العودة   مصر موتورز مجتمع السيارات > السيارات الأوروبية > فولكس

فولكس فولكس فاجن Volkswagen من اكثر السيارات مبيعاً فى العالم وتضم حاليا شركات سكودا وابيزا واودى وتستحوز عليها بورش الالمانية من اشهر سياراتها بيتلز جولف بولو جيتا باسات توران وطوارق وسوران كروس فوكس


إضافة رد
 
أدوات الموضوع
  #1  
قديم 20-09-2009, 02:43 PM
TOOLA TOOLA غير متواجد حالياً
 
تاريخ التسجيل: Sep 2009
المشاركات: 116
TOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to behold
افتراضي لعنة عدم ثبات السيارة (يا فرحة ما تمت مع البورا)

الأول كل سنة و انتو طيببين و عيد سعيد و أجازة سعيدة على الجميع,

المهم بدام قررت انى أتكلم على مشكلة عدم ثبات السيارة, يبقى لازم أبدأ من الأول(معلش هرغى شوية بأة)

البداية كان عند امتلاكى سيارة هيونداى اكسنت 1300 سى سى موديل 99, و على خلاف ما يعتقد الجميع كانت أكثر السيارات ثباتا لقيادتى, كنت بشد على جميع السرعات (حتى 180 ك/س) و بأخذ معظم الغرز التقابلنى (لا باور بأه ولا دياولو و كنت متقل علبة الدريكسيون فكان حجر معايا و مدينى ثبات جميل فى الغرز) و ممكن بس أهدى شويه على الملفات مفيش مشكلة, و لكن ممكن أداء الموتور الضعيف مع التكييف و ضيق السيارة و قلة رفاهيتها خلانى أقرر أغير.

بعد أخذ قرار التغيير فى منتصف عام 2008 كانت أكثر سيارة شغلة بالى هى الالنترا (2004 - 2006), و كانت بتعمل فى حدود 72 - 78 الف على حسب الامكانيات و الحالة.

لما لم يتوفر معى هذا المبلغ قررت انى أشترى أقرب سيارة فى المواصفات اليها فى رأيى و كانت الكيا سبكترا (2003 - 2005), و بالفعل بدأت عمليات البحث (مع قلة خبرة فى الشراء و البيع و الفحص) و كان أن وجدت أنسب سيارة فى نظرى حينها و كان واضح حالة الموتور الجيدة و المحافظة على الصالون مع بعض مشاكل الثبات أقر الراجل انها من الكاوتشات, و رحت رفعتها فى البنزينة (منه لله) قلى العربية زى الفل من تحت.

طبعا كما قرأت سابقا ان فى حالة شراء سيارة (جديدة او مستعملة) يصيبك حالة أولية من الانبهار أو الاعجاب , ثم البدء فى ملاحظة بعض العيوب و محاولة حلها و الاكتئاب بسببها, و أخيرا حالة من التأقلم مع الوضع و شكر الله على انى فى نعمة أفضل من غيرى و قبول الوضع الراهن لحين التغيير.

المهم مع استلامى السيارة رحت غيرت الأربع فرد و حطيط جنوط و كنت فى مرحلة الاعجاب بالسيارة, خصوصا بوجود موتور قوى جدا فى نظرى عديت بيه ال 200 ك/س فى أكثر من مناسبة و شديت بيه مع مختلف السيارات و السرعات و لم يحط عليا غير مرة واحد بس (سيارة سوبارو امبريزا هاتش باك أعتقد انها موديل 2009), و لكن كل هذا كان يتم بحرص شديد جدا (أنا أعتبره الأن تهور منى) بسبب وجود مشاكل فظيعة فى ثبات السيارة مع وجود أى عالى و واطى فى الطريق (يعنى قمة احساسى بثبات السيارة كانت فة الوصلة الجديد على طريق الاسكندرية حيث الطريق يعتبر مسطرة), و اسوء حالتها كانت بالطبع على الدائرى العلوى.

