استفسار مهم جدا عن : شيرى qq

[Eng . Mando]

ازيكم يا احلى اعضاء ، انا هنا جديد معاكم و ده اول موضوع ليا و اتمنى ان انا استفاد منكم .
انا عندى عربيتين 127 و اكسنت و انا الان بصدد تغير ال 127 باخرى هاتش باك ،
فكنت عاوز اخد رأيكم فى شيرى qq ، عايز اعرف منكم العربية دى اخبارها ايه و ايه نظام قطع غيارها و التوكيل بتاعها معاملته عاملة ازاى ،
و ياريت كمان لو حد جرب العربية يقولى السحب بتاعها عامل ايه و موتورها قوى ولا لأ ، و امكانياتها و خاماتها محترمة ولا اى كلام .
يا ريت يا جماعة اللى يعرف اى معلومة من دول يجاوبنى عليها و محدش يبخل عليا بأى معلومة جزاكم الله كل خير و ياريت يا جماعة اللى حيتكلم على العربية كامكانيات و موتور يبقى يكون جربها فعلا و مش كلام مرسل ( لانى عانيت من الموضوع ده ) .. و الف شكر لكل واحد حيشارك برأيه ؛

[hazem_khidr]

بلاش منها
ال 127 محترمه عنها بكتير
و حتندم لو جبتها
يا ريت تقول السعر المحدد للتغيير و احنا نحاول نفكر معاك في العربيه الاصلح

[Eng . Mando]

اولا انا متشكر جدا لرد حضرتك و اهتمامك .
انا امكانياتى من 35 الف الى 50 الف ( و فكرت فى الماروتى و الالتو ) بس مافيهومش امكانيات خالص غير الابواب و حزام الامان ههههههه.
بس ليه حضرتك مش بترشح الشيرى ، و كمان ايه رايك فى الماروتى و الالتو .

[Eng . Mando]

المشاركة الأصلية كتبت بواسطة HIDY كل المعلومات عن اسبيرانزا على www.speranza620.com

شكرا لرد حضرتك بس الموقع ده بتاع اسبرانزا 620 مش شيرى qqptmnlo123per144

[AbOnOrA]

اهلاً بيك يا باشمهندس فى مصر موتورز
انا بتفق مع رأى استاذ حازم فى استبعاد الشيرى QQ لانها عربية غير اعتمادية سواء هى او الدايو الماتيز اللى هى اصل العربية وفى المقابل بالسعر ده ممكن تجيب (بونتو - سيات - ستروين اكسارا - تيويوتا ستارلت - هيونداى اكسنت - اكسيل - كيا ريو - برايد - سوزوكى سويفت ) وكل الحاجات ديه نقلة حضارية بعد ال 127 وسواء نعومة او اداء او كماليات على الاقل تكييف وباور وزجاج كهرباء وسنتر والحاجات الاساسية ديه وكل الحاجات ديه برقبة الصينى القديم زى الكيو كيو والفروته والحاجات ديه
حتى الحاجات الماتيز اللى هى الاصل ابعد عنها