يا من يركب الصينى كيف ترى نفسك ؟ ... و كيف يراك الناس ؟

[afakhry1]

اخى حسين الراوى عندما قلت هذه المعلومات عن السيارة شيرى ِ11 لم اكن اتجنى على اى وكيل اوسمعة انا رجل اعرف الله انا قصدت اوعى الناس كلامى عن هذه العربيه تاءكد بدخولى الى التوكيل الفظيع المريب الذى لا يعرف كوز الذره يعنى التقيت باخت معاها نفس السيارة وبها عيب غريب انها ما بتدورش والتوكيل قال لها احنا اسفين مشقدرين نصلحها اذا بتحبى تسيبيها لحين ميسره لخد اما الوفد الصينى يجى كل (غير معلوم امتى حيجى)ويبقى يبوصوا عليها ولو متحبيش تقدرى تاخديها ها يااخى اه رايك فى التوكيل والعربيه عمرك شوفت توكيل يعمل كده القصة الثانية معى شخصيا سايق فى امان الله واذا نصف نقل تخبط العربية وتكسر الشبكة الامامية روحت التوكيل وكالعادة قلولى اول اما توصل حنتصل بيك ياخى بالله عليك قعدت 3 شهور من غير شبكة ناهيك عن ان التوكيل محتكر جميع قطع الغيار يحوط سعر ازيد على مزاج مزاجه والله على ما اقول شهيد السلام عليكم على فكرة تقدر تروح التوكيل وتسمع وتشوف بنفسك حتشوف الى عمرك ماشوفتة هو بعد بنزينة شلل اول طريق مصر اسماعيلية 10 دقائق من اخر جسر السويس السلام ختام

[حازم شاهين]

الأخوة الأعزاء برجاء ........ هذا الموضوع يناقش نظرة المجتمع أو الناس لمن يقتنى سيارة صينى و كذلك وجهة نظر مقتنى السيارة الصينى فيما فعله فقط و ليس الهدف إثبات أن السيارة الصينى جيدة أم فاشلة.

بمعنى أن الموضوع مخصص للحديث عن الناس و ليس هدفى تقرير ما إذا كانت السيارات الصينى و نوكيلاتها جيدة أم سيئة .

اللى عايز يقول إنه أسعد إنسان يقول
و اللى عايز يقول إنه أخد أكبر خازوق برضه يقول

لكن مش ضرورى كل الناس تبقى متفقين على رأى واحد أو كل واحد يفرض رأيه على التانى

أدعوكم إكتبوا شعوركم و إحساسكم و تجاربكم بدون تحفظ و أتركوا الجدل العقيم .

و شكرا للجميع ..

[Mai]

هاي
يا ايهاب و حازم انا معاكو جدا ان دي عربية كويسة ممكن يكون فيها عيوب زي اي عربية بس بالنسبة لسعرها و الاوبشن اللي فيها و اكيد علي اد فلوس الواحد و بعدين يعني اية نظرة اللي راكب صيني ما اللي راكب صيني دة راكب عربية برضو علي فكرة مش راكب حمار و بعدين ممكن تكون ثمن اي عربية من الكوري او ياباني كلهم عربيات و بعدين اما العربيات بتعتل كلها حتي العربية المرسيدس اخر موديل و لو هاتكلمو عن وسائل الامان كل العربيات بتتعجن يا جمعا انا اعرف ناس معاهم احدث موديلات و اللة يرحمهم كمان مافيش عربية بتحمي صاحبها لان كل العربيات عبارة عن صاج ليس اكثر .

[islam_galal]

المشاركة الأصلية كتبت بواسطة Mai هاي العربيات بتعتل كلها حتي العربية المرسيدس اخر موديل و لو هاتكلمو عن وسائل الامان كل العربيات بتتعجن يا جمعا انا اعرف ناس معاهم احدث موديلات و اللة يرحمهم كمان مافيش عربية بتحمي صاحبها لان كل العربيات عبارة عن صاج ليس اكثر .

لا يوجد شئ مطلق و لكن في المرسيدس ما هي الأعطال المتوقعه و ما هي الاعطال المتوقعه من عربية صيني ، طبعا اختلاف كامل و طبيعي و متوقع
و لا يجوز مقارنة العربيات الصيني حاليا بالمرسيدس اطلاقا ، علشان المصداقية

من بداية القرن الواحد و العشرين و تصميم السيارات العالمية أصبح مكلف جدا لان الموضوع مش مجرد شكل ، لكن تأمين و وسائل أمان ليس لتكوت العربية قوية و لكن لحماية المقصورة و بالتالي الركاب و مش مهم العربية
العربيات القديمة و الصيني حاليا (معظمها) لا يراعي في تصميمها هذا المبدأ و بالتالي في الحوادث الجسيمة قد تقتل العربية صاحبها أما السيارات الاخري عالية الجودة كمرسيدس فالفارق يعرفه الجميع

طبعا في الحوادث القاتلة و الخيفية (الحكات و التطبيقات البسيطة) يتساوي الجميع

[mtaiea]

السلام عليكم
مشكور الأخ حازم على اثارة هذا الموضوع لانى انا مقبل على شراء 516 انا عايز اقول ان العربية فوق الممتازه بالمقارنه بالسيارات الأخرى فى نفس الفئة السعريه فهى تقريبا بـ 67000 جنيه وتقع فى نفس الحدود بعض السيارات الموجوده خصوصا الكورى ولكنى من وجهة نظرى اجدها هى الأفضل على الأطلاق :
أولا : من ناحية المتانة فالسيارة تتمتع بمتانه عاليه حيث الصاج المستخدم بسمك 8 مم مما يجعل جسم السياره انشف وامن
ثانيا : الثبات فإن السياره تتمتع بثبات اعلى من غيرها فىحدود الفئه السعريه حيث ان السياره ثقيله ويبلغ وزنها طن وربع وهذا بالمقارن بالفيرنا 930 كيلو والرينو لوجان المغربي والثلاث سيارات لهم نفس الموتور 1600 سي سي
ثالثا : الكماليات والأبشنز مما لا شك فيه ان من اهم مميزات 516 هى توافر جميع الكماليات التى لا تتوفر فى كل السيارات التى فى نفس فئتها السعريه واللى اعلى من سعرها كمان يعنى مثلا لو فرضنا الفيرنا فول ابشن وتوماتك هنلاقى ان ال516 فيها برده اوبشن اعلى منها وكمن الانسر فول ابش بره ال516 تمتلك ابشن اعلى فمن الأوبشن المتوفر فى ال516 :
1- زجاج كهرباء للأربع ابواب + مرايات كهرباء
2- سنتر لوك + وحدات رفع الزجاج اوتوماتيكى بعد غلق السياره
3- باور + فرامل ABS
4- تكيف عالى الأداء وبه فتحات فى التابلوه وفى اخلف للجالسين فى الخلف
5- كاسيت mp3 CD + 6 سماعات 2 باب امامى +2باب خلفى + 2فى الشنطه
6- التحكم فى ارتفاع مستوى الأإضاءه فى الفوانيس الأماميه من الداخل
7- فتح الشنطه من الداخل
وايضا من ضمن مميزات هذه السياره هى وسع الصالون وفخامته انا عن نفسى حين ركبتها لأول مره حسيت انى راكب سياره فخمه زى هوندا سيفك مثلا مش صينى وكما وسع الشنطه الغير طبيعي
لاكن العيوب هى علو سعر قطع الغيار نسبيا ولعفشه القريبه من الأرض بس انا اعرف واحد صحبى عاش بالعفشه لحد ما جاب اخرها وركبلها عفشه جولف 3 وماشى بيها تمام اوى دلوقتى .
انا اسف للإطاله بس حبيت اوضح الفكره كامله عن ال516 لانى ان شاء الله مقبل على شرائها بإذن الله ويا ريت اعرف رايكم ايه ؟ ptmnlo123per122