بدأت الدخول فى متاهات العفشة (و التعلم فى ذات الوقت) و تم تغيير المساعدين الخلفية (الى ظبطت الأمور بدرجة بسيطة) و بعدين تم اكتشاف خبطة فى القنطرة الأمامية اضريط تغييرها هى و المقص بأخرى استيراد, مع تغيير جلب المقصات و بارات الدريكسيون و المساعدين الأمامى و عمل صيانة لعلبة الدريكسيون, و مع جودة بعض هذا الشغل و عك البعض الأخر, كانت السيارة شوية تضبط و شوية لأ, و فى نفس الوقت شكيت فى الجنوط عشان كانت صينى و غيرتها بالجنوط الفابريقة, و بعدين الشغل ده خد وقت كتير فخفت يكون أثر على الفرد, رحت واخد فرد أخرى من صديق ذات جودة أفضل, المهم عمرى ماوصلت لدرجة الارتياح, غير ان مشاكل العفشة المتعددة علمتنى أبطل أشد تماما عشان كتر الحفر الواحد بيقبلها جوه البلد, و ان كنت لم استطع وقف الجرى على سرعات عالية فى الطرق السريعة (160 - 190) مع محاولة الحرص الشديد و التركيز.

عموما مكنش مهون عليا غير حالة الموتور الجيدة جدا الحمد لله و كانت بردو بنت حلال عمرها ما وقفت منى و عمرى مازودت مياه لها فى خلال عام و نصف (قضيت معايا فترة خطوبتى بالكامل و بداية زواجى عشان للعلم أنا عريس جديد بقالى شهرين ptmnlo123per154) هى فترة امتلاكى لها و لم أقابل تقريبا أى مشاكل ميكانيكية أو كهربية.

طبعن عشت فى المنتدى و قريت جميع المواضيع الخاصة بالسيارات الأوربى و اليابانى و الكورى, غير طبعا تابعت مشاكل الأصدقاء و كنت بروح معاهم و هما بيصلحو و الميكانيكية و العفشجية التعاملت معاهم بقوا أصدقاء مقربين , و اختلفت ارائى كثيرا و تذبذبت شوية أقول خليك فى الالنترا القديمة و شوية أقول متبص على السيراتو, و طب ليه مش جولف 4 خصوصا ان فى واحدة لصديق مقرب بحالة جيدة جدا, و بعدين تسحرنى الميجان أفكر بها بجدية و رحت مع ناس أفاضل و هما بيشتروها لكن ارجع و أقلق منها المهم فضلت كده لغاية ما جه صديق مقرب عايز يبيع سيارته (2005 مانيوال فابريقة بره و جوه ماشية 65000 ك حالة ممتازة), و سخنى أنى أبيع و بدأت أعرضها للبيع و فعلن عرضتها على أكثر من موقع, لغاية ما ربنا الهمنى ان الميكانيكى كان كلمى عليها و هو أدرى واحد بمشاكلها (الهى عفشة فقط و مش هيعانى منها غير البيحب يجرى, و على فكرة تلعت مشاكل العفشة حالة عامة فى السبكترا ptmnlo123per1147), و كان البيع و ضميرى مرتاح و ريحتلو السعر كمان.
المهم حان وقت اتخاذ الشراء و كنت شبه بايت على النت و الاحتياطى بتعتى كانت الالنترا كان ممكن أخلص فى اى وقت, و لكن اتعرضيت عليا تيدا هاتش باك بحالة ممتازة لزميل فى العمل و لكن بعد التفكير قلت أحط 80000 ج ليه فى تيدا مدور على أوكتافيا, الى بالتالى لفتت نظرى لاحدى السيارات المفضلة لى على الاطلاق و هى البورا, و بعد البحث بين 12 سيارة فى خلال كام يوم (ما بين اوكتافيا و بورا) وقعت على سيارة بورا 2000 نبيتى بحالة تبان ممتازة و بيتى مش بتاعت تاجر او معرض, فابريقة بره و جوة الحمد لله اتوماتيك تكييف تاتش جنوط المانى اصلى (و لكن الملاحظ كثرة الخروم أو الخوابير فى فرد الكوتش نظرا لسكنه فى فلل العبور و كثرة البنا و المسامير حوليه + صوت بيظهر من الجانب الخلفى اليمين زى ميكون ترزيع بسيط فى المساعد و لكنه صوت ضعيف جدا و لا يظهر كثيرا + و أخيرا صوت ونة بسيط لحظه صديقى و هو مهندس ميكانيكا و أعتقد ان قد يكون بلية كاتينا أو بلية دينامو + الاشارات مش شغالة).

اتفقتا على الفحص و كان الراجل متفاهم جدا و قلى على التغير فى السيارة من طنابير أمامية و جلب مقصات و فوانيس أمامية (نظرا لتظليم الفوانيس الخلفية), و بالفعل كان محتفظ بالقطع القديمة و حتى ادانى الفوانيس القديمة الفابريقة كدليل انها غيرت فقط للنظافة و ليس لحادثة.

