ماسبب اشتعال الاحداث فى التحرير ومصر كلها فى رأيك؟

[snoop]

السبب تخطيط المعارضة والاحزاب وبدعم من مخططات صهيونية لجلب الفوضى للبلاد وعدم استقراراها
وكفاية ان اليوم تم القبض على مهندس اسرائيلى فى السويس كان بيتمشا فى حى الاربعين !!!!

[MIDO-SPICY]

اعتقد انى لو جاوبت على السؤال اللى انت موجهه فى موضوعك مش هتكون الاجابه مختلفه كتير عن اجابتى على سؤال علاء فى موضوع الخروج من الازمه
وكان ردى كالتالى :-

انا اعتقد من وجهه نظرى ان الازمه دى اتحل 70 % منها بخطاب تنحى الرئيس وان 80 % من شباب ثوره التحرير روحوا بيوتهم

وفضل 20 % وهما اللى عملوا الازمه الجديده بانهم خلوا فئه ضعيفة النفوس تبعت المرتزقه دول يخربوا فى البلد ويضربوا بيهم 3 عصافير بحجر واحد
اولا : يقضوا على الشباب اللى عايزين يقضوا عليهم
ثانيا : يضربوا حسنى مبارك ضربه جديده ادام الشعب واهى تبقى خطوه فى الوصول الى كرسى الحكم
ثالثا : يطبقوا اجندات سياسيات خارجيه كتير هتموت وتفرح فى مصر

طيب انا علشان اقطع الطريق على المرتزقه دول اعمل ايه ؟؟
ان ال 20 % اللى باقيين فى التحرير يروحوا
طيب هيروحوا امتى ؟؟
لما الرئيس يديهم امارة على جديه كلامه اللى قالها فى خطابه
طيب هل ممكن الرئيس يديهم امارة بشكل سريع وملحوظ يقضى على الانفلات دا ؟
طبعا ومن وجهة نظرى المتواضعه عن طريق الاتى :-
1- ظهور حبيب العادلى وتقديمه لمحاكمه عسكريه باعتباره المسئول الثالث بعد الرئيس ورئيس الوزراء عما حدث مع الشرطه فى يوم الجمعه
2- جدولة الوعود اللى وعد بيها الرئيس جدوله زمنيه محدده يمكن للناس ماتبعتها من خلال ان تكون خطوات التنفيذ معلنه لجميع اطياف الشعب من تعديل للدستور وخلافه
3- خروج خطاب الحكومه للخطه التى هتمشى بيها خلال الفتره المتبقيه من فتره حكم مبارك ويبرزوا خطط الدوله فيما يخص مطال الشعب من بطاله ومرتبات وتحسين مستوى المعيشه
4- ان الرئيس يقوم بمخاطبه الشعب بشكل متكرر واعتقد انه بدا دا امبارح لما قال فى خطابه انى وجهت القوى المعارضه لطلب الحوار ورفضوا وانا دلوقتى هكلم الشعب .. يمكل بقى ولا هى مره واحمدوا ربنا
5- رجوع افراد الامن الى الشارع العادى " بعيدا عن ميدان التحرير فثوار ميدان التحرير سمهم وعماهم دلوقتى يشوفوا النسر على كتاف او لياقه قميص حد " ومحاوله نسيان اعمال البلطجه والشغب للناس
6- تقليص " وليس الغاء " عدد ساعات حظر التجول لعوده الحياه لطبيعتها وذهاب الناس الى اعمالهم وجعلها من 9 الى 6 ص مثلا

ومعتقدش انى اذكى من اللى بيحكمونا علشان اقدر اطلع حاجه اهمد بيها اللى بيحصل اكثر منهم

وان كنت عايز ملخص المشكله فى جمله واحده فهى ( فقدان الثقه لدى الشعب من الحكومه فقدانا كبيــــــــــــــــــــــ ــــــــــــــــــــــــر ا )

[koashraf]

وان كنت عايز ملخص المشكله فى جمله واحده فهى ( فقدان الثقه لدى الشعب من الحكومه فقدانا كبيــــــــــــــــــــــ ــــــــــــــــــــــــر ا )

[/QUOTE]
اذا لحل هذه الازمه كيف يمكن اعادة الثقه بين الشعب والحكومه؟

[hazem_khidr]

الناس المحترمه سابت التحرير خلاص
و اللي باقي دلوقتي شويه عيال مش متربيه ولا اهلم عرفوا يعلموهم معني الادب
يا ريت قنبله تنزل من طياره علي الميدان تفجر كل اللي قاعدين فيه علشان نستريح
لان لو فضل الوضع كده مطالبهم مش حتخلص
حسبي الله و نعم الوكيل

[sam ram]

مين قالك يا حازم ان اللي في التحرير مش محترمين... هو انت نزلت التحرير او شوفتهم
التحرير فيه دكاتره و مهندسين و محامين .. لو دول مش محترمين .. يبقى مين
وانا مش بقول اني نزلت او شوفت لكن ....
دور على حديث عمار الشريعي مع منى الشاذلي
شوف حديث الدكتور فتحي سرور لقناه العربيه
شوف كلام مصطفى الفقي
افتح اي قناه اجنبيه غير الفضائيات المصريه التابعه لوزير الاعلام
يمكن قناه دريم الوحيده اللي نقلت صوره حقيقيه

وفكر
مين اشعل الفتنه

الفتنه في اللي دخلو ضربو المتظاهرين واشعلو فتيل الغضب ...
في اللي عايزين يوهمو الناس بمغالطات
في اللي عايزين يضيعوا دم 300 شهيد ...
علشان نخلص بقى ...
مع اننا قاعدين في بيوتنا بنتفرج ... وزعلانين من اللي بيموتو و بينضربوا علشان بيدافعو عن كرامتهم و كرامتنا اللي واضح انها مش فارقه معانا

البلد خربت كده كده ... بس يا ريت يكون بفايده ... ميروحش اللي حصل .. بلاش
ميروحوش اللي ماتو ... بلاش
بدل ما نتكلم و خلاص ... على الاقل نشوف الاول ... ونفكر

لكي الله يا مصر ... حسبي الله و نعم الوكيل