أستقالة حسني مبارك

[ahmed_harb777]

المشاركة الأصلية كتبت بواسطة أسد الله للأسف الشديد أخي هو لا يستمع لصوتنا فنحن بالنسبة له مجموعة من العبيد الرعاع ولكنه يعمل ألف حساب وحساب لأولياء نعمته اللذين على ما يبدو انهم لمحوا له انهم لن يؤمنوا له الحمايه لو أصر على الأستمار حتى نهاية مدته هذا وهذا فقط ما أقنعه بالرحيل لا أنا ولا أنت ولا شباب التحرير الشرفاء ولا كل الشعب المصري صدقني يا أخي هذه هي الحقيقة المرة

استاذي الفاضل
تسمحلي اختلف معاك

حضرتك بتقول انه لايسمع صوتنا
الكلام ده لوصحيح ماكنش حصل التعديلات الاخيره وياريت ماتقوليش ضغوط خارجيه

اما بالنسبه للحمايه اللي حضرتك بتقول امريكا بتأمنها له فا أنا مش فاهم من مين بالظبط
من جماعه الاخوان مثلا
اعتقد انهم اقل من انهم يتسببوا باستقاله وزير مش رئيس جمهوريه

وكمان مين قال لك انه هيرحل وحضرتك اصلا جبت الخبر ده منين ومصدره ايه

ياريت بلاش اشاعات

[الدملاوي]

المشاركة الأصلية كتبت بواسطة ahmed_harb777 استاذي الفاضل تسمحلي اختلف معاك حضرتك بتقول انه لايسمع صوتنا الكلام ده لوصحيح ماكنش حصل التعديلات الاخيره وياريت ماتقوليش ضغوط خارجيه اما بالنسبه للحمايه اللي حضرتك بتقول امريكا بتأمنها له فا أنا مش فاهم من مين بالظبط من جماعه الاخوان مثلا اعتقد انهم اقل من انهم يتسببوا باستقاله وزير مش رئيس جمهوريه وكمان مين قال لك انه هيرحل وحضرتك اصلا جبت الخبر ده منين ومصدره ايه ياريت بلاش اشاعات

أشكر أختلافك وحوارك معي أستاذ أحمد

الرجاء الدخول على الموقع الألكتروني لجريدة نيويورك تايمز أو شاهد قناة العربية أو ال b b c ...

شكراً لك

[أحمد فاروق سيد]

لله الأمر من قبل ومن بعد

لله الأمر من قبل ومن بعد

لله الأمر من قبل ومن بعد

لله الأمر من قبل ومن بعد

لله الأمر من قبل ومن بعد

[otefa]

يارب سترك

بأمانة شديدة... انا كنت ناوية مكتبش اي شئ ف المنتدي عن اي حاجة حصلت بخصوص الاحداث الجارية واللي عشتها يوم بيوم...بس انا هتوقف عند يوم واحد فقط...ألا وهو الأمس..

مبدئيا انا موقفي الي حد ما محايد..مش قادرة اقنع اي شخص بالامتناع عن النزول غدا..او ألوم شخص آخر بمكوثه فبيته

الأيام اللي فاتت دي تقريبا مكنش في اطباء بيروحوا من الطوارئ...ليه زمايلي فعلا من يوم الجمعة مروحوش...للاسف عددنا صغير وفيه اعداد كبير للاسف برده لم تتح لها الفرصة انها تنزل الشغل...وكالعادة..اعتدت يوميا علي رؤية مناظر المصابين..سؤاء اللي كانوا بيتساقطوا حوالينا في المظاهرات او اللي كنت بشوفهم ف استقبال القصر العيني..

بس امبارح لنا هنا وقفة...طول النهار بشوف حاجات غريبة فلشوارع..شراذم بشرية بتتحرك كالقطيع من كل مكان شايلين ورق زبالة مقطع عليه بعض الهتافات بغضالنظر اكانت مع ام ضد..دي مش قضيتي دلوقتي...الغريبة انهم كانوا كلهم من نفس الفئة تقريبا..دا بالاضافة لانذار احد جيراننا بيشتغل في مكان أمني معين وحذرنا من نزول اخويا نتيجة اوامر محددة بإبادة تامة لكل متظاهري التحرير في تمام الساعة 3 صباحا...وفعلا في الساعات الاولي من الليل..بدأت تندع زي مبيقولوا..وكل شوية تيجي حالات بلطجية فعلا من طريقتهم وسالوبهم لدرجة اني لما كنت بسالهم هم تبع مين كانوا بتلجلجوا شوية قبل ميقولوا الاسم اللي هما ناسيينه اصلا