و رحت فحصت عند سيد جولف ال أمام سنترال مصر الجديدة فى جسر السويس (انا الاخترتو), و حطينا العربية على الجهاز و الحمد لله ماقريتش غير error واحد فقط و هو الاير باج (و هو قلى ان هو فصلو عشان شاف عربيات فولكس فتحت اير باج من خبطات أو مطبات جت فى الاكصدام , و بعدين بعد الشراء فكينا الطارة عشان نغير ذراع النور و فعلن شوفت الايرباج بداخلها زى الفل), كمان راح بص على الشاسيه و على البوية, و أقر الحمد لله ان العربية ممتازة و بيتى و كمان تمنها (80 - 85 الف جنيه, و انا كنت متفق على 82), و عموما الراجل مكنش راشش الا العتب و حلية الاكصدام و ده الاكدو سيد, بردو زيادة اطمئنان رحت لناس معرفة فى الحرفيين و كمان جبت صديق ليه فى قصة البويا, و بردو تم الاقرار بنظافة السيارة تمام و فابريقتها و بردو بصينا تانى على الشاسيه خصوصا التحت العتب (مانا مقروص بأه فى السبكترا), و تم الشراء الحمد لله.

طبعا كما شرحت سابقا دخلت فى مرحلة الانبهار, و الموتور فى الجرى ممتع و كان بس فى حدفة يمين (طلعت بعد كده من الكاوتش لأن بعد تبديل الفرد الأمامية بقيت الحدفة شمال) راح بتاع الزوايا نصح بتبديل الفرد الخلفية الى الأمامية و رصص الفرد كلها (و مكنتش عجباه حالة الفرد ), بردو قبل الزوايا جربت أجرى على دائرى شيراتون و كان الثبات فى نظرى ممتاز (حتى 120 بحد اقصى), و انبارح قبل ماطلع أخرج و أنا بسخن خليت مراتى تكبس بنزين و كنت حطيط ايدى تحت الشكمان و الحمد لله تطلع اليدى بنقط تعريق مياه بدون أو سواد أو تلوث.

و عموما معكرش مرحلة الانبهار غير صوت الترزيع البسيط أوى و صوت تكة الطنابير و انا بفرمل على الثبات أو بتك عليها على الثبات و كن مع بدء المشى الفرامل ممتازة بصراحة.

انبارح بقه الوقفة خدت زوجتى و أختها و حماتى و جبنا بمب و صواريخ ptmnlo123per122, و بدأنا لعب العيد بأه (أصلى عيل أوى فى الحاجات ديه) لغايو ماقلنا نتمشى و طلعت على الدائرى العلوى من مدينة نصر رايح الهرم و قلت مأخذ الوصلة الجديدة التودى على الصحراوى, و كانت الصدمة.

الصدمة:

أعدين 4 فى العربية و بدأت أكبس بنزين جبت ال 100 و عديت ال 120 و بدأت أدخل على ال 140 (انا الأعرفو ان الألمانى لا يفرق معاه لا طريق ولا دياولو 180 و 200 على أى طريق و ده القريتو هنا على المنتدى, غير انا مش جايب بردو أى المانى), المهم على 140 و دخلت على حتت عالى و واطى (للأسف استعدت بعض ذكريات السبكترا) لقيت تنطيط جامد شوية فى السيارة حسو من ورا و خوف شديد من تزويد السرعة لانى حسيت بعدم الثبات ( لو الأكسنت بتاعتى كنت دخلت على 170 براحتى فى حتة زى ديه) لان العربية مش مضبوطة و حاولت أقنع نفسى انو عادى بس قلت مستحيل قدامى فى أوبترا و لانسر بيجروا عادى و بيزودو مفيش مشاكل وانا راكب بردو المانى يا جماعة, طبعن اتنيلت نزلت ل 90 و كأبة فظيعة على وشى و تنكيد و قلت شكلو هيبتدى الكابوس من تانى.

المهم حاولت أسيطر على مشاعر الكأبة و أعدت أفكر و أركز جامد من العربية و سؤال الأعدين ورا كان القاعد على اليمين (حماتى و وزنها خفيف والله بتاع 60 ك) هى الحسيت الموضوع أكتر من أخت مراتى القعدة على الشمال, و لو قرينا ده بمضوع الترزيع البسيط التم ملاحظته سابقا ورا يمين بردو, راحت دماغة ان يا مساعد يا حاجة أنا مش عارفها لجهلى بعفشة هذه السيارة و أثار أعطال العفشة على أدائها, و لو أضفنا عليه مشاكل محتملة من الاطارات (هو بيريلى 195/65 15).

