#1
|
||||
|
||||
جمعة الرحيل
لكل الناس اللى بتنادى بجمعة
مجاش الوقت نرجع بيوتنا؟؟ مجاش الوقت الناس ترجع شغلها ؟؟ مجاش الوقت الواحد يعيش حياته الطبيعيه و يحس ب الامان؟؟ ارجو منكم كفايا وقف حال لحد كده بجد الواحد خلاص اتخنق |
#2
|
|||
|
|||
رد: جمعة الرحيل
يا ريت يهمدوا بقى قرفنا,
الحال واقف الناس مش عارفة تقبض مرتباتها, مفيش اكل و لا شرب مش عارفين نشترى حاجة. ارحمونا بقى من لعب العيال ده, دول ناس فاضية مورهاش حاجة و فاكرين السياسة و المظاهرات لعبة و روشنة و موضة جديدة و خلاص.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
#3
|
||||
|
||||
رد: جمعة الرحيل
ما طول ما بابا و ماما بيدو مصروف خلاص
|
#4
|
||||
|
||||
رد: جمعة الرحيل
مجاش الوقت اننا نقول فيه كفايه دم؟؟
شباب مصر اللى عمل المعجزه دى واللى كنا قبلها ياسين من مستقلبنا ومستقبل مصر بيموتوا ودمهم بيهدر ولن يبقى لنا غير البلطجيه ورجال النظام حسبى الله ونعم الوكيل |
#5
|
||||
|
||||
رد: جمعة الرحيل
يا ريت يهمدوا بقى قرفنا, الناس دى ماخلتناش نقرف .. الناس دى خليتنا نرفع راسنا ونفتخر باننا مصريين .. الناس دى خليتنا نحس اننا لسه عايشين وفينا اللى يقول لا للظلم .. لا للطغيان.. حسسونا اننا مش انعام تساق وانما نحن من بنى ادم لنا كرامه الحال واقف الحال واقف من يوم ما اتولدنا .. ليه دلوقتى متضايقين ان الحال واقف.. واحنا بناخد حقنا ؟؟ الحال هيبدا بالناس دى انه مايبقاش واقف الناس مش عارفة تقبض مرتباتها, ومن امتى كانت مرتباتنا بتكفى اى حاجه .. اقسم لك ان 90 % من الشعب المصرى مرتباته كانت بتخلص من يوم 3 فى الشهر مفيش اكل و لا شرب مش عارفين نشترى حاجة. ومن امتى احنا اكلنا وشربنا بكرامه وبشبع .. لقمه العيش كنا دايما بنتزل ونشعر باهانه علشان نحصل عليها من اول اصحاب القطاع الخاص بعد ان انهوا على القطاع العام وامتصاص اصحاب القطاع الخاص لدم الشعب ليلقوا لهم بالفتات مرورا بطوابير العيش والمهازل اللى فيها والمبيدات المسرطنه اللى فى الزراعه وثمن كيلو الطماطم اللى وصل 10 ج نهايه بالفشل الكلوى بسبب الميه اللى بنشربها والمواد السامه اللى بناكلها فى اكلنا ارحمونا بقى من لعب العيال ده, دول ناس فاضية مورهاش حاجة و فاكرين السياسة و المظاهرات لعبة و روشنة و موضة جديدة و خلاص هما فعلا هيرحمونا بس من ايد الظلمه والطغاه .. وهما عمرهم ماكانوا عيال لانهم لو كانوا عيال لما كنت سمعت خطاب الرئيس بالتنحى اول امبارح .. ولا عمر الناس اللى واقفه فى وش الرصاص الحى اللى راعبنا كلنا واحنا فى بيوتنا وواقفين فى عز البرد بلا مأوى انا اسف لمجاهجمة مشاركتك بالطريقه دى .. بس حضرتك لو متابع دلوقتى قناة العربية هتعرف حرقتى فى كلامى دا جايه منين الناس دى الحكومه هى اللى عملت فيها كده لما شافت دم اخواتها واصحابها واهاليها تهدر على ايد الشرطه اسف مره تانيه |
|
|