استفتاء مصر موتورز لتعديل الدستور

[الدملاوي]

المشاركة الأصلية كتبت بواسطة walidelwahsh ربنا يعزك ويكرمك يا باشا سلامة صوابعك يا كبير وربنا يخليك انا كنت عيان امبارح واول امبارح بس دلوقتي الحمد لله اشكرك على سؤالك الرقيق

ألف سلامة عليك يا باشا
طمنا عليك دلوقتي؟
ويا سلام لو تقرر تيجي تقضي يومين نقاهة في الغردقة عندنا هنا ... يبقى النبي زارنا

[momen_bondok]

انا سيكون تصويتى " نعم " لسبب
انه تم الغاء قانون الطوارئ وتعديل مده الرئاسة
وهذه كانت العقبة فى الدستور قبل التعديل

[سلامة 1983]

والله ياجدعان انا شايف ان الجيش هو اللى لغبط الدنيا كدة وخلى الواحد محتار بين نعم ولأ ، لأن كان المفروض ان لجنة التعديلات لما تنهى اعمالها ان يحصل حوار مجتمعى واسع بين القوى السياسية كلها وبالتالى ممكن نعدل اى مادة قبل منرفعها للمجلس الاعلى للقوات المسلحة وغلط الجيش فى الحتة ديه انه مدعاش لكدة ومشمعقول اللجنة هتقول للجيش انا هاطرح تعديلاتى على الناس من غير ما يوافق على كدة ، فاللجنة عملت اللى عليها ورفعت التعديلات للجيش والمفروض هو كان يعمل حوار مع الكل قبل ما يحدد ميعاد الاستفتاء عشان على الاقل يبقى فيه توافق وطنى ناحيتها ، اما الغلط التانى للجيش فهو انه كان المفروض يسمى التعديلات ديه اعلان دستور مؤقت عشان الناس تتطمن ان دستور 71 مش راجع تانى وكمان كلمة تعديلات بتفكرنا بذكريات سيئة وانا عشان ده كله هاقول نعم عشان الجيش ( مع احترامى لدوره الوطنى ) ميحكمش اكتر من 6 شهور عشان الطريقة المبهمة ديه اللى بيدير بيها البلد
عامة ربنا يهدى كل مواطن مصرى لما فيه الخير

[يسري أبو الخير]

طبعا (نعم) للتعديلات الدستورية و استقرار مصر ..

[pointer]

المشاركة الأصلية كتبت بواسطة سلامة 1983 والله ياجدعان انا شايف ان الجيش هو اللى لغبط الدنيا كدة وخلى الواحد محتار بين نعم ولأ ، لأن كان المفروض ان لجنة التعديلات لما تنهى اعمالها ان يحصل حوار مجتمعى واسع بين القوى السياسية كلها وبالتالى ممكن نعدل اى مادة قبل منرفعها للمجلس الاعلى للقوات المسلحة وغلط الجيش فى الحتة ديه انه مدعاش لكدة ومشمعقول اللجنة هتقول للجيش انا هاطرح تعديلاتى على الناس من غير ما يوافق على كدة ، فاللجنة عملت اللى عليها ورفعت التعديلات للجيش والمفروض هو كان يعمل حوار مع الكل قبل ما يحدد ميعاد الاستفتاء عشان على الاقل يبقى فيه توافق وطنى ناحيتها ، اما الغلط التانى للجيش فهو انه كان المفروض يسمى التعديلات ديه اعلان دستور مؤقت عشان الناس تتطمن ان دستور 71 مش راجع تانى وكمان كلمة تعديلات بتفكرنا بذكريات سيئة وانا عشان ده كله هاقول نعم عشان الجيش ( مع احترامى لدوره الوطنى ) ميحكمش اكتر من 6 شهور عشان الطريقة المبهمة ديه اللى بيدير بيها البلد عامة ربنا يهدى كل مواطن مصرى لما فيه الخير

انا معاك بس مشكله الجيش انه عاوز يخلص و يتفرغ لعمله في حمايه البلاد من الاخطار الخارجيه
و الجيش شغله ميري اللي يتعمل في شهر هو يعمله في اسبوع
المهم الخير يجي لمصر
وممكن نبعت للمجلس نقول له يعمل حمله يبين فيها اخر التعديلات اللي هتنزل في ورقه الاستفتاء لان بصراحه قمه اللخبطه