طيب دلوقتى أنا عندى فوبيا و خايف الموضوع يطلع كمان لكلام كبير مثل علبة دركسيون مثلن, و مش عاوز أروح لميكانيكى أو ورشة صيانة (مثل الصفوة ال فى الحرفيين و رغم تأكدى من جودتهم لأنهم كانو شغالين فى جميع سيارات VW الجديدة الى جانب الاودى 3 و تى تى), الا لمل اعرف العربية فيها ايه لأنهم حرقيين أوى خدوا 100 جنيه عشات حلوا الطارة و ركبولى ذراع الاشارة و صاحب السيارة علاقتو حلوة بيهم فقلى لو ماكونتش معاك كان ممكن يطلبوا 200 ولا 250 ج), فلو فيه حد من أهل المنتدى ذوى الخبرة عارف يقول, و يا سلام لو طمعت اننا نتقابل و يجرب بنفسو عشان يقدر يحكم صح على المشكلة (انا عموما ساكن فى مدينة نصر) لو كده يبعتلى رقمو و أنا أكلمو علطول و نحدد ميعاد (و بينى و بينكم كنت طالع الاسكندرية النهارده بس من نكدى احتمال الغى).

عموما فى انتظار ارائكم و نصائحكم, و اسف على تعكير المزاج فى العيد كده ptmnlo123per1106

أخوكم

أحمد عبد الرحمن
رد مع اقتباس
  #2  
قديم 20-09-2009, 04:12 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: لعنة عدم ثبات السيارة (يا فرحة ما تمت مع البورا)

ده انت حكاية يا احمد
ptmnlo123per122


كل سنة وانت طيب اولاً واهلا بيك فى مصر موتورز ويارب نقدر نفيدك ونستفيد من خبراتك ايضاً

ومبروك على الجواز وعقبال ما ربنا يرزقك بالزرية الصالحة ان شاء الله

بص يا سيدى اولاً زى ماقولتلك انت مش سواق عادى علشان كده احساسك باى عربية هيبقى غير اغلبية الناس
وعلشان كده بقول دايما مهم تجرب بنفسك مش كفاية تسمع من غيرك

ليه انت مختلف هقولك
انت اتطبعت بشكل كبير بالاكسنت وده اللى مخليك عاملها مرجع تقارن بيه اى عربية بعدها وده مش صحيح تماما لان كل عربية ليها شخصيتها وطعمها وبالتالى الثبات الاحساس بيه (او السينس) بيختلف من عربية للتانية
فميعنفعش تقارن ثبات عربية خفيفة مفيهاش باور وعزمها ضعيف بعربية تقيلة عزمها قوى وسحبها برضو ضعيف بالمقارنة بوزنها

اللى اقصد اقولة ان المعادلة بتختلف من عربية للتانية ولازم تعيد برمجة نفسك على العربية الجديدة وده هيتم بشكل تلقائى بس بياخود وقت


طيب لو انت عايز تعزز ثبات العربية او تغير من ملامحة ممكن
ممكن تخفف وزن العربية
توطيها
تغير الكاوتش باعرض
تغير مساعدين وسوست
تركب بدى كيت
وحاجات كتير هتأثر نسبياً على الثبات من ناحية اوى اخرى
بس المهم انت تحدد عايز ثبات شكلة ايه
اللى واضح من كلامك ان فيه مشكلة فى الثبات الرأسى او التنطيط
وده حله تقليل ارتفاع الكاوتش (سماكة الكوتش) مع تغيير المساعدين لمساعدين (دبل اكشن) وسوست رياضية اقل مرونة
لو عايز تتقل الدريكسيون فى ايدك وتقرب من احساس العربية وهى مفيهاش باور عرض الكاوتش وجيب نقشة رياضية

لو عايز تزود وزن العربية مع التسارع (بمعنى اخر تقلل انسيابية الهواء تحت العربية وتزود الداون فورس) يبقى تركب بدى كيت وعتب وتهبط العربية

وهكذا الامثلة كتير بس بناء على اللى انت عايزة بالظبط

اهم حاجة متعقدش نفسك الفكره كلها انك عايز اداء مميز وده محتاج تظبيط وعناية بحالة السيارة طبعاً


اسف على الاطالة واهلا بيك مرة تانية وبإذن الله باقى الاخوه المتخصصين يردو عليك افضل منى
ptmnlo123per122
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #3  
قديم 20-09-2009, 04:26 PM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي رد: لعنة عدم ثبات السيارة (يا فرحة ما تمت مع البورا)

كلام أبو نورا كلام جميل بس عايز مجهود و تعب شوية و إهتمام
رد مع اقتباس
  #4  
قديم 20-09-2009, 05:21 PM
TOOLA TOOLA غير متواجد حالياً
 
تاريخ التسجيل: Sep 2009
المشاركات: 116
TOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to beholdTOOLA is a splendid one to behold
افتراضي رد: لعنة عدم ثبات السيارة (يا فرحة ما تمت مع البورا)

أ/ حازم شكرا جزيلا على الرد.

أ/ أبو نورا, أنا عارف انى متعب حبتين , أنا فاهم كلام حضرتك كويس بس انا لما قارنت البورا بالأكسنت يمكن السبب انى متوقع أكثر بكثير, و بردة لانى قدت ال BMW موديل 2000 حتى وصلت لسرعة 200 ك/س (مع العلم أن حالتها لك تكن جيدة و لكن لم أجمد مشكلة كبيرة فى الثبات) و بالتأكيد قدت الانسر و التيوتا و كورسا موديلات 2004 - 2008, كمان لما قريت عن البورا و الأكوتافيا و البسات كان هناك شبه اجماع على قوة ثبات هذه السيارات حتى مع المواقف الحرجة (بدون تعديل هذه السيارات), لكن ما أحسسته يوم أمس لا يمكن أن يقارن بالثبات فى شيء, خصوصا انى لسه واخد هذا الطريق من أسبوع ب كورسا 2004 ذات كوتشات فى رأيى رفيعة و هى سيارة عالية عن الأرض, و لكن لم نواجه أى مشاكل حتى سرعة 150 حتى مع ارتفاع و انخفاظ الطريق (و ان كنت أعرف أن مشكلة هذه السيارة تجدها فى الملفات), و لهذا و حتى أكون Fair مع سيارتى أقترحت أن يقودها أحد الأعضاء ذوى الخبرة فى VW ليتمكن من المقارنة و معرفة أين العطب.

طبعا مش هقولك يا باشا انا مكونتش متوقع ردود النهاردهptmnlo123per1127 بس الحمد لله مازال فى ناس لا تستطيع أن تفارق ال Net و شكرا للمساهمة, و أنا حتى الأن أعتقد أن المشكلة تنحصر بين العفشة الخلفية و الكاوتشات
رد مع اقتباس
  #5  
قديم 20-09-2009, 06:00 PM
الصورة الرمزية ahmed_kamel
ahmed_kamel ahmed_kamel غير متواجد حالياً
التخصص العملى: مهندس معماري
هواياتي: السيارات
 
تاريخ التسجيل: Oct 2008
الموقع: المعادي
المشاركات: 1,336
ahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond reputeahmed_kamel has a reputation beyond repute
افتراضي رد: لعنة عدم ثبات السيارة (يا فرحة ما تمت مع البورا)

عليك وعلى العفشه والسوست - قوم بعملية تغيير شامله وغير الكاوتش بأعرض وأقل إرتفاعا
وماتنساش البارات بتاعة الدركسيون تشيك عليها وطقم ميزان بالمره وإنت حتعرف معنى كلمة ألماني - وربنا يوفقك ياباشا
وكلام أبونورا تمام طبعا بلا شك ... بس مش محتاج تعمل كل ده عشان تحس بثبات زي الأكسنت --- مع الإعتذار لاوجه للمقارنه بين الإتنين لكن إعمل ماسبق وإتعود على العربيه وديه نقطه مهمه جدا
عشان تعرف وتتعود على مركز ثقل العربيه فين ... كل السيارات ذات المواتير الأماميه أو الخلفيهتعاني من مركز الثقل لذلك السيارات الرياضيه من فئه السيارات السوبر كالفيراري واللامبورجيني وخلافه يتم وضع الموتر بالوسط لتركيز الثقل بالوسط

الملخص إتعود على العربيه بعد حملة الصيانه السابق ذكرها وحتحترم العربيه (وشيك على الفرامل والطنابير والماستر عشان الصوت بتاع الطقه إللي بتسمعه)


والكاوتش أنصحك ببريدجستون عشان ماتسمعش حسه على الأرض ويديك الثبات المطلوب وبلاش بيريللي ولا ميشلان عشان صوتهم عالي وناشفين وبيبوظوا بسرعه من كثرة القلاقيل بالشوارع فبيفصل السلك بتاعهم والفرده تروح في الباي باي بسرعه


إختيارك موفق وماتقلقش
__________________


رد مع اقتباس
إضافة رد

الكلمات الدليلية
السيارة

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:52 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017