مشكله مزمنه في الانوس عندي.....ارجو الاهتمام من المهندس سمير عياد

[sherif_taher]

سحب العربيه ضعيف.........مشكله متكرره مع ناس كتيره بس زهقتني عشان بحاول احلها من فتره كبيره و صرفت كتير و مفيش فرق برضو
انا غيرت الفلاتر و البوجيهات و طلمبه البنزين وكشفت على الفرامل
ما فاضلش غير الفتيس اللي غيرتو اول ما العربيه ما جبتها و كان الاصلي الكوري االGM
الفكره ان كل ما اجرب عربيه لانوس احس بفرق شاسع العربيه عندي تقيله اوي و لكن باقى الانوس اخف يكتير
بس بدأت الاحظ بعض الاعراض حاسس انها من الفتيس
اولها ان في صوت خشونه بيظهر عند الدواره بيختفي عند الدوس على الدبرياج
ثانيا ان بعد مشوار طويل لو دخلت في زحمه و ماشي اول في تاني بالكتير الاقي رجرجه جامده ما تروحش الا لما ازود بنزين
ثالثا السحب الوحش اوي على السرعات البطيئه والتقل الغريب
رابعا في اول الطلوع الصبح بعد التسخين وبدي التاني الاقي تحت ايدي في خبطه في الفتيس
خامسا اني جربت كذا لانوس و هما زي بعض وبنفس اختلاف عن عربيتي

العريبه موديل 2005 و عمله 111 الف كيلومتر وم غير الفتيس عند 103 الف كيلو متر

شـــــــــــــــــــــكــ ــــــــــرا

[Hamada_El_Sh3er]

انت بتستعمل بنزين أيه

[sherif_taher]

المشاركة الأصلية كتبت بواسطة Hamada_El_Sh3er انت بتستعمل بنزين أيه

92 و من بنزينه كويسه كمان عشان نبعد عن البنزين المخلوط

[samirayad]

وم غير الفتيس عند 103 الف كيلو متر

اولها ان في صوت خشونه بيظهر عند الدواره بيختفي عند الدوس على الدبرياج ثانيا ان بعد مشوار طويل لو دخلت في زحمه و ماشي اول في تاني بالكتير الاقي رجرجه جامده ما تروحش الا لما ازود بنزين

غالبا مشاكلك من الدبرياج

عاوز أعرف موقفه من الصيانه

فهل غيرت الفتيس على نفس الأسطوانه والديسك والبليه القدام ..........؟

بتوع الفتيس القديم ولا حاطط ديسك وأسطوانه وبليه جداد وقت تغيير الفتيس



إحساسى بيقولى أن البيه الميكانيكى

سلت الفتيس بمشرشر عمود الدريك بتاع الفتيس القديم

وكان سايب الدبرياج الأساسى راكب على حدافة المكنه ( الفلام يعنى )

وكسل يكشف عليهم وقت تغيير الفتيس الجديد

وراح مركب الفتيس الجديد على مكونات الدبرياج الراكبه على حدافة المكنه

[وائل السويفي]

المشاركة الأصلية كتبت بواسطة sherif_taher ثانيا ان بعد مشوار طويل لو دخلت في زحمه و ماشي اول في تاني بالكتير الاقي رجرجه جامده ما تروحش الا لما ازود بنزين شـــــــــــــــــــــكــ ــــــــــرا

بسم الله الرحمن الرحيم
انا عندي نفس المشكلة بس بعد الرجرجة الآر بي ام بينزل جامد والعربية تبطل
العربية موديل 2008 وعاملة 70الف.