ناوي ومحتار، انصحوني قبل ما أنهار!

[crypt76]

بسم الله

أنا بإذن الله نويت أشتري سيارة جديدة بالتقسيط
المقدم المتاح 25 ألف وقسط شهري لا يتعدى ال1600

احتياجاتي في السيارة:
1- موتور كويس سحبه معقول (بالذات مع تشغيل التكييف لأن في توافق ما بين جيناتي وجينات الدب القطبي وبحتاج للتواجد في درجات حرارة منخفضة جداً)
2- السيارة تكون أوتوماتيك
3- مش بحب الجري ولا السرعة يعني يوم ما أجيب 120 مش هسيب حد أقابله إلا لما أقوله "شوفت أنا عملت إيه!"
4- حركتي معظمها داخل القاهرة ولمسافات مش كبيرة بس كل أسبوعين ولا حاجة بطلع السخنة أو اسكندرية وكل فترة دهب أو شرم، يعني محتاج حاجة أقدر أعتمد عليها في الرحلات دي برضه.
5- الكماليات مش حاجة مهمة جداً بالنسبة لي.
6- أنا طويل القامة ومحتاج سيارة أقدر أقعد فيها مرتاح.
7- كان معايه قبل كده أونو ولانوس وأفيو ونيسان تيدا (للمقارنة فقط لا غير)
8- ترتيب دول الصنع الي عايزها -إن أمكن- أوروبي فياباني فجنوب شرق آسيا.
9- بس كده

ملاحظات:

أنا كلمت أستاذ سيف وتفضل مشكوراً بالاستماع لي بس أنا محتار ومش عايز أتقل عليه بكم مهول من المكالمات التي يتلخص ما سيأتي بها في عبارات مثل "طيب أنت إيه رأيك في... هل تعتقد إن دي أفضل من دي؟ طيب تنصحني بإيه... إلخ"
في البداية فكرت في السيراتو لأني بحبها جداً بس طبعاً خرجت من الرينج المحدد للسعر وتلتها الإلنترا، وبعدين فكرت في النيو أكسنت سبورت والتيجو وكدت أستقر على التيجو بس بعد ما وقرأت هنا في المنتدى عنها حسيت إن في تضارب في الأقوال وصلني لنتيجة إنها زي البطيخة يعني أنت وحظك وأنا مش عايز أخاطر.

عامة أنا حاولت ألخص (شايفك بتضحك يالي هناك على كلمة ألخص بعد الإطناب والإسهاب ده كله ) احتياجاتي وإمكانياتي وعلى أساسها أمامكم سوق السيارات بأكمله لتختاروا منه وتتفضلوا مشكورين بنصيحتي.

أشكركم مقدماً

[POSH3ER]

ع حسب المواصفات دية احسن اتنين ف نظري

البروتون جين 2 و النيو اكسينت عربيتين من الاخر و سعرهم حلو

و ممكن الكيا ريو حلوة بردة

[uubaby2000]

اى تن طبعا اوتوماتك متزنقش نفسك فى عربية هتاخد منك بنزين كتير وانت كدة كدة مش محتاج السرعة فى حاجة انا قلتلك اى تن مش بيكانتو لانها شبابية اكتر .

[DR A73]

m11 speranza )

[AbOnOrA]

والله انا نفسى تفضل محتار كده علشان نستمتع باسلوبك الجميل فى الاستفسار والكتابة

انا شايف ان الانسب ليك الالنترا
اولاًُ مناسبة لكل متطلباتك
ثانياً عربيه اعادة البيع بتاعتها سهلة بما انك بتغير عربيات كتير فوارد قريب تحتاج تغير تانى
ثالثاً انسب من الاوربى فى تكاليف التشغيل والاستخدام خاصة انك هتجيبها قسط وبالتالى عربيه صيانتها وقطع غيارها رخيص ومتوفرة هتبقى افضل بكتير

بس انا عايز اعرف انت النيسان تيداُ غيرتها ليه ؟؟