الناس الواصله لما تفتري

[محمد عبد النور]

الف سلامة عليك والحمد لله انك بخير والبقاء لله وحده

فيه نقطة تانية اخطر من المطبات عاوز اتكلم فيها وهى ان بعض الحيوانات وانا اسف فى اللفظ لانى مش لاقى وصف ليهم بيغيروا زيت العربية على الطريق فى الحارة اليمين فطبعا اى حد معدى بموتوسيكل بياخد كام لفة وهو مش واخد باله وبيزحف ييجى 100 متر وانا شفت واحد الله يرحمه وقع وشبك فى عربية نقل وراسه اتفصلت تماما عن جسمه الله يرحمه

وفيه حاجة كمان تلاقى فى بعض الطرق احيانا بتكون سريعة واحد واخد الحارة اليمين وموقف عربيته بيغسلها ومحوطها بدبش من بتاع التل توار والحمد لله نجينا من حادثة مؤكدة بفضل السرعة البطيئة والعربية المرسيدس

[nktis]

المشاركة الأصلية كتبت بواسطة harpoonattack حسبنا الله ونعم الوكيل ،،، والله العظيم انت ضايقتنى يا اخى هنعمل ايه هى دى بلدنا تحيـــــــــــــــاتى

يا باشا متشكرين علي الرد وناسف للمضايقه بس البلد بايظه والحكومه من الاخر طلقت الشرطه تلم فلوس وتبلطج علينا بداعي الامن .
انت تعرف انا حاولت اشتكي ورحت المحليات عايز ورقه تفيد باللي عمل المطب .
قعدوا يحوروا لدرجه بقولوا ان ظابط الامن بتاع معسكر امن مركزي في المنطقه اللي عمله عشان مينفعش اشتكي الحكومه للحكومه . هي دي مصر

[nktis]

المشاركة الأصلية كتبت بواسطة Bahi انا لله وانا الية راجعون ... الف حمدا لله على السلامة ومنة لله.

الله يسلمك ويسلم جميع الاعضاء الكرام وشكرا يا ا. هشام

[nktis]

المشاركة الأصلية كتبت بواسطة mercedes السلام عليكم و رحمة الله و بركاته طاب و هوه ال600 فدان بتوعه دول , شكلهم حلو يعنى , يعنى عاوز اللى رايح و اللى جاى يعدى عشان يتفرج عليهم و لا هو مثلا, عامل معرض أسر منتجة فى ال600 فدان بتوعه و عاوز الناس تاخد بالها منه عشان تدخل تتفرج و تشترى . قال مطب قال؟؟؟!!!! اللهى يرزقه بمطب جوه بيته و يكون معمول جديد و مايخدش باله منه و كل مايعدى يتكعبل و يقع . MERCEDES E230

يا استازي الاول شكرا علي ردك بس عنده كزا بوابه للارض ومنهم واحده مقفوله عالطول علي الطريق حابب يفتح البوابه واتسبب في اللي حصل ويمكن اللي حصل ده هيخلي مستحيل المحليات توافق علي المطب لان ربنا كارم المنطقه بظابط شرطه شباب حابب يترقي علم بالموضوع ومستني غلطه للمحليات
هي فعلا غابه

[nktis]

المشاركة الأصلية كتبت بواسطة kingTahyeess لا حول ولا قوه الا بالله العلى العظيم ان لله و ان اليه لراجعون ربنا يصبر اهله طب المهم انت عامل ايه دلوقتى ؟ انا بجد مع كلام الأستاذ هشام كل واحد فاكر ان الشارع متسجل فى الشهر العقارى بأسم العائله الكريمه و يعمل فيه الى هوا عايزه مش بيفكر فى مخاليق ربنا الى بيمشوا عليه كل يوم و كل ساعه و انهم ممكن يتأذو بالى هوا عمله دا لا بيفكر فى نفسه اهم حاجه اصلا هوا ليه يعمل مطب المطبات دى اصلا ليها اماكنها مش اى مكان فى الشارع يتعمله مطب حاجه تنرفز والله

متشكرين يا ملك علي ردك الكريم الاول.
التاني بقي انك تبقي عارف ان اي مصلحه مش بتخلص بالورق لازم الفلوس واكيد كلنا مجربين نرضوا موظف عشان يخلصلك ورقه.
يا استازي انا اولا صيدلي فوق الصيدليه بنك زراعي. فيه عسكري من القسم بيبات فيه ده المفروض
في موسم انتشار السرقات في الشتا عموما انا براضيه عشان يبات في البنك او قدام الصيدليه خايف برده وتقولي ان الناس تراعي بعضها.