وف تمام الساعة3 ونص صباحا..حصلت المجزرة..اعذروني ف الكلمة بس هي مجزرة بكل المقاييس...وكأن واحدة دخلت علي عشة فراخ ودبحت فيهم كلهم...لكم أن تتخيلوا عربية اسعاف كانت بتدخل بمعدل كل دقيقتين بتلات اربع حالات...وقبل متوصل لباب الخروج كانت بتدخل غيرها..سيل من الحالات المصابة باحترافية شديدة سواء بطعنات مؤدية الي الوفاة..او برصاص او بتهشيم تام للرأس تقريبا الحالات مخرجتش من الاطار دا غير بعض الرصاص الحي في الاقدام...طول الليل مشتمتش غير ريحة الدم ومشفتش غير لون الدم...دم مختلط..وتضاربت الافكار..مبقيناش عارفين دا دم شبابنا الظاهر ولا دم البلطجية القذر...اللي خلقتهم ظروفنا اللي بنعيشها برده

اقسم بالله انا كان قلبي بيتقطع علي كل شاب ..كل أمل ,,كل نور فقدته اسره هيفضل الحزن مخيم ف بيتها للأبد... شباب دفعهم الحماس..وربما ساقهم التهور...او ع الاقل كلمة حماس منا ننطقها بدون قصد..تحمل شاب زي دا حياته

جثث ملقاة ومغظاه باعلام مصر..عشان ايه؟؟؟ ولا عشان مين

الله يخليكم دا حرمة دم المسلم اعظم عند الله من هدم الكعبة

الله يخليكم دي اقل نقطه هتنزل من اصغر شاب هتقتل اسرة باكلها

الله يخليكم متخلوش شوية كلاب يلاقوا فريسة سهلة يدبحوا فيها مقابل حفنة اموال

واي اللي هناخده؟؟ شهادة؟؟معتقدش.. مواجهة قوة غاشمة بدون تجهيز وتنظيم هننول عليها شهادة...ايا كانت القوة دي

جيش

شرطة

بلطجية

مع

ضد


الله يخليك ياللي ماسك ريموت كنترول بتراقب وراه قنوات التليفزيون بشوية امتعاض وطقطقة اسنان..وتعرف ان اللي مات مات واللي عاش عاش وفاالخر تاخد ولادك ف حضنك وتنام

افتكر ان اي كلمة قلتها قدام اي حد وشجعته علي الانتحار دمه فرقبتك

والله لو تشوفوا منازر الشباب وحنا بنتعامل معاهم

مجهول 1

مجهول 2

مجهول 3

والاعددا عمالة تتزايد..لدرجة لا تحصي

لو تشوفوا حرقة قلب اب ماسك صورة ابنه وعماله يعيك ويقولي مش لاقيه من تلات تيام وعاوز ادور فلجثث هتعرفوا احنا نقصد ايه

لو تعرفوا يعني اي موظفمش عارف يأكل ولاده بسبب التمادي اللي بقي سخيف بالمنظر دا....

لو تشوفوا بعض الاطباء اللي نزلوا التحرير فمستشفي ميداني..وبعد شوية يرجعلنا طبيب زميلنا مضروب رصاصة ف دراعه تتسببله فعاهة مستديمة...وكل ذنبه انه أدي واجبه ف وقت الناس محتاجاه فيه
لو فكرت اد ايه كل واحد مننا بيعاني كل يوم خناق مع اهله عشان يقدر ينزل من بيتهم يشوف شغله
لو فكرت فكل دا لحظة واحدة اعتقد موقفنا هيتغير

شباب مصر اللي نزلوا يوم الغضب وكملوا ثورتهم احسبهم عند الله من خيرة شباب مصر..وعشان كدا مش عاوزة اضحي بيهم واملي فيهم كبير

دم صاحب اخويا اللي مات ولسه دمه علي بنطلونه مش عوزاه يروح هدروالموضوع يتدنس بالمنظر دا

الانجاز اللي عملناه الايام للي فاتت وهيبقي ذكري محفورة لانتفاضة مصرية مش عوزاها تتبدل بمذبحة جديدة

خلص الكلام
منقول.........يرجي عدم المشاركة في المظاهرات غدا درء للفتن ودمار بلدنا

[احمد بدر1978]

ربنا يوفق الى ما فية الخير لمصر والمصريين