش عارف وطبعا كنت عايز اجيبلها طقم بوجيهات مالقتش ولا طقم واحد ينفعلها الا بتاعها ف ياريت حد يقولى اعمل اية لانى والله والله والله قرفان من العربية دى بطريقة مش طايق اركبها ولا حتى ابص ليها وشكرا لاهتمامك م /// سمير