تربية ابنائنا على الكتاب و السنة مع مستجدات العصر

[Eng/salwa]

المشاركة الأصلية كتبت بواسطة AboNoRa كنت عايز اخد رائى حضرتك فى حاجة يا مدام سلوى انا كان عندى امنية يمكن من قبل ما اخلف حتى وهى انى احفظ اولادى القران كاملاً فى المرحلة الابتدائية تفتكرى حضرتك ايه السن المناسب للبداء فى الحفظ وافضل يكون فى الاجازات ولا طوال العام وافضل التحفيظ يكون فى مقراءه فى مسجد ولا يكون فيه حد قائم عليهم لوحدهم مثلاً خاصة انهم لسه فى سن حضانات

عندما أوصانا رسولنا الكريم بتعليم ابنائنا الصلاة قال لنا نعلمهم فى سن 7 سنوات و نضربهم عليها فى سن 10
ولو تكلمنا عن حفظ القرآن انا أرى ما شاء الله اطفال فى سن الحضانه و يحفظون جزء (عم) وممكن جزء (تبارك ) كمان
يعنى ايه المانع اننا نجاهد مع اولادنا من سن الحضانه و ربنا يهديهم لنا يا رب
والافضل طبعا يكون التحفيظ مستمر طوال العام و على يد متخصص تجويد لأن لو الطفل حفظ بدون تجويد و هو صغير هيبقى صعب نصحح له اللى حفظه خطأ بعد ذلك

و إذا قدر الطفل يتابع الحفظ فى مقرأة او مسجد مع أطفال آخرين يكون خير و ان لم يقدر على المتابعة معهم يبقى برضه مافيش مشكلة لو حفظ على يد شيخ وحده أو مع اخوته بالمنزل
وربنا يهدى أولادنا و يهدينا جميعا لما يحب و يرضى
هدى الله لك أولادك يا أبو نورا و هدى الله اولادى يارب

[محمد فيصل]

الاخت الفاضلة :م.سلوى :السلام عليكم
جزاكى الله كل الخير
دائماً مشاركات حضرتك وموضوعاتك مفيدة ومثمرة للغاية

[Eng/salwa]

المشاركة الأصلية كتبت بواسطة محمد فيصل الاخت الفاضلة :م.سلوى :السلام عليكم جزاكى الله كل الخير دائماً مشاركات حضرتك وموضوعاتك مفيدة ومثمرة للغاية

جزانا و اياكم
شكرا على المرور

[كامارا]

المشاركة الأصلية كتبت بواسطة Eng/salwa ربنا يبارك لك و يهديه و يهدى اولادنا جميعا يا رب مريت بالمرحلة دى مع اولادى و حاليا اقوم بترويض اولاد اخواتى الصغار لانهم الحمد لله قريبين منى لاننى اعمل لهم الاطفال الصغار فسحة شهرية يفرحون بها مع ماما سلوى وده بيخليهم يسمعوا كلامى انا بالاقناع اكثر من امهاتهم و سبحان الله يطيعونى اكثر من طاعة اولادى لى مع كل مرحلة عمرية لها مشاكلها 1- ممكن نستعين بافلام كرتون هادئة ليس بها عنف وحروب العالم و تدميرة والتحول و العفاريت و الحاجات الغريبة اللى هى بتكون سبب عنف الطفل و عناده 2- شغله و مكافئته بالالعاب اللى فيها تشغيل للعقل مثل المكعبات و بناء بيت بيها افتكر لما اولادى كانوا فى العمرهههههههه ده فضلت الف و ادور على نوع معين من المكعبات كان ابنى بيحبة به اسوار و شبابيك و قطع غريبة نادرة و عساكر و ضباط لان عاوز يعمل كتيبة عسكرية متكاملة بسم الله ما شاء الله وحتى الآن احتفظت ببعض الالعاب التى كانت مميزة لهم و تعبت فى تجميعها لهم من عدة اماكن و محلات 3- عدم العند معه فى كل كبيرة و صغيرة الا فى ما هو خطر عليه مثل الكهرباء او البلكونات او شئ من هذا القبيل يعنى نفوت له الهايف شوية 4- نحاول و ده كان بصراحة المفروض يكون رقم 1 اننا نحفظة القصير من السور و نشغله قرآن بصوت هادئ اثناء النوم 5- المكان اللى بينام فيه يكون هادئ و فيه صور بيحبها و ضرورى رجوع حدوتة قبل النوم ده مهم جدا 6- اعطية ورقة و الوان و اطلق له حرية التعبير و الشخبطة و دى بعملها مع اطفال العائلة عند حضورهم عندى ضيوف اشغلهم فى مسابقة رسم و ارحم الفازات و المكان من التكسير او نزول الجنينة و تقطيع الزرع 7- تحبيب الطفل فى السلوك القويم بمكافئات كالخروج فى فسحة اسبوعية او حسب ظروف البيت وللحديث بقية بإذن الله

اولا انا و الحمد للة انسانة بحب اولادى لدرجة فظيعة ربنا يخليهم لى ونفسى فعلا يكونو احسن ناس فى الدنيا لكن الى انا بلاحظة دايما كل الاهتمام يكون بالكم الاكبر للطفل الاول وبالتالى الثانى يكون عنيد نوعا ما لأنة عاوز يثبت نفسة ويقول انا اهو جاى اوريكم انا حعمل فيكم اية علشان كدة الأم الشاطرة تحاول على قد متقدر يكونو زى بعض فى كل حاجة وربنا يقدرنى انى اسعدهم و اسعد ابوهم صاحب مشوار عمرى

[Eng/salwa]

المشاركة الأصلية كتبت بواسطة كامارا اولا انا و الحمد للة انسانة بحب اولادى لدرجة فظيعة ربنا يخليهم لى ونفسى فعلا يكونو احسن ناس فى الدنيا لكن الى انا بلاحظة دايما كل الاهتمام يكون بالكم الاكبر للطفل الاول وبالتالى الثانى يكون عنيد نوعا ما لأنة عاوز يثبت نفسة ويقول انا اهو جاى اوريكم انا حعمل فيكم اية علشان كدة الأم الشاطرة تحاول على قد متقدر يكونو زى بعض فى كل حاجة وربنا يقدرنى انى اسعدهم و اسعد ابوهم صاحب مشوار عمرى

ربنا يهديهم لك و يهدى اولادى و اولادنا جميعا يا رب
وربنا يسعدك معهم و مع زوجك يا رب
شكرا على